ازاي ازاكر و احب المزاكره هو اه انا بحبها و كنت من المتفوقين بس حاليا معنديش اي شغف و عيزا ابدا عامي الجديد وانا ناجحه و مأهله نفسي للمزاكره وعيزا ابطل كسل و مسك تلفون كتير
ابعدي عن المشتتات يعني مثلا الفون و التلفزيون فا ب التالي مفيش اي حاجة تعملها ف هتذاكر في قناة ع اليوتيوب اسمها "دروس اونلاين" دي احسن قناة تتكلم عن المذاكرة في فيديو مهم جدا غير تفكيري نحية المذاكرة الفيديو اسمه "ملخص كورس تعلم كيف تتعلم " هتلاقيه على القناة برضو دروس اونلاين حوالي نص ساعة مفيدة جدا في مصادر كتير اوي أهمها القناة دي و الفيديو دا و في طريقة اسمها pomodoro دي طريقة انا يستخدمها في المذاكرة و هيا عبارة عن مذاكرة 45 دقيقة و راحة 15 دقيقة بتخلي تركيزك يفضل ثابت و ميقلش لو ذاكرتي ساعتين متواصلين مش زي م تعملي الطريقة دي مرتين مذكرة 45 دقيقة و راحة 15 دقيقة تتكرر 4 مرات و المرة الأخيرة تاخدي بريك 60 دقيقة و حاجات كتير كتير اوي بجد هتستفادي منها على القناة دي و عن تجربة شخصية غيرت تفكيري و اثرت فيا كتير
تم النشر الأحد، ٩ يوليو ٢٠٢٣
ممكن تقولي يعني ايه الشغف! هل قصدك أنك تكون متحمس وعند قابلية جامدة بقى وكده أنك تبدأ في الشئ ده! للاسف موضوع الشغف ده بقى منتشر جدا ف إن كل الناس بتقوله، ولكن للاسف برده احنا مش فاهمينه صح. الشغف ما هو أنه يديك الدافعة الاولى للشيء اللي حابب تبدأ فيه. الحافزية بمعنى اوضح، ولكن مش دوره ف أنه يخليك تكمل، ولا أنك تكون مبسوط كل يوم، أو أنك في أبهى صورة كل يوم. لأ، الموضوع مش بيمشي كده، لأن مستحيل الإنسان يبقى يبقى عنده حافزية طول الوقت، مش معقول يبقى عنده دافعية، ومتحمس طول الوقت. ده مش ممكن ابدا، لأن مش ديه الطبيعة، الانسان عنده مشاعر كتير ممكن تكون على مدار اليوم متنوعة. فرحان، غضبان، حالة عادية، حزين. الإنسان ليس على وتيرة واحدة. وعلشان كده محدش بيبقى هيموت من الفرح أو متحمس اوي وهو صاحي من عز نومه والدنيا برد علشان يقوم يذاكر، هو صاحي علشان عنده هدف، عايز يوصله. الهدف هو اللي المفروض تركز عليه علشان توصل ل اللي انت عاوزه، مش الشغف. لازم تحدد أهدافك كويس .. لو فيه هدف وانت عندك إصرار وعزيمة فيه، يبقى سهل أنك تتغلب وقتها على كسلك. اتمنى ليكي كل التوفيق
تم النشر الاثنين، ١٠ يوليو ٢٠٢٣
و كمان عشان تأهلي نفسك للدراسة لازم تلعبي رياضة و تاكلي اكل صحي و تنظمي نومك و تحافظي على صلاتك و تقربي من ربنا اكتر ده عن تجربتي الشخصية الي فرق معايا و خلاني اواصل للنهاية خلال السنة دي🤡
تم النشر الأحد، ٩ يوليو ٢٠٢٣
انا هتكلم بناءا على تجربتي يمكن يفيدك الموضوع الشغف مش دايما بيكون عندنا و لو هنفضل منتظرين يكون عندنا شغف عشان نحقق اي حاجه في الحياة فكده هنفشل و بالنسبة للتليفون في تطبيقات تقدري تحمليها بتقفل التليفون بعد ما يخلص الوقت الي انتي حددتي انك هتمسكي التليفون فيه و كمان تقدري تقولي لحد من اهلك ياخده لحد ما تخلصي مذاكرة و كمان مش لازم تحبي المذاكرة أحيانا كتيره مش بنبقى حابين نعمل حاجة هتفيدنا لأنها مثلا مملة أو صعبة او مش بنحبها أصلا رغم اننا عارفين كويس قد اي هي مهمه لمستقبلنا فكل الي عليكي تعمليه هو تنظيم الوقت و الالتزام حتى لو مش حابه الموضوع في النهاية ده لمستقبلك مش لمستقبل حد تاني
تم النشر الأحد، ٩ يوليو ٢٠٢٣
عزيزتي، أنا فاهمة إحساسك ده تمام. كتير بيحصل الواحد فتور و كسل في وقت من الأوقات ، حتى لو كان بيحب المذاكرة. بس في حلول بسيطة تقدري تعمليها عشان ترجعي تاني لعادتك في المذاكرة. أولا : حددي هدف واضح لنفسك. مثلا إنك عايزة تنجحي بتفوق في الامتحانات دي. الهدف هيساعدك يرجعلك الحماس. ثانيا : بطلي تستخدمي التليفون والدنيا الافتراضية. دول بيقتلوا التركيز وبيسرقوا وقت المذاكرة. ثالثا : حاولي تذاكري مع صحابك. ده بيخلي المذاكرة أكثر متعة وبيساعد على تبادل الأفكار. رابعا : ابدئي بمذاكرة موادك المفضلة أولا. عشان ترجعي تحبي المذاكرة تاني. بعد كده انتقلي للمواد الصعبة. خامسا : اجعلي نفسك مكافأة بعد المذاكرة زي إنك تطلعي مع صحابك أو تعملي هوايتك. ده هيشجعك على المذاكرة. أتمنى إن النصايح دي تساعدك ترجعي تحبي المذاكرة تاني.
تم النشر الأحد، ٩ يوليو ٢٠٢٣
اهم نصيحة دلوقتي هو تنظيم الوقت والبعد تماما عن المشتتات تحديداً السوشيال ميديا دا اولاً عشان ترجع/ي الشغف التاني ممكن تشوف فيديوهات تعليمية ع اليوتيوب او افلام وثائقية او القراءة ودا افضلهم من وجهة نظري هتفرق جداً وبالتوفيق ان شاء الله
تم النشر الأحد، ٩ يوليو ٢٠٢٣
🎤 إجابة صوتية
تم النشر الأحد، ٩ يوليو ٢٠٢٣
خلينا متفقين إن إللي بيبعدنا عن المذاكره إننا أخدينها فرض، بحيث معادلتنا بتكون إحنا بنذاكر؛ عشان ننجح، بس المعادله مينفعش تكون كدا، إحنا بنذاكر عشان نبني أمه، عشان منكونش ناس بتتاكل بسرعه، فأول حاجه رتب أهدافك وأولوياتك، يعني أنا عايز أطلع إيه؟ فليكن مدرس؟ يبقا كل كتبي هكتب فيها Mr/miss عشان يكون حافز للتقدم، طب ليه عايز أكون مدرس؟ عشان أنفع الناس بعلمي يبقا دا هدف تاني، لو إنت شخص بتتحفز بالعبارات الإيجابيه، جيب إستيكي نوت وأكتب على الحيط والمكاتب، او ورق عادي وألزقه، خلي هدفك قدامك وحاول عشانه وكل ما توصل لهدفك حط هدف أكبر والنوتس بتاعت المهام متخليهاش كتير متدوش نفسك بحاجات كتير، شوف المهم فين وإنجزه الأول، سيبك من الفون، ألم الدراسه يوم…فاتحمل يوم بدل ما تتحمل بقيت العمر.
تم النشر الأحد، ٩ يوليو ٢٠٢٣
لعرض السؤال في فدني اضغط هنا