من غير كلام كتير موضوعي بدء من ساعة ما الجراج اللي كنت شغال فيه اتقفل بسبب مشروع المترو الجديد فضلت ثابت مكاني ٦سنين وفجأه جي المدير بتاعي عايز يجبلي شغلانه هي كويسه وكل حاجه ماشي في مكتب محاسبه بس انا مابقتش عايز الشغل دا تاني انا بقيت حابب اشغل نفسي من فتره كده اتعرض عليا من صاحبة شركة اسيب الجراج واشتغل معاها وهتعلمني في شغلها بس انا بصراحه رفضت علشان مش بحب اشتغل عند حد وخصوصا بعد ماجربت في مكتب المحاسبه ومش بحب فكرة اني شغال مع واحده والكلام الفاضي دا بس انا دلوقتي مش عارف اعمل ايه مابقتش قادر استحمل واكمل وانا واقف مكاني خصوصا اني مش عارف الجراج دا هيشتغل امتي ولا اي حكايته
حاولو تفيدوني وتقولولي انا صح ولا غلط
انا عمال ابهدل في نفسي والعمر بيجري بيا ومش عارف اتحرك
طيب ايه هي مميزات مكتب المحاسبة وايه مميزات الشغل اللي اتعرض عليك من صاحبة الشركة؟ حاول تشوف ايه المميزات والعيوب الخاصة بالعملين وتحسبها صح. انت قدامك فرصتين حاول تشوف الانسب فيهم، طالما مش لاقي حاجة...
انت كنت شغال ايه في الجراج وايه هي الحاجات اللي تعرف تعملها
عادي كنت بستقبل وبركن وممكن اغسل العربيات عادي اشتغلت فتره في المحلات والمطاعم استيوارد والمصانع اخر حاجه كنت في مكتب محاسبه
جرب مثلا تتفق مع واحد عنده عربية وتشتغل كابتن كريم أو أوبر
الشغل موجود والحمدلله بس مع واحده ست وانا مش بحب اشتغل مع ستات ومابقتش عارف اعمل ايه
لعرض السؤال في فدني اضغط هنا