أنا لسه داخله الاب مش عارفه انتو بتتكلموا ليه باللغه العربيه الفصحى حسيت اني جاهله كده😭😂
المهم انا حسيت اني عايزه احكي مشكلتي والاقي ناس حقيقه بترد عليا وبتساعدني مش مجردAI زي ما دايما كنت بعمل ..
هي مشكله ممكن تبان تافهه لبعض المشكلات اللي اتعرضت وقرأتها هنا ولكنها كبيره بالنسبه لي مش عايزه اطول في البوست يعني ..
انا مجرد بنت لسه صغيره في اولى جامعه بس حاسه اني تايهه جدا ومش عارفه اعمل ايه حاسه اني واقفه مكاني مش بتحرك ولا بتقدم وان العمر هيعدي وانا هفضل لسه مكاني معملتش حاجه لنفسي ولا نجحت في حاجه ..
انا حياتي فاضيه تماما مفهاش اي حاااجه خالص بمعنى اي حاجه فلما بقعد كده وافكر في يومي وحياتي ماشيين ازاي بشوف ان قد ايه انا بضيع وقت كبير اوي ممكن اعمل فيه حاجات تانيه لكن في نفس الوقت انا معرفش المفروض اعمل ايه ولا امشي ازاي فبترجع دماغي تاني تحس باحساس العجز والفراغ والفشل ..
لحد ما خلاص بقيت شايفه فعلا اني فاشله وحياتي فاشله وملهاش لازمه ولا بفيد نفسي ولا اي حد بأي حاجه ..
فبجد معرفش المفروض اعمل ايه!!....
انا زيك اولي جامعه حصلتلي ظروف خلتني أقرب من ربنا حسيت ان ربنا بيحبني بجد. لو هنصحك نصيحة واحده هتكون انك تعرفي ربنا وتقربي منو وتتعرفي عل الدين خصوصا انها فرصه حلوه ف رمضان وحاولي تاخدي كورسات وتطور نفسك ف مجال كليتك
تم النشر الجمعة، ٢٠ فبراير ٢٠٢٦
عرفيني بنفسك اكتر ف كليه ؟ بتحبي اي من الأنشطة ؟ نفسك تطلعي اي لما تخلصي دراسة ؟ اخبارك ايه مع ربنا ؟ اخبار مع الأسرة ؟ بتحبي تقراي الروايات ؟ افيديني اكتر عن نفسك
تم النشر الجمعة، ٢٠ فبراير ٢٠٢٦
بصي هو عموما الإنسان لما بيقعد يفكر كتير وهو مكانه عقله بيصور له إنه غرقان وفاشل لكن أول ما بيبدأ يعمل أي حاجة الصورة بتتغير. ومتقوليش هغير حياتي. قولي هعمل حاجة مفيدة لمدة مثلا 15دقيقه بس في اليوم قراءة، لغة، رتبي ،اكنسي ، الـ ١٥ دقيقة دول هما اللي بيكسروا حاجز العجز اللي إنتي حاسة بيه. وانتي مش في سباق دراسي بس. جربي تفشلي في كورسات، جربي تدخلي نشاط طلابي وتنسحبي منه، جربي تتعلمي مهارة ومتحبيهاش. التوهان في سنك ده هو النجاح، لأنك لسه بتجربي الأبواب عشان تعرفي أنهي باب بتاعك. وإنتي ليكي قيمة لأنك إنسانة، مش عشان عملتي إنجاز. بطلي تقارني كواليس حياتك بـ أفيشات حياة الناس اللي بتشوفيهم على السوشيال ميديا. هما بيعرضوا النجاح بس، ومحدش بيصور لحظات التوهان اللي زيك. ولما تحسي إنك غرقانة في التفكير، قومي اشتغلي بايدك. نظفي أوضتك، اطبخي أكلة، انزلي اتمشي. الحركة الجسدية بتسكت الأفكار السلبية اللي في الدماغ. وإنتي مش فاشلة، إنتي بس مركونه والكنبة هي أكبر عدو ليكي دلوقتي. قومي اتحركي في أي اتجاه، حتى لو غلط، الغلط هيعلمك الصح، لكن القعدة مش هتعلمك غير الاكتئاب وبعتذر على الإطالة 😊 وجد ربنا يوفقك ويكرمك
تم النشر الخميس، ١٩ فبراير ٢٠٢٦
السلام عليكم - ولا تافهة ولا حاجة بالعكس يمكن لما تشاركي مشاكلك ترتاحي شوية المهم يمكن احساسك دا بسبب انك لسه داخلة بيئة جديدة عليكي ولسه مش عارفة تتاقلمي عليها وكمان يمكن انتي مش حاطة هدف قدامك ف تايهة ومش عارفة تعملي ايه ف حطي هدف لنفسك بخصوص مجالك وكليتك وحفزي نفسك علي تحقيقه وخلي دايما طموحك عالي واحلمي احلام كبيرة واسعي لتحقيقها
تم النشر الخميس، ١٩ فبراير ٢٠٢٦
يا حبيبتي، أول حاجة: أنتِ مش جاهلة خالص! العربي الفصحى ده للرسميات، بس هنا في فدني بنتكلم زي ما بنحب، وأنا سعيدة إنكِ جيتِ تحكي معايا 😊. شعورك ده بالفشل والتيه طبيعي جدًا في أولى جامعة – كل بنات الجامعة بيحسوا كده، زي ما الدنيا فجأة كبرت ومحدش قالكِ الخريطة فين! الحل مش سحر، بس خطوات صغيرة هتغير كل حاجة: ابدئي بقائمة يومية بسيطة : كل صباح، اكتبي 3 حاجات بس (مش أكتر عشان متزهقيش). زي: "أدرس ساعة، أمشي 20 دقيقة، أقرأ صفحة قرآن". لما تخلصيها، خطّي عليها – الإحساس بالإنجاز هيجي لوحده! املئي الفراغ بـ"هدف صغير" : حياتك مش فاضية، بس محتاجة ترتيب. جربي هواية جديدة زي الرسم، الكتابة، أو حتى تعلمي مهارة أونلاين (زي كورس مجاني على يوتيوب عن التصميم). كمان، ركزي على دراستك – حددي هدف أسبوعي زي "أفهم فصل واحد كويس". من منظور إسلامي : الشعور ده بيروح لما تتوكلي على ربنا. صلي النوافل يوميًا، ادعي "اللهم أعنّي على ذكرك وشكرك وحسن عبادتك"، واقرئي سورة الشرح كل يوم – هي بتفتح الصدر وتريح القلب. تذكري قوله تعالى: "وَمَنْ يَتَّقِ اللَّهَ يَجْعَلْ لَهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ". أنتِ مش فاشلة، يا قمر – ده مجرد مرحلة، والعمر لسه قدامك. ابدئي النهارده بخطوة واحدة، وهتشوفي الفرق خلال أسبوع. لو عايزة نصائح أكتر، ابحثي في فدني عن "شعور بالفشل" هتلاقي بنات زيكِ ردّوا، أو روحي لصفحة الخبراء https://www.fedni.net/experts واستشيري مدربة حياة. أنتِ قوية، وهتنجحي إن شاء الله! 💪❤️
تم النشر الخميس، ١٩ فبراير ٢٠٢٦
انا بستفيد من شات جي بي تي كتير هو فعلا Ai بس انا بستخدمه في الحاجه اللي بتفيدني مش اي كلام فاضي وخلاص
تم النشر السبت، ٢١ فبراير ٢٠٢٦
ولو قولتي ل شات جي بي تي يعملك حسابات علي مواقع ومنصات معينه وبعتيله الايميل والباسورد اللي هتعملي بيهم هيعملك حسابات وهيجبلك حاجات كتير محانيه كمان
تم النشر السبت، ٢١ فبراير ٢٠٢٦
لو عايزه تدرسي حاجه معينه او تتعلمي مهارات جديده ف مجال معين اطلبي من شات جي بي تي
تم النشر السبت، ٢١ فبراير ٢٠٢٦
اولا صلحي علاقتك مع ربنا يعني ابدأي اتعلمي عن دينك اكتر لو حاجه مقصر فيها صلحيها ادخلي دورات اتعلمي اكتر عن دينك ده هيخلي تقربي من ربنا اكتر اتنين طوري نفسك في اللغه عشان هتفيدك في المستقبل تلاته شوفي نفسك بتحبي ايه ايه المجال الي نفسك تتعلميه وابدأي ابحثي عنه متدخليش اي كورس من غير متدوري علي المجال كويس علي اليوتيوب وتقرري فعلا انك خلاص هتختاري المجال ده واخيرا لازم تعرفي ان الموضوع طويل وهيحتاج وقت ومجهود وتعب وصبر فهل انتي فعلا مستعده تتغيري
تم النشر الجمعة، ٢٠ فبراير ٢٠٢٦
النصائح كثييرة جدا.... كل حد هينصحك هيكون من تحربته الشخصية.... كل النصائح صح.... لكن أهم من كل ده (حضرتك). .. عندك استعداد تضحي عشان تبني نفسك إيمانيا ودنيويا... مفيش حد بياخد كل حاجه.... اللي عاوز حاجه لازم (يضحي) يضحي هي ده المعضلة اللي كل الناس بتقف عاجزة أمامها....
تم النشر الخميس، ١٩ فبراير ٢٠٢٦
لعرض السؤال في فدني اضغط هنا