انا تعبانه انا على طول تعبانه على طول بعيط علي طول مخنوقه مش عايزة حد مش عايزة حاجة اي حاجه بتعصبني اعصابي تعبانه خالص رعشه مش بقدر اسند نفسي
يا بنتي، اللي إنتي فيه ده نفاد طاقة مش ضعف إيمان.. ربنا سبحانه وتعالى بيقول (لَا يُكَلِّفُ اللَّهُ نَفْسًا إِلَّا وُسْعَهَا)، وجسمك وأعصابك دلوقتي بيقولوا إنك حملتي نفسك فوق وسعها بكتير بصي اقعدي مع ربنا، صلي ركعتين خفاف أو حتى اقعدي على السجادة وقوليله أنا تعبت يا رب ومحتاجة سندك. العياط بين إيد ربنا قوة مش ضعف، وهو الوحيد اللي حاسس باللي جوه قلبك ومحدش شايفه. و ربنا رحيم بيكي، بلاش تكوني إنتي قاسية على نفسك باللوم. الرعشة والتعب ده ابتلاء وجسمك محتاج راحة واستشفاء. اعتبري الفترة دي هدنه ومحطة ترتاحي فيها عشان تقدري تكملي. و زي ما بنصلي وبندعي، ربنا أمرنا نداوي نفسنا. لو التعب والرعشة زادوا، استشارة دكتور نفسي شاطر هي اخذ بالأسباب شرعي تماماً، وربنا جعل العلم ده عشان يخفف عن الناس وجعها. استهدي بالله، وخدي نفس عميق، وافتكري إن (إِنَّ مَعَ الْعُسْرِ يُسْرًا).. الأزمة دي هتعدي بإذن الله وهتخرجي منها أقوى. وجد والله ربنا يحفظك ويسعدك
تم النشر الخميس، ١٩ مارس ٢٠٢٦
يا حبيبتي، أنا هنا معاكي وفهمت تمامًا إيه اللي بتحسي بيه.. التعب ده والرعشة والعصبية دي علامات إن جسمك وعقلك محتاجين رحمة ودعم. أنتِ مش لوحدك، وده هيعدي إن شاء الله. خطوات عملية دلوقتي عشان ترتاحي شوية: صلي وادعي : ابدئي بصلاة الضحى أو ركعتين نفل، وقولي "اللهم أذهب الغم والحزن عني". الذكر بيهدي النفس زي "لا إله إلا الله" 100 مرة يوميًا. رتبي يومك : نامي 7-8 ساعات كل ليلة، كلي وجبات خفيفة صحية زي فاكهة أو مكسرات، وامشي 10 دقايق في الشارع كل يوم. اكتبي اللي جواكي : خدي ورقة واكتبي 3 حاجات شاكرة عليها ربنا، و3 أهداف صغيرة لليوم. ابتعدي عن اللي يعصبك : حددي وقت "لا تتكلمي مع حد" ساعة واحدة يوميًا عشان تهدي. أنتِ قوية يا قمر، وده اختبار ربنا هيخلص. لو عايزة دعم أكتر، دوري في فدني على أسئلة مشابهة عن "التعب النفسي" أو روحي لصفحة الخبراء https://www.fedni.net/experts وابحثي عن متخصص نفسي إسلامي. هتقدري تسندي نفسك، أنا مصدقاكي 💕. قوليلي إيه اللي حصل النهاردة؟
تم النشر الخميس، ١٩ مارس ٢٠٢٦
فاهم شعورك تمامًا، بس حابب أقولك حاجة بسيطة: الكتمان طول الوقت بيزود الضغط وبيأثر على النفسية بشكل أكبر، حتى لو حسيتي إنك مش عايزة تتكلمي. أحيانًا مجرد مشاركة جزء صغير من اللي جوه الواحد مع شخص موثوق أو حتى كتابة المشاعر علي ورق .. هي فكرة تفرييغ المخ من اللعبكه اللي فيه لانها طول ما هي جواه هتبقي عباره عن نار بتاكل فيكي ف حاول حتي تكتبي اللي انت فيه وايه سببه ولو فيه علاج اكتبيه حتي لو صعب ، دا نوعا ما هيطمنك ان كل حاجه ليها حل بس فيه حاجات بتحتاج مننا وقت عشان نحلها ،دا بيخفف الحمل شوية. ومش فكره انك تابعتي مع دكاتره يبقي كدا دا اخر حلول الدنيا لا طبعا اوقات الدكاتره بتلعبك وتعقد الدنيا سواء سوء فهم او مصلحه شخصيه انه يطول الجليات او يكتب علاج اكتر وهكذا ، وخاي بالك النفسيه شئ صعب يصعب علي معظمنا فهمها وحتي الدكاتره مش كلهم دايسين ف حته النفسيه اوي اغلبهم بيدي علاج لعلاج تقلبات المزاج ويعلي هرومون الدوبمين عندك وانت تبقي مبسوط ومقتنع بس المشكله اتحلت وتتققاجئ ف الاخر انه العلاج دا شبه ادماني ، معظم حلول مشاكلنا بتبقي من عندنا احنا ، او نعتزل ما يؤذينا
تم النشر الجمعة، ٢٠ مارس ٢٠٢٦
مش عايزة مش قادره مبتكلمش مع حد مش قادره كنت متابعه مع دكتورين دلوقتي مش قادره
تم النشر الجمعة، ٢٠ مارس ٢٠٢٦
اللي واضح إنك تحت ضغط كبير ومكتمة جواكي فترة طويلة، وده طبيعي يخليكي حاسة إنك مش عايزة تتكلمي مع حد. بس في نقطة مهمة: العزلة التامة بتريح مؤقتاً، لكن على المدى الأطول بتزود الإحساس بالتعب. جربي مثلا :: ادي لنفسك مساحة هدوء، بس من غير ما تقطعي عن الناس تماماً اختاري شخص واحد بس يكون مريح نسبياً، واتكلمي معاه بشكل بسيط اكتبي اللي جواكي حتى لو لنفسك حاولي تنظمي يومك شوية (نوم، أكل، حركة)، لأن ده بيأثر على النفسية أكتر مما متخيلة ولو الإحساس ده مستمر أو بيزيد، ساعتها الأفضل تفكري في حد متخصص، لأن ده مش ضعف ده تصرف واعي ، ومعظمنا بيروح لثيرابيست دلوقتي بسب بالضغوط حتي لو مس تعبان بس عشان ستجنب التعب المستقبلي او التراكمات ف الموضوع طبيعي
تم النشر الجمعة، ٢٠ مارس ٢٠٢٦
لعرض السؤال في فدني اضغط هنا