السنة اللى فاتت قبل رمضان بشهر كنت تعبان عندى برد وحمى ونمت كام يوم من غير ما اكل طبيعى يعتبر ما أكلتش ، ومش قادر اقوم من السرير وبعد كام يوم صحيت الصبح ادخل الحمام بس كنت دايخ وبعد ما عملت حمام وانا واقف قدام الحوض اغمى عليا بس انا معرفتش ان انا اغمى عليا او محستش ان انا هقع الا بعد ما اغمى عليا لما فتحت عينى لقيت نفسى نايم على الارض ف الحمام ، فا قومت ومش عارف اطلع من الحمام لانى مكنتش متحكم ف جسمى وقفت تانى قدام الحوض واغمى عليا تانى وفتحت عينى لقيت نفسى نايم على الأرض ف الحمام واتكرر الاغماء اكتر من ست مرات ، لان انا فاكر ان انا لقيت نفسى ع الارض كام مره واقوم واقع تانى
وبعد ما اهلى لاحظوا لاقونى نايم الارض ووشى كله دم سنانى اللى ف الفك العلوى دخلت في شفتى وبعدين خدونى على المستشفى والحمدلله على كل شيء واتعمل اللازم ومع الوقت بقيت احسن .
بس السنه دى الموقف اتكرر معايا ف نفس الشهر بس الحمدلله مش زى الاول موقعتش بس حصلى حاله اغماء وعينى كانت بترفع لفوق وبعرق جامد واحنا ف الشتاء والجو كان برد بس الحمدلله كنت على السرير ونوبه الاغماء بتتكرر
فضلت فتره كبيرة دايخ ومش مركز والرؤيه مش واضحه وبدوخ وبحس بتنميل فى جسمى كله وعندى امساك وبرد وسخنية وامساك ،مع العلم انا لما حصلى كدا السنه اللى فاتت روحت لاكتر من دكتور وعملوا تحاليل واشعه على الدماغ والقلب والحمدلله مفيش حاجه سليم .
والسنه دى روحت كشفت وعملت تحاليل ومفيش حاجه
بس الحمدلله اتحسنت وكل دا راح
بس اللى لسه موجود بقاله فتره البرد والبلغم واوقات بصحى م النوم مش قادر اخد نفسى ودايخ وحاسس ان انا مش مرتاح .
مع العلم فيه ناس قريبين منى عندهم نفس الاعراض كحه وبلغم وسخنيه وضيق في التنفس ووجع في القلب ، ممكن نرتاح يومين وترجع الاعراض تانى.
خد دواء اردوسولفين دا دواء كويس خالص للبلغم ، بيبقى مذيب للبلغم و موسع للشعب الهوائية هيعجبك جدا
تم النشر الخميس، ١١ أبريل ٢٠٢٤
لعرض السؤال في فدني اضغط هنا