انا في ثالثه ثانوي عام علمي علوم انا بسبب كان عندي مشكله نفسيا راكمت كتير جدا اكتر من النصف في كل ماده واللي مذاكراه مش مذاكراه كويس يعني مش متذاكر قوي وكمان كنت مقربه من ربي وبجاهد نفسي حصل انتكاسه ومش بعمل اي حاجه دلوقتي اعمل اي ولو بدأت أبدأ كيف وازاي وهل هلحق ولا لا وكمان واحنا خلاص رمضان بعد بكره
انتي مش فاشلة ولا غبية ولا مستواكي وحش انتي بس مضغوطة ومتراكمة عليكي حاجات كتير وده طبيعي في سنة زي تالتة ثانوي اهم حاجة دلوقتي متبصيش لورا ولا تقارني نفسك بحد خالص خدي نفس عميق وابدئي من جديد واحدة واحدة اعملي جدول بسيط جدا كل يوم مادتين بس ولو ساعة لكل مادة احسن من ولا حاجة ابدي بالاسهل علشان تحسي بانجاز وبعدها دخلي الاصعب بالتدريج اقفلي الدرس كويس وحلي عليه اسئلة كتير حتى لو غلطتي الغلط ده طريق الصح ابعدي عن الموبايل وقت المذاكرة وسيبيه في اوضة تانية ولو تقدري استخدمي سماعات وحطي صوت هادي او قرآن لو حاسة انك تايهة اسألي مدرسك او صاحبتك الشاطرة ومفيش كسوف خالص كلنا بنتعلم افتكري ان تعبك مش هيضيع وربنا شايف مجهودك ولو فضلتي مكملة حتى بخطوات صغيرة هتوصلي ان شاء الله المهم متستسلميش 💙
تم النشر الاثنين، ١٦ فبراير ٢٠٢٦
اهدى خالص وان شاء الله كله هيبقى كويس بصى انا دلوقت فى اولى جامعة صح كنت بذاكر من الاول بس تقدرى تلمى المنهج لو بدأتى من دلوقت بإذن الله لان عندك المراجعة النهائية ذاكرى وحلى على اللى بتذاكريه لان لازم الحل واياكِ تأجلى حاجة تانى لان معدتش فى وقت لإما تلحقى دلوقت لإما خلاص
تم النشر الجمعة، ٢٠ فبراير ٢٠٢٦
يا حبيبتي، أول حاجة أقولك إنك قوية وهتقدري تخرجي من اللي أنتِ فيه ده، والمشكلة النفسية اللي مريتِ بيها مش نهاية الطريق، ربنا كريم وهيفتحلك أبواب. الانتكاسة دي عادية، بس المهم ترجعي لربك دلوقتي برمضان اللي جاي بعد بكرة – ده أحسن وقت للتوبة والقرب تاني. ابدئي بصلاة الضحى كل يوم، وقراءة صفحة قرآن بعد الفجر، وادعي ربنا يعينك على الدراسة. الصيام هيساعدك تركزي أكتر ويبني إرادتك. إيه اللي تعمليه دلوقتي عشان تبدئي: اليوم الأول (ابدئي صغير عشان متزهقيش): اجلسي ساعة واحدة بس النهاردة. خدي ورقة واكتبي كل المواد اللي راكمتِ فيها (مثل اللي أكتر من النصف). ركزي على مادة واحدة سهلة شوية زي علم الأحياء أو الكيميا، ومراجعي الدروس الراكمة بسرعة (تلخيص نقاط رئيسية مش كل حاجة). جدول يومي بسيط (من بكرة ورمضان): الساعة ٤-٦ صباحًا (قبل الإمساك): مذاكرة قوية ساعتين (المواد المهمة زي الفيزياء أو الرياضيات). بعد الإفطار (٨-١٠ مساءً): ساعة مراجعة الراكم + حل تمارين. قبل النوم: نص ساعة تلخيص يومك. كل يوم ٣-٤ ساعات بس في الأول، وزودي تدريجيًا. استخدمي تقنية "بومودورو": ٢٥ دقيقة مذاكرة + ٥ دقيقة راحة. ازاي تذاكري المتراكم: قسميه لأجزاء صغيرة: درس واحد كل مرة، شوفي فيديوهات يوتيوب مصريين للثانوية العامة. اللي مذاكرته ضعيف: ابدئي باختبارات سابقة، حلي ١٠ أسئلة يوميًا عشان تراجعي. هل هتحلقي؟ أيوة ١٠٠٪! الثانوية العامة علمي علوم مش سهلة، بس لو بدأتِ دلوقتي بجدية، رمضان هيخليكِ تسترجعي اللي فات وتقوي الجديد. عندك شهور كفاية، كتير نجحوا بعد ما راكموا أكبر. اللي هيحدد نجاحك إرادتك وتوكلك على الله. خلي عندك هدف صغير يومي، كافئي نفسك بتمرة أو مشروب بعد كل جلسة. لو حسيتِ ضغط، قولي "بسم الله" وتابعي. لو عايزة نصائح أكتر ابحثي في فدني عن "دراسة ثانوية عامة" هتلاقي إجابات كتير، أو شوفي الخبراء هنا: https://www.fedni.net/experts – في مدربين وخبراء نفسيين هيساعدوكِ. أنتِ هتنجحي يا قمر، ربنا معاكِ! 💪❤️
تم النشر الاثنين، ١٦ فبراير ٢٠٢٦
اكتب كل حاجة عليك في ورقه وابدأ لمهم بالراحه شوف مدرسين عاملين معسكرات ولم معاهم مستر خالد صقر معسكره كافي تلم الكيمياء العامه وهكذا شوف باقي المدرسي وابدأ الجديد عشان ميتراكمش متفضلش كده ابدا حتي لو خطوات صغيره وبعد كده زود ايوه هيبقي في ضغط بس لازم تكمل اما بالنسبه لعلاقه بربنا قرب منه حتي لو مش حاسس بده مستحيل ترجع للي كنت عليه من يوم وليله لازم مجهود لازم تعب متسبش نفسك لشطانك انه يخليك تقول منت خلاص السنه راحت عليك ابدأ حتي لو حاجه صغيره ومعلش لو هيكون الكلام صعب بس انت لاظم تبدأ انت كده مش بتعمل حاجه غير انك بضيع وقت اكتر ومعني انك بتقول انك مش مذاكر قوي يعني المعسكرات هتساعدك متسبش نفسك لهواك ولو مبدأتش يبقي معلش انت الي مش عايز تبدأ انت الي استسلمت ومش قد المسؤوليه فوق ده مستقبلك انت محدش هيندم غيرك ممكن يكون كلامي صعب ولكن ان في الوقت ده مش محتاج طبطبه انت محتاج خطه واضحه والقرار قرارك يتبدأ وتتوكل علي الله يتفضل مكانك
تم النشر الخميس، ١٩ فبراير ٢٠٢٦
ارمي نفسك و ابدأي ف الجديد مع حبه من القديم
تم النشر الثلاثاء، ١٧ فبراير ٢٠٢٦
لسه في وقت استعيني بالله وابدأي وأهم حاجة تجددي نيتك ان مذاكرتك دي ف سبيل العلم وانها تقربك من ربنا هتلاقي الموضوع ألذ
تم النشر الخميس، ١٩ فبراير ٢٠٢٦
بس انا خايفه اسيب للمراجعات لان بفهم لم اكون سامعه المحاضرات كويسه لكن انا مسمعتش محاضرات مش هفهم
تم النشر الأربعاء، ١٨ فبراير ٢٠٢٦
انا زيك نوعاً ما بس بجد طاقتي خلصت اني الم القديم لاني حاولت كتييير وملقتش حل وطاقتي مكنتش قد المجهود اللي ببذلوا فعشان كدا قررت اني لما ارجع ارجع للجديد وبس والقديم اخليه للمراجعات النهائيه لاني حاولت فيه كتييير اوي ولميت ربعه
تم النشر الأربعاء، ١٨ فبراير ٢٠٢٦
لعرض السؤال في فدني اضغط هنا