عارفين لما ندور ونلف ونبعد عن نقطه معينه وفي الاخر نلاقي نفسنا بندور في دائره مفرغه
الحرب اللي بيني وبين نفسي كده
النفس أكبر عدو لينا للأسف بتحطمنا...كل ما بجتهد واتقدم خطوه ترجعني تاني من الاول ابدأ من جديد
ابدأ من تاني اعاقب نفسي وألومها وأنب ضميري ازاي سمحت لنفسي أنها ترجعني تاني وهكذا كل ما اخد عهد أن هجاهدها ارجع تاني
ليه دايما بعاقب نفسي على حاجات انتهت ليه دايما عندي ياريت مسمعتش كلام نفسي ليه دايما عاوزه اوصل للأحسن مش بحب أن أغلط رغم أن بشر طبيعي أغلط
يمكن علشان لوحدي معنديش حد يفهمني الصح من الخطأ
اتعودت على الوحدة بشغل نفسي ووقتي دائما الحمد لله
وفي الاخر معايا نفسي اللي دايما بجاهدها
انت قولت بنفسك .. انت بشر طبيعي نخطئ. جلد الذات مش هينفعك في حاجة ... غلطت اعرف الغلط ده عملته ليه؟ واعرف الصح .. واعرف ازاي هتسفاد من الغلط ده .. هو ده اللي لازم يتعمل مش الواحد يفضل يجلد في نفسه ويندم. ليه هتندم على حاجة خلاص راحت .. او حاجة غلط عملتها .. هل الندم ده مفيد ليك ؟ ولا لما تعتبر ان التجربة اللي مريت بها وتاخد الدروس المستفادة منها هو ده اللي مفيد.
تم النشر الثلاثاء، ٢٤ يناير ٢٠٢٣
لعرض السؤال في فدني اضغط هنا