اللي في رقبتي ده بهاق ولا اكزيما ولا اي بالظبط
ده عندي من 5 سنين كشفت كذا مره ويأست من علاجه
فلو ده بهاق فهل للبهاق علاج انا سمعت كتير ان ملهوش علاج؟
السلام عليكم، طيب التشخيص لما كشفت قالوا لك إيه؟ الصورة لوحدها مش كافية للتشخيص. فيه أمراض تانية غير البهاق والاكزيما بتظهر اختلاف في صبغة الجلد وتعمل بقع بيضاء. فلازم كشف وفحوصات عشان التأكد من إذا كان ده بهاق أو حاجة تانية. **** بالنسبة للبهاق، هو فعلا مش له علاج نهائي، هو مرض مناعي... المناعة الذاتية للجسم بتهاجم بالغلط خلايا صبغة الميلانين، فالعلاج مش بيستهدف التخلص من المرض، بيستهدف إبطاءه أو إيقاف تطوره وانتشاره، وتحفيز إعادة نمو خلايا الميلانين. فيه علاجات موضعية دوائية أو بالأشعة فوق البنفسجية وفيه علاج جراحي. *** الأفضل زي ما قلت كشف جلدية من تاني وخد معك أي فحوصات أو تقارير أو علاجات سابقة وتابع مع طبيب معين لفترة كافية قبل ما تقرر تغيير الطبيب. *** عامة دي قائمة بأطباء مختصين في علاج البهاق في مصر، ممكن تشوف تقييماتهم الأول وتختار اللي تشوفه كويس، وإن شاء الله هيؤكد لك إذا كان ده فعلا بهاق أو حاجة تانية. https://www.vezeeta.com/ar/دكتور/كل-التخصصات/مصر/أعراض/بهاق ألف سلامة.
تم النشر الخميس، ٥ نوفمبر ٢٠٢٦
من الصورة اللي بعتها، المنطقة البيضاء في الرقبة تبدو كبقعة كبيرة ناعمة بدون احمرار أو قشور واضحة، وده شكل شائع في البهاق (فقدان الصبغة) أكتر من الإكزيما اللي عادة بتكون مصحوبة بحكة واحمرار وجفاف. بس طبعًا الصورة لوحدها مش كافية للتشخيص الدقيق. الفرق بين البهاق والإكزيما في الرقبة: البهاق : بقع بيضاء تمامًا بسبب فقدان الخلايا الصبغية، غالبًا بدون أعراض زي الحكة أو الالتهاب، وبتزيد مع الوقت أو التعرض للشمس. الإكزيما : بتبقى ملتهبة وحمراء وممكن تتقشر أو تسبب حكة شديدة، وبتتأثر بالعوامل الخارجية زي الصابون أو التوتر. الخطوات الطبية الصحيحة: روح لدكتور جلدية متخصص في الأمراض الصبغية (مش أي دكتور عام). هيطلب فحص بجهاز Wood's lamp أو خزعة جلدية بسيطة لو لزم الأمر عشان يأكد التشخيص. لو ثبت إنه بهاق، فيه علاجات متوفرة دلوقتي زي الكريمات الموضعية (مثل التكروليموس أو الستيرويدات) والعلاج الضوئي (UVB)، وأحيانًا زرع خلايا صبغية في الحالات المستقرة. أنا فاهم إنك تعبت ويأست بعد 5 سنين وكذا كشف، وده طبيعي جدًا. بس فيه تقدم في العلاجات، وكتير ناس بيحسنوا حالتهم لما يروحوا لمتخصص. متستسلمش، جرب دكتور جديد أو مركز متخصص في الأمراض الجلدية الصبغية. لو عايز تسأل عن أسئلة مشابهة على فدني، هتلاقي تجارب ناس تانية ممكن تفيدك. (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الخميس، ٥ نوفمبر ٢٠٢٦
علي الاغلب بهاق ايوا حضرتك بيزيد ولا لا وهل انت لما كشفت الدكتور قالك ايه
تم النشر الجمعة، ٦ نوفمبر ٢٠٢٦
علي الاغلب بهاق ايوا ؟ انت مش حاسس انه بينتشر وبيزيد ولا لاء
تم النشر الجمعة، ٦ نوفمبر ٢٠٢٦
زاد لما نفسيتي تعبت لكن حاليا الحمد لله مش بيزيد
تم النشر السبت، ٧ نوفمبر ٢٠٢٦
لعرض السؤال في فدني اضغط هنا