ممكن حد يفيدني عشان تعبت وانا ثانوية عامة مش عارفة انجز اي حاجة
علطول تعبانة مهما ارتاح ومهما انام بصحى مش فايقة سواء نمت كتير او قليل وجسمي واجعني علطول
وبقالي فترة كلامي غلط مخارج الحروف عندي باظت رغم اني كنت بتكلم بطلاقة وساعات بيحصل تشنجات مفاجأة الم شديد بعدين بيروح وساعات جسمي بيتنفض فجأة كدا حتى لو مش بردانه
ساعات بحس اني فاقدة للوعي رغم اني صاحية بس فجأة كدا مش ببقى سامعة أصوات مش مركزة مش شايفة كويس وبيبقى فيه سواد جزئي بس مش بفقد الوعي وبسمع صوت صفير شديد اوي في وداني بيستمر كام ثانية كدا ويروح
واوقات مش ببقى مستحملة اسمع اي صوت أو اكون شايفة نور
الصداع صعب منتشر في دماغي بشكل يومي ساعات لما بنام ساعتين كدا بيروح النهاردة الجنب اليمين في دماغي من فوق كان بيوجع اوي مع الجزء اللي تحته بالظبط من الفك الم صعب واغلب الوقت الصداع بيبقى في مقدمة الراس وفي العينين وفي العظم اللي فوق العين الم صعب وافتكر ان برضه الصداع كان بييجي في مؤخرة الراس
تركيزي بقى قليل جدا جدا ولاحظت ان استيعابي للمعلومات قل وبقى أبطأ قدرتي على الإنتاجية قلت
ذاكرتي بقت ضعيفة اوي بنسى بشكل صعب يعني مثلا لسة من يومين كنت بتكلم مع حد في موضوع انا شبه فاكرة الكلام اللي كنت بقوله بس مش فاكرة الشخص اللي كنت بتكلم معاه ابدا ولا قادرة استحضر الموقف والمكان كأنه اتمسح من دماغي رغم انه لسة من اقل من يومين ولما حد يحكيلي حاجة وانا في نفس الوقت احكي لحد تاني بلاقي نفسي بحكيها بدون تفاصيل خالص ببقى نسيت كل حاجة رغم اني لسة سمعاها دلوقت بنسى مواعيدي وبيجيلي فترات كنت بنسى اخد علاجي رغم امي ربطاه بوقت معين يعني المفروض عادة بقيت بنسى برضه
واعصابي ضعيفة لما بمسك الحاجات بتفلت من ايدي ومبقتش بقدر اكتب طتير ايدي بتوجعني اوي بحس كان الأوتار او الاربطة هتتقطع كدا وبيجيلي رعشة برضه ومش بقدر امسك الحاجات كويس
بقيت عصبية كتير عن الاول وخلقي ضاق وطاقتي يعتبر صفر
مع العلم أنا مريضة سكر نوع اول
السلام عليكم، أولا، ألف سلامة عليكِ، شفاك الله وعفاك. لازم وضروري تتابعي طبيب باطنة عشان تظبيط السكر لو فيه أي مشكلة، وممكن هو يوجهك بعد كده لطبيب أعصاب عشان التشنجات والصداع ومشكلة الكلام والأعراض الباقية. ممكن تحتاجي تعملي تحاليل فيتامينات وصورة دم وحديد عشان لو فيه نقص في العناصر دي ممكن تسبب الأعراض اللي عندك. فإن شاء الله الدكتور يطمنك بعد الفحص والتحاليل ويكتب لك الخطة العلاجية والنظام الغذائي اللي تمشي عليه. متهمليش الموضوع أو تتأخري في الكشف، صحتك أهم. وربنا يطمنك إن شاء الله. ألف سلامة مرة تانية.
تم النشر الاثنين، ١٥ ديسمبر ٢٠٢٥
شوف دكتور كويس(ذو خبرة)
تم النشر الخميس، ١٨ ديسمبر ٢٠٢٥
انا مش من النوع اللي بيحلم كتير ف الكوابيس مش بتتكرر خالص يعني قليل لما بصحى مخضوضة من حلم ومش بركز مع الأحلام بس فيه حلم اتكرر معايا كتير ازي وهو ان بيكون حصل معايا حاجة معينة مش بتبقى نفسها غي كل مرة ورد فعلي عالحاجة دي هو اني بصوت جامد اوي بس مفيش صوت بيطلع
تم النشر الأربعاء، ١٧ ديسمبر ٢٠٢٥
بتشوفي كوابيس؟
تم النشر الأربعاء، ١٧ ديسمبر ٢٠٢٥
خير باذن الله نتى محتاجه تاخدى هدنه وهتبقى كويسه وارجعى رتبى افكارك وكله هيبق تمام
تم النشر الثلاثاء، ١٦ ديسمبر ٢٠٢٥
اه فعلا نفسيتي مش احسن حاجة ومقدرش اقول ان حياتي سهلة انا عديت بحاجات كتير اوي بس الحمد لله احسن من غيرنا وبالنسبة لضغط ثانوية عامة ف انا مكنتش من النوع اللي قلقان من ثانوية عامة خالص يعني مش بعبع بالنسبة لي زي ما هي بالنسبة لأغلب الناس انا بدأت اقلق بس لما لقيت اني واقعة اوي ومش عارفة اذاكر وعارفة اني مقصرة بس في نفس الوقت مش عارفة ارجع اذاكر كويس دا كل اللي مأثر عليا نفسيتي وحشة جدا جدا وحاسة اني لوحدي مش بنتمي لأي مكان وتعبت من كل حاجة كل حاجة بقت تقيلة عليا بشكل ومبقتش بقدر اتحملها رغم اني بجد والله صبورة جدا صبرت كتير واستحملت كتير حتى وانا لوحدي اي حاجة بيسمع قصة واحدة من حاجة معينة عديت بيها يقولي انتي جبل انتي ازاي استحملتي كل دا بس انا دلوقت مهلكة تماما وتايهة اوي وصعب اوصف الزحمة اللي في دماغي لدرجة امي حسيت كتير اني مش قادرة اكمل خلاص عايزة أوقف الدنيا واخد وقت لنفسي والمشكلة من كل دا اني جاية أقع الوقعة الوحشة دي في سنة مهمة زي ثانوية عامة
تم النشر الثلاثاء، ١٦ ديسمبر ٢٠٢٥
ومتنسيش حاجه صلى ووقتها ربنا م هسيبك الصلاه بتحصل كل حاجه بايظه
تم النشر الثلاثاء، ١٦ ديسمبر ٢٠٢٥
بصى هو نتى كدا م اللى بتقوليه وانك ف ثانويه عامله ف دا خوف وضغط ع الجسم والعقل ونفسيتك م احسن حاجه حنا لازم نغير كل دا لانك لو تعبتى وواصلتى انك متلقيش حل هتضايقى بعدين انك مفوقتيش هتعملى اي هتجيبى دفتر وتكتبى اي اللى مضايقه ووقت دروسك وتخصصى وقت ساعتين او ساعه تذاكرى فيهم ع متبقيش مضغوطه كلى اكل صحى و فواكه كتير وحاولى نامى 8 ساعات ومتمسكيش الموبايل كتير وملكيش دعوه بحد وركزى ف المذاكره ع دى فتره هتباين نجاحك وقد اي نتى تعبتى ع تجيبى تقدير حلو وتفضلى فاكره الايام دى وانك حاربتى واوعى تعديها م غير متحاولى ع متندميش بعدين نتى باين عليكى شاطره ونتى قدهااا وباذن الله تعدى الفتره دى ع خيررر
تم النشر الثلاثاء، ١٦ ديسمبر ٢٠٢٥
خدي فيتامينات طيب ومكملات واهتمي بالأكل الصحي وابعدي عن الFastfood
تم النشر الاثنين، ١٥ ديسمبر ٢٠٢٥
ربنا يشفيكي يا قمر ويصبرك جربي تكشفى عن اللئ بيحصل معاكى ممكن يكون مش من السكر ممكن يكون نقص فيتامين مثلا وإن شاء الله خير
تم النشر الاثنين، ١٥ ديسمبر ٢٠٢٥
لعرض السؤال في فدني اضغط هنا