ايه أفضل الحاجات اللي ممكن أعملها في فترة الأجازة اللي بعد تالتة ثانوي وقبل الجامعة....؟
عايز أشغل نفسي دايما مش عايز أبقي فاضي معظم الوقت علشان دماغي متودنيش لحتت بعيدة وكدة....!
رجعت تاني أقرأ الكتب بس بقيت بزهق بسرعة....!
حاولت أتقن اللغة الآنجليزية أكتر بس لقيت مصادر كتير فحصلي تشتت فمعرفتش أبدأ منين...؟ فتركت الفكرة من دماغي....!
وأنا قاعد حاليا مستني النتيجة مش عارف مستقبلي فين وكدة بس يعني كل اللي بإيدي دلوقتي أني قاعد بدعي🖤
وآخر حاجة: إزاي استعد نفسيًا للحياة الجامعية...؟
اول حاجة لازم تعملها هي انك تستمتع بوقتك دي إجازة بعد تعب يعني انزل اتفسح أخرج شم هوا شوف المسلسلات و الافلام ال بتحبها يعني شوف ال يفرحك و اعمله تاني حاجة فلو عايز تشغل نفسك ب حاجة تفيدك فممكن تقرأ كتب دكتور محمد طه لو مقرتهاش فهي مهمة جدا لسنك و ممكن مثلا تسمع بودكاست سواء ديني أو نفسي او او كلهم مفيدين اوي بالنسبة للانجليزي نزل ابلكيشن z American english لدكتور ابراهيم عادل حلو اوي اوي و خده واحدة واحدة لو فيديو عشر دقائق اخدته قبل م تنام كل يوم هتلاقي نفسك اتعلمت و أنجزت كتير مع الوقت بالنسبة للاستعداد للحياة الجامعية فاهم حاجة التأهيل النفسي لااازم تثق فنفسك كويس و لو اي حد قالك كلمة ضايقتك ترد عليه و تبينله غلطه ع طول و تبنيلك حدودك من البداية وارد جدا تلاقي درجاتك فالجامعة أقل بكتييير من ثانوي عاادي خالص ولا تتأثر المهم تعدي منها ع خير و إن شاء الله ربنا يرزقك باحلى شغل و متخليش حياتك فالجامعة مقتصرة عالدراسة بس قضي وقت مع صحابك و ابنيلك ذكريات حلوة 💜 و جنب كل ده حافظ ع وردك و صلاتك و اذكارك صدقني علاقتك بربنا اكتر حاجة تقدر تقويك عشان تعدي اي حاجة و ربنا يوفقك فالنتيجة يارب 💜
تم النشر السبت، ٢٢ يوليو ٢٠٢٣
بالنسبة للانجليزي لو عايز برنامج تمشي عليه في اللغة الإنجليزية وتكون فيه بعد كده قوي في اللغة. فيه ابليكشن اسمه ZAmerican English ده ممتاز جدا، وفيه كمان طليق. الاثنين تابعين لمستر ابراهيم عادل، وليه كمان قناة على اليوتيوب. لتحميل الابليكشن ذا امريكان انجلش https://play.google.com/store/apps/details?id=com.zamericanenglish لتحميل طليق .. وبالمناسبة طليق فيه لغات كتير غير الانجليزيه https://play.google.com/store/apps/details?id=com.taleek.app وديه القناة ع اليوتيوب https://youtube.com/@ZAmericanEnglish من الحاجات اللي ممكن تعملها كمان .. تنزل تشتغل. ممكن كمان تتطوع في اي مؤسسة. لو فيه اي موهبة عندك ممكن تنميها. تلعب رياضة. تاخد كورسات. تقرأ وتاخد فكرة عن التخصصات الجامعية.
تم النشر الأحد، ٢٣ يوليو ٢٠٢٣
احسن حاجة تعملها انك تبدا وتستعد للحياة الحقيقية والمسؤولية شوف اى فرصة شغل ف الاجازة وعود نفسك على كده ...الاجازة تشتغل فيها. مشوفتش حاجة بتنفع الولاد قد شغل الاجازة . هتكسب مهارات وثقه فى نفسك واحساس بالمسؤولية وهتحس انك بدأت الحياه بجد....مش لسه طالب مستنى النتيجة تقوله حياتك رايحه فين.
تم النشر السبت، ٢٢ يوليو ٢٠٢٣
وعليكم السلام فترة جميلة للي بتكون بعد ثانوية وقبل الجامعه وبصراحة لازم تستغلها منشان تقدر توسع مدارك وتزيد مهاراتك قبل الجامعه فبحث عن فرص تطوع اطلع وكون علاقات وبالنسبة للغة مهم جدا تكون عندك فبدأ بمقاطع قصيرة احضرها اكثر من مرة مع فهم محتواها هاد بحسن لغتك اا
تم النشر السبت، ٢٢ يوليو ٢٠٢٣
اتعلم اي شئ يخص المجال الي تحب تشتغل فيه في وقت الكليه او بعدها وارشحلك بودكاست ياسر الحزيمي مع فنجان وكتب زي كيف تكسب الاصدقاء وتؤثر في الاخرين هيفيدك في الكليه لديل كارنجي والعادات الذريه، اتمني تستفاد في النهايه ✨
تم النشر السبت، ٢٢ يوليو ٢٠٢٣
لعرض السؤال في فدني اضغط هنا