ازاى احسن مهاره ال speaking لوحدي من البيت لاني مش معايا حد امارس معاه اللغه
السلام عليكم، التحدث عضلة كل ما تمرنيها كل ما هتتقني المهارة والتمرين هيكون بإنك تتكلمي من أول يوم مهما كان مستواك في الإنجليزي. اختلاف اللهجة بيكون بسبب مخارج الحروف عندنا وعند المتحدثين بالإنجليزية فلازم تتابعي فيديوهات تعلمك مخارج الحروف الصح وحركات الفك أثناء الكلام. وأنصحك بـ (Shadowing Technique) ودي عبارة عن تقنية بتشغلي فيها مقاطع فيديو بالإنجليزية أو أي لغة بتتعلميها وبتقلدي الشخص اللي بيتكلم، يعني تمشي معه كلمة بكلمة واتكلمي بصوت عال وحاولي تقلدي طريقته قدر الإمكان. لو مستواكِ مبتدئ ممكن تبحثي على يوتيوب shadowing english speaking beginner دي بعض الفيديوهات https://www.youtube.com/results?search_query=shadowing+english+speaking+beginner *** وده فيديو لإبراهيم عادل صاحب قناة zamerican english فيها شرح لطريقة إتقان التحدث بالإنجليزية خلال 120 يوم هيفيدك جدا... حاولي تطبقي الطريقة دي من النهاردة وإن شاء الله هتلاقي تحسن واضح مع الوقت. https://www.youtube.com/watch?v=q5QobzkPB-s&t=2s *** أهم حاجة تعملي خطة زمنية بهدف محدد ومراحل وقتية عشان الاستمرارية وكمان متخافيش إنك ترتكبي أخطاء أو تبدئي بتعثر. وبالتوفيق إن شاء الله.
تم النشر الاثنين، ٢٥ أغسطس ٢٠٢٥
ممكن تسمع بودكستات هتخلي اللغه مالوفه معاك وهتكسبك حس لغوي ده بجانب القراءه الكتير مش لازم تكون فاهم لكن مع الوقت والبحث على اللي مش فاهمه هتتحسن في بودكاست اسمه learning English ممكن تسمعه وفي مثلا احمد ابو زيد يوتيوبر هيفيدك وقناة طريقك للانجليزي ده غير التطبيقات اللي ممكن تخليك تتكلم مع ناس بيتكلموا اللغه اللي انو عايزها
تم النشر الثلاثاء، ٢٦ أغسطس ٢٠٢٥
مرحباً يا مريم، أهلاً بكِ مع ذكية في فدني! موضوع تحسين مهارة الـ Speaking (التحدث) لوحدك في البيت هو تحدي كثير من الناس، خاصةً لما ما يكونش عندهم حد يشاركهم الممارسة. لكن مش مستحيل أبداً، وفي خطوات عملية ممكن تساعدك بشكل فعال: التحدث مع نفسك بصوت عالي حاولي تتكلمي مع نفسك يومياً بالإنجليزي، مثلاً لما تفكري في حفلة، في وصف حاجة، أو حتى في حكي يومياتك. هذا بيساعدك تعتادي على تركيب الجمل والنطق. استخدمي تطبيقات المحادثة الصوتية هناك تطبيقات وأدوات تقدم لكِ فرصة تسجيل صوتك والتحدث، مثل تطبيقات تصحيح النطق أو برامج تعليم اللغة التي تتيح المحادثة مع روبوتات ذكية. الاستماع والتكرار شغلي مقاطع صوتية أو فيديوهات قصيرة بالإنجليزي، وكرري ما تسمعيه بصوتك. هذا بيساعدك على تقوية النطق ومهارة المحادثة. التسجيل الصوتي ومراجعة الأداء سجلي نفسك وأنتِ تتكلمين، وبعدها اسمعي بنفسك وحاولي تلاحضي الأخطاء في النطق أو القواعد، واعملي على تصحيحها. استخدمي تويتر، التيكتوك، أو يوتيوب تابعي منشورات وفيديوهات باللغة الإنجليزية وحاولي تردي على التعليقات أو تحكي رأيك في الفيديوهات بشكل بسيط. تحديد مواضيع يومية للتحدث عنهم مثلاً اليوم تتكلمي عن هواياتك، وغداً عن وصف يومك، وبعده تحكي عن فيلم أو كتاب. هكذا تبني ثقة تدريجية. قراءة نصوص قصيرة ثم إعادة صياغتها شفهياً اختاري نص بسيط واقرئيه، ثم حاولي تحكيه بطريقتك وبالكلمات اللي فهمتيها. وأخيراً، لا تنسي أن الصبر والمثابرة هما مفتاح النجاح، ولا تخافي من الخطأ، لأنه جزء من التعلم. لو حبيتي، ممكن تستفيدي من الاستشارات مع خبراء اللغة إنجليزي على فدني، هم ممكن يساعدوك بخطط مخصصة ونصائح أكثر عمق. لو عندك أسئلة تانية أو حابة نصايح تخص اللغة، أنا هنا دائماً معاكِ يا مريم، بكل حب وتشجيع! 😊 هل تحبي أساعدك في اختيار مصادر أو تطبيقات معينة؟
تم النشر الاثنين، ٢٥ أغسطس ٢٠٢٥
أسمع فيديو يوتيوب
تم النشر الثلاثاء، ٢٦ أغسطس ٢٠٢٥
بجانب السمع تطبيق italki
تم النشر الثلاثاء، ٢٦ أغسطس ٢٠٢٥
تابع ابراهيم عادل على اليوتيوب وليه تطبيق اسمه طليق
تم النشر الاثنين، ٢٥ أغسطس ٢٠٢٥
ابدائي اسمعي كتير الاول علشان تعرفي نطق الكلمات الصحيحه وبعدين جيبي جمل معينه وافضلي كرريها بحيث تقدري تستوعبي اكبر قدر من الكلمات ومن الممارسه السماع والتحدث هيتحسنوا معاكي ومارسي عادي مع نفسك قدام المرايه او سجلي ريكوردات لنفسك اول مره و كل مره تتكلمي سجلي بحيث تشوفي الفرق والتحسن
تم النشر الاثنين، ٢٥ أغسطس ٢٠٢٥
اسمعي قنوات يكونوا المدرسين اجانب ف كذا حد ع اليوتيوب
تم النشر الجمعة، ٢٩ أغسطس ٢٠٢٥
نزلي تطبيق تعلم للغه الانجليزيه وهتلقيه سهل جدا
تم النشر الخميس، ٢٨ أغسطس ٢٠٢٥
لعرض السؤال في فدني اضغط هنا