عايزه حد يساعدني
انا تعبانه قوى مش قادره استحمل اى حاجه حياتى بايظه مش ببطل تفكير طول الوقت بفكر مش بنام دماغى بتوجعنى مش قادره أتكلم مش قادرة اعمل اى حاجه دائما مخنوقه بحاول ارجع لربنا ومش عارفه مش عارفه انتظم في الصلاه ولا اعمل اي حاجه اعمل ايه
بطلي تسمعي أغاني واستبدليها بالقرآن لشيوخ صوتهم قريب لقلبك وهتلاقي فرق كبير جدًا، قلبك هيخشع جدًا وهتلاقي أن قربك لله بيتيسر، وادعي ربنا كتير أنه يرزقك الهداية ويُنير بصيرتك، هتلاقي بإذن الله نفسيتك تغيرت 180 درجة، وأنا حقيقي حاسة بيكِ جدًا عشان كنت مكانك في وقت من الأوقات ودا اللي أنقذني من مشاعري الفوضوية والخنقة اللي كنت بحس بيها بدون سبب، وطبعًا حاولي فروضك تصليها على وقتها وأكثري من الذِكر، ربنا سُبحانه وتعالى قال ﴿ومن أعرض عن ذكري فإن لهُ معيشةً ضنكًا﴾، ف الحل للي أنتِ فيه هو أنك تقربي لله أكتر وأكتر وتُكثرِي من الإستغفار والصلاة على النبي 🫂💗.
تم النشر الاثنين، ٢ فبراير ٢٠٢٦
أول حاجه هي إنك لازم توقفي خناق مع نفسك. إنتي مش فاشلة، إنتي بس بطاريتك خلصت. لما العربية بتعطل مش بنضربها، بنصلحها. سيبي نفسك تعطل وترتاح من غير تأنيب ضمير. ولو مش قادرة على الصلاة كاملة بانتظام، لا يكلف الله نفساً إلا وسعها حاولي بس تعملي ذكر بسيط أو تسمعي حاجة تريحك. ربنا مش مستني منك مجهود كبير وأنتي مكسورة هو الرحيم بضعفك. خصصي ساعة في اليوم ممنوع انك تفكري في بكرة، وممنوع فيها التلفون اقعدي في هدوء اشربي حاجة بتحبيها . الفراغ ده هو اللي بيخلي عقلك يهدى ويبطل دوشة والتفكير الكتير علاجه الحركة قومي اغسلي وشك، أو غيري هدومك . أي حركة بسيطة بتكسر دايرة التفكير السلبي وبتحسسك إنك لسه عندك القدرة تعملي اللي انتي عايزاه لو التفكير ده مخلّيكي مش عارفة تنامي بقالك كتير فدي علامة إن الجهاز العصبي مشدود زيادة. جربي تمارين التنفس ٤ عدات شهيق، ٤ كتم نفس، ٤ زفير دي بتهدي نبضات القلب وبترخي الأعصاب فورا ومتنسيش النبي صلى الله عليه وسلم قال اي لسيدنا خالد إذا أوَيْتَ إلى فِراشِكَ فَقُلْ: اللَّهُمَّ رَبَّ السَّمَوَاتِ السَّبْعِ وَمَا أَظَلَّتْ، وَرَبَّ الأَرَضِينَ وَمَا أَقَلَّتْ، وَرَبَّ الشَّيَاطِينِ وَمَا أَضَلَّتْ، كُنْ لِي جَارًا مِنْ شَرِّ خَلْقِكَ كُلِّهِمْ جَمِيعًا أَنْ يَفْرُطَ عَلَيَّ أَحَدٌ مِنْهُمْ أَوْ أَنْ يَبْغِيَ، عَزَّ جَارُكَ وَجَلَّ ثَنَاؤُكَ وَلَا إِلَهَ غَيْرُكَ" وده ذكر بيساعدني شخصيا لما يكون عندي ارق ومش عارف انام بعتذر عن الإطالة 😊 وجد ربنا يحفظك
تم النشر الأحد، ١ فبراير ٢٠٢٦
يا حبيبتي، أنا هنا معاكِ دلوقتي، وأنا فاهمة تمامًا إحساسك. التعب النفسي ده بيحسسنا إن الدنيا كلها ضيقة، بس أنتِ قوية وهتقدري تخرجي منه خطوة خطوة. ربنا معاكِ وقريب، وده أول خطوة إنك بتحاولي ترجعيله. خلينا نبدأ بسيط جدًا عشان متتعبيش أكتر: 1. الصلاة والرجوع لربنا (ابدئي صغير عشان تنجحي): اختاري صلاة واحدة تواظبي على صلاتها أول ما تسمعي الأذان وبعد كده زودي إنك تقومي لكل الصلوات مع سماع الأذان. قولي بعد كل صلاة "اللهم أعني على ذكرك وشكرك وحسن عبادتك". هتفرق معاكِ كتير، وهتحسي براحة تدريجيًا. اقرئي صفحة قرآن واحدة يوميًا تلتزمي بقراءتها. 2. للتفكير الزايد والصداع والأرق: اكتبي كل اللي في دماغك على ورقة قبل النوم 10 دقايق بس (مش هتحتاجي تقرئيها تاني). ده هيفرغ الدماغ زي اللي بيرمي قمامة. حددي موعد نوم ثابت: نامي الساعة 11 مساءً، قومي 7 صباحًا. اشربي لبن دافي مع عسل قبل النوم، وابتعدي عن الجوال ساعة قبلها. مشي 10 دقايق يوميًا في الهوا الطلق، هيخفف الضغط ده شوية شوية. 3. روتين يومي بسيط عشان تحسي بالإنجاز: الصبح: صلاة + كوباية مية + فطور خفيف (تمرة مع لبن). الظهر: مهمة واحدة صغيرة زي غسيل طبقين أو ترتيب سرير. هتكسبي ثقة بنفسك وترجعي تقدري تتكلمي وتعملي. أنتِ مش لوحدك، كتير ناس مروا بده وطلعوا أقوى. لو عايزة دعم أكتر، روحي على صفحة الخبراء في فدني: https://www.fedni.net/experts وابحثي عن متخصص نفسي أو ديني، أو دوري على أسئلة مشابهة في التطبيق هتلاقي إجابات كتيرة هتساعدك. ربنا يفرج همك وييسر أمرك يا رب.💕
تم النشر السبت، ٣١ يناير ٢٠٢٦
حاسه بيكي حقيقي حاول بس تقرأي الاذكار كل يوم وتنتظمي عليها وربنا يصلح حالك كله يارب
تم النشر الاثنين، ٢ فبراير ٢٠٢٦
صلي الفجر
تم النشر الاثنين، ٢ فبراير ٢٠٢٦
غيري نظام يومك خالي دايما معندكيش وقت فراغ لو ف حد بثقي ف اتكلمي معايا طلوع الكلام منك حته لو اللي قدامك مش هيحل مشكلتك دي ف حد ذاتها راحه ونصيحه حاولي تصلي الفجر ف ميعاده حاضر صدقيني هترتاحي جداااااااا
تم النشر الأحد، ١ فبراير ٢٠٢٦
أفهمكِ و الامر صعب لكنكِ أقوى و أدرى بكيفة الحل...عليكِ أن تضعي أهداف و عادات صحية لحياتك لتكون أفضل و بالطبع التغيير لا يأتي من يوم و ليلة لكن من سار على الدرب وصل...اقتربي من الله و ادعي لنفسكِ لأن لا شئ يفلح دون توفيقه... سأدعو لكِ اليوم بصلاة قيام الليل عساي أكون قدمتُ كل ما يمكنني تقديمه لكِ
تم النشر السبت، ٣١ يناير ٢٠٢٦
لعرض السؤال في فدني اضغط هنا