لو حد اخد مني التلفون ودخل ع الإعدادات وعمل حاجة وبعدين قالي حطي رمز التلفون وحطيته وبعدها التلفون اتقفل واتفتح والإعدادت بتاعته اتغيرت ورجعت لحالتها الأصلية بس التطبيقات زي ما هي والباسورد اتشال وبصمة الوش وكل حاجة بس التطبيقات زي ما هي بكل حاجة ده معناه اي الواي فاي اتمسح والبلوتوث وحاجات كتير اوي ده معناه أنه عمل اي في التلفون وهل ممكن يكون بيتجسس على الهاتف
اتمنى تفيدوني
نوع التلفون Vivo40 lite
ده يكون عمل اختراق للتليفون وساعتها هتطرى تعملى ظبط مصنع بس انقلى الحاجات المهمة جداً قبل الفورمات وبعدها هتعملى فورمات وبعدها هتحطى حاجاتك المهمة على التليفون من تانى بس غيرى باسوردات حساباتك على كل التطبيقات بباسوردات قوية جداً مع تفعيل خاصية التحقق بخطوتين فى كل تطبيق وخاصتاً تطبيقات السوشيال ميديا.
تم النشر الجمعة، ٢٠ فبراير ٢٠٢٦
بصي هو الشخص ده غالباً دخل وعمل Reset All Settings وده بيمسح الباسوردات، البصمة، شبكات الواي فاي، واقتران البلوتوث، بس بيسيب الصور والتطبيقات زي ما هي. و الحركة دي لوحدها مش تجسس بس هي حركة غريبة ومريبة؛ لأنها بتفتح الموبايل وتخليه من غير حماية بدون بصمة أو باسورد وده بيسمحله يشوف أي حاجة براحته أو ينزل برامج مخفية. لفي على كل البرامج اللي عندك، لو لقيتي تطبيق غريب مكنش موجود أو تطبيق ملوش أيقونة واضحة، امسحيه فوراً. و ادخلي الإعدادات وشوفي إيه البرامج اللي واخدة إذن تفتح الكاميرا أو الميكروفون أو الموقع، لو لقيتي حاجة مش منطقية اقفليها. وأمني موبايلك من جديد حطي باسورد جديد قوي، وبصمة وش وأصبع جديدة. اتأكدي من حساباتك ادخلي على حساب جوجل بتاعك وشوفي الأجهزة المسجلة، لو لقيتي جهاز غريب اعملي له Log out وحاجه اخيره لو لسه قلقانة، ممكن نسخ احتياطي لصورك وحاجاتك المهمة، وبعدين تعملي ضبط مصنع كامل Factory Reset للموبايل عشان تمسحي أي حاجة ممكن تكون استخبت جوه السيستم وان شاء الله خير ومتديش موبايلك لحد
تم النشر الخميس، ١٩ فبراير ٢٠٢٦
لا تقلقي يا حفصة، ده مش بالضرورة تجسس، بس خلينا نشرح ونأمن الوضع خطوة بخطوة. أنا ذكية، وهساعدك بطريقة عملية 😊. إيه اللي حصل على الأغلب؟ اللي وصفتيه مش إعادة مصنع كاملة (لأن التطبيقات والبيانات باقية زي ما هي)، ده إعادة تعيين الإعدادات (Reset Settings) في Vivo V40 Lite (أندرويد). بيحصل كده لما حد يدخل الإعدادات > النظام > إعادة تعيين > إعادة تعيين الإعدادات (أو Reset Wi-Fi/Bluetooth/بصمة/كلمات مرور). بيمسح: واي فاي محفوظ، بلوتوث، بصمة الإصبع/الوجه، إعدادات الشبكة، وكلمات مرور التطبيقات… بس التطبيقات والبيانات تبقى سليمة . طلب الرمز منك عشان يفعل الخيار ده (بعض الـ resets بيطلب PIN). مش دليل تجسس قوي ، ممكن يكون حد عايز "ينضف" الإعدادات أو يختبر حاجة، بس لو مش موثوق، خليكِ حذرة. هل ممكن يكون تجسس؟ وإيه تعملي دلوقتي؟ تحققي التطبيقات : روحي إعدادات > التطبيقات > شوفي آخر تطبيق مثبت (لو في تطبيق غريب زي VPN أو "spy" أو "monitor"، شيليه فوراً). سكان مضاد فيروسات : نزلي Avast أو Malwarebytes من Google Play، شغلي scan كامل. (مجاني وسريع). أمني الهاتف : غيري كل كلمات المرور (جوجل، واتساب، بنوك… من جهاز تاني). فعلي قفل الشاشة الجديد + بصمة/وجه جديدة . شغلي Find My Device من إعدادات جوجل عشان لو ضاع يتقفل. حدثي النظام : إعدادات > نظام > تحديثات. لو عايزة تتأكدي 100% : اعملي إعادة مصنع كاملة (إعدادات > نظام > إعادة تعيين > محو كل البيانات)، بس خدي باك آب أول (صور، جهات اتصال). أو روحي لمتجر Vivo أو فني موثوق. نصيحة سريعة : متديش الهاتف لحد تاني كده، وفعلي "Developer Options" مش مفتوحة (إعدادات > حوالي 7 مرات على رقم البنيلد). لو القلق مستمر، روحي صفحة الخبراء https://www.fedni.net/experts وابحثي خبير تقني أو أمان إلكتروني لاستشارة شخصية. هتبقي كويسة إن شاء الله. 💪
تم النشر الثلاثاء، ١٧ فبراير ٢٠٢٦
إعادة ضبط الإعدادات الأساسية ـ ليس فيها شيء لا تقلق الموضوع بسيط
تم النشر الثلاثاء، ١٧ فبراير ٢٠٢٦
ممكن يكون عمل ظبط مصنع او رجع الاعدادات الاساسية
تم النشر الجمعة، ٢٠ فبراير ٢٠٢٦
ما تقلقيش هو عمل اعادة ضبط المصنع ...
تم النشر الخميس، ١٩ فبراير ٢٠٢٦
معرفش بصراحة بس لغاية ما تعرفي وتتطمني امسحي اي صور شخصية ليكي او ل اي بنت من عيلتك من علي الموبايل وبلاش تغيري والموبايل معاكي في نفس المكان
تم النشر الأربعاء، ١٨ فبراير ٢٠٢٦
لعرض السؤال في فدني اضغط هنا