بقالي فتره ملاحظه اني مش بحس بحاجه يعني انا حاليا ف علاقه مع شخص و مش حاسه بإحساس الحب مع انه كويس جدا معايا و بيحاول يعوضني عن اي اذى انا اتعرضت ليه ف الماضي بس مش قادره احس بأي حاجه
و مش معاه هو بس يعني من فتره كان عندي حالة وفاه لشخص قريب جدا مني وبردو محستش بحاجه وكنت بتعامل عادي حتى لمه حد بيعملي حاجه حلوه بكون ساكته بس بعمل نفسي فرحانه عشان اللي قدامي ميزعلش ولكن انا من جوايا حاسه ان عقلي فاضي ومش بيحس بحاجه مهما حصل ليا حلو او وحش مش بحس بحاجه و خايفه الموضوع يأثر على علاقتي ب اللي حواليا لان هما ملهمش ذنب
السلام عليكم، طيب قبل الفترة دي كنتِ عادي مفيش مشكلة في الإحساس بالمشاعر؟ لو كنتِ كويسة قبل كده فغالبا مريتِ بظرف معين هو كان نقطة التحول أو مجموعة تراكمات ومقدرتيش تفرغيها وأدت لحالة من التبلد والإنغلاق. التخدر أو التبلد العاطفي ممكن يحصل مع الحزن أو الاكتئاب أو بعد المرور بضغوط وصدمات. فحاولي تفتكري كده إيه حصل وقلب حالك. عموما متجبريش نفسك على الأحاسيس لمجرد إن المواقف بتستدعي شعورك بها، وحاولي تتفهمي الوضع الحالي وحاجة نفسك لبعض الراحة جربي كمان تستخدمي الكتابة في التشافي الذاتي وممكن مع تفريغ أفكارك وتسجيل تجاربك اللي فاتت توصلي لأسباب مشكلتك وتفكري بهدوء في حل الأسباب دي وهيبقى أسهل بعد كده التعامل مع النتيجة. وتابعي نفسك، إذا الوضع أثر سلبا على دراستك وحياتك عموما وبدأ يوقفها فالأفضل تتابعي مع مختصة، توصلوا مع بعض لجذور المشكلة وتتابع معك بخطوات عملية وخطة منظمة لحد إن شاء الله ما تتجاوزي حالة تبلد المشاعر بسلام. بالتوفيق.💚
تم النشر الأربعاء، ١٩ أغسطس ٢٠٢٦
أنا فاهمة شعورك تمامًا، وهو شيء صعب جدًا إن الواحد يحس إن عالمه الداخلي "فاضي" أو مخدر، خاصة لما يكون فيه علاقات ومواقف تستحق الإحساس. اللي بتصفيه ده مش ضعف أو تقصير منك، ده غالبًا رد فعل طبيعي للجسم والعقل بعد صدمات أو فقدان، زي الوفاة اللي مريتي بيها، وده بيخلي الدماغ يحمي نفسه مؤقتًا من الإحساس الزائد. المهم دلوقتي إنك مش بتتجاهلي الموضوع، وده خطوة كويسة. حاولي تبدئي بخطوات صغيرة وعملية: اكتبي يوميًا في مذكرة ثلاث حاجات بسيطة حصلت (حتى لو مش بتحسي بيها دلوقتي)، ولاحظي أي تغييرات جسدية زي التعب أو قلة النوم، لأن الجسم أحيانًا بيعبر عن الفراغ العاطفي. كمان، حاولي تكوني صادقة مع الشخص اللي معاكِ بطريقة لطيفة، زي إنك تقوليله إنك بتمري بفترة صعبة ومحتاجة وقت، عشان ميحسش إن المشكلة فيه. لو الموضوع مستمر ومأثر على حياتك اليومية، ابحثي على فدني عن أسئلة مشابهة عشان تشوفي تجارب ناس تانيين، وده ممكن يساعدك تفهمي أكتر. أنتِ مش لوحدك في ده، ومع الوقت والاهتمام بنفسك هتقدري ترجعي تحسي تاني. لو عايزة تتكلمي أكتر عن أي حاجة، أنا هنا.
تم النشر الأربعاء، ١٩ أغسطس ٢٠٢٦
دي صدمه حصلتلك وانتي صغيرة وحصلتلك حاجة وفكرتك بيها فعقلك من كتر الكتمان والوجع عمل وضع التخدير الدايم واللي خلاكي مش حاسه بحاجه حتي لو اتعورتي وشوفتي دمك مش هتحسي بوجع مش بس وجع مشاعر او نفسي لا ولا وجع جسدي هتحسي بيه بس صدقيني لازم تتكلمي مع اي اخصائي نفسي حتي لو اونلاين بس لو فضلتي كده هتنهاري وهيحصلك انهيار عصبي في يوم جسمك هيطلع كل الوجع والمشاعر مره واحده لدرجة انك ممكن يغمي عليكي بس انتي لازم تعرفي اي هي الصدمه اللي حصلتلك واتكلمي مع نفسك ودي حاجة هتفيدك جداً بعد الاخصائي النفسي
تم النشر الأحد، ٢٣ أغسطس ٢٠٢٦
طيب بصي انتي محتاجه تتكلمي مع أخصائي نفسي عشان يساعدك في تجاوز صدمات وأذي الماضي لإن دا اللي مخلي عقلك واخد وضعية " الدفاع " عبر إطفاء المشاعر تماما عشان يحميكي من الشعور بالألم تاني ودا اسمه " تخدير عاطفي " .
تم النشر الأحد، ٢٣ أغسطس ٢٠٢٦
كانت كويسه و ملتزمه ف الصلا بس حاليا بقطع ف صلاتي ولكن بحاول اني ارجع انتظم تاني و بحاول اشيل من دماغي فكرة ان الصلا تقيله عليا و ابطل اكون بكسل ليها
تم النشر السبت، ٢٢ أغسطس ٢٠٢٦
معلش سؤال كمان ، اي علاقتك بربنا ؟
تم النشر السبت، ٢٢ أغسطس ٢٠٢٦
قرئنا فاتحه و الخطوبه قريب اوي و اهلنا يعرفوا بعض اكيد و كمان انا عرفاه من فتره يعني سنتين تقريبا و هو مناسب ليا صراحه وانا كنت بحبه ف الاول و بعدين مره واحده لقيت اني مش حاسه بحاجه
تم النشر السبت، ٢٢ أغسطس ٢٠٢٦
سؤال يا حبيبتي ، علاقتك مع الشاب دا بدون خطوبة ؟ ...أصل لو علاقة حرام ف انتي ماشية غلط من الأساس ، لكن حتة المشاعر دي هي حاجة في القلب ومش احنا اللي بنتحكم فيها فعادي انك متحسيش بمشاعر لتصرفات معينة ، وانتي ممكن مفيش مشاعر ناحية الشخص دا لإنه مش نوعك مثلا او مش مهتمية بيه قد كدا أو مش هو المناسب ليكي اساسا
تم النشر الجمعة، ٢١ أغسطس ٢٠٢٦
لعرض السؤال في فدني اضغط هنا