السلام عليكم ورحمة الله وبركاته
صديقتي اكبر مني بست سنوات هي عندها 24 سنة فطرتها كويسة جدااا ماشاءالله ومعلوماتها الدينية ماشاءالله وانا عارفة ومتأكدة أن هي أن هي بإذن الله ييجي منها كتير اوي والله هي بس عايزة حد يتكلم معاها كتير ف الالتزام مشكلتها أن هي منفتحة جداا والاختلاط عندها حاجه عادية جداا ممكن تكون عارفة أن هو غلط بس هي ديما بتقولي احنا في حاجات كتيرة عارفين أن هي حرام مثلا وبردو بنعملها بس ربنا يسامحنا بقي بس ديما لما بتكلم معاها بحس قلبها نقي جدا وعارفة ربنا اووي وبحس بالذنب اوي أن انا بمشي معاها واتكلم معاها عادي وسيباها من غير م أنصحها أو اتكلم معاها ف أخطائها اللي انا متأكدة أن هي عارفة أن هي غلط هي بيئتها مدياها حرية شخصية شوية بباها ومامتها ماشاءالله كانو ازهريين واختها أزهرية وخاتمة القرآن وهي ف ابتدائي لسه ماشاءالله عليها وبيحافظو علي القرآن والصدقة والخير وكل حاجه حلوة بس ف نفس الوقت عندهم ميدأ غريب كل واحد وحريته ومنشغلين بالدنيا اوووي هي صاحبتي دي حكم كرة قدم هي الكابتن بتاعت الچيم بتاعي مش اللي هو صاحبتي اوي انا بتكلم معاها آه بس بردو بتحرج منها شوية عايزة اتكلم معاها اووي عايزة وبتمني اكون سبب بعد ربنا ف هدايتها هي حياتها كلها بتفنيها ف السفر وتحكيم الكورة وشغل چيمات وجلسات تأهيل وحجامة مع دراستها ف تقريبا مش بيبقي وقت لربنا خالص بالنسبالها غير هي الصلوات هي بتحافظ عليها جدا بصراحة هي والسنن وكمان ممكن بتختلط بالشباب كتيير اووي صحابها شباب عادي بس هي شايفة أن دي صحوبية شغل عادي وعادي تخرج معاهم مفيش مشكلة حساها متناقضة اووي بجد مش عارفه افهمها علشان افهم انا أقدر اساعدها ازاي وافتح معاها الموضوع من أنهي نقطة بالظبط وخايفة جداا حاسة أن انا مش أهل أن انا اتكلم معاها واقنعها واغيرها المشكلة بالنسبالي أن انا لما هتكلم معاها مينفعش اقولها سيبي الكورة وانشغلي بالآخرة عن الدنيا حتي لو هقولها بأسلوب لطيف انا هقدر اتكلم بأسلوب يحببها بس الفكرة ان انا بقولها غيري حياتك كلها من أولها لآخرها بقولها غيري تفكيرك وابدئي حياتك من اول وجديد حتي هي مخطوبة لحكم كورة زيها وطبعا اللبس عارفين لبس الكورة بيبقي عامل ازاي هي كبها بتلبس حجاب عادي بس طبعا بتلبس التيشيرت والشورت عادي جدا ف الماتشات بيبقي تحته استرتش بردو بس طبعا جسمها مفصل كدا ودا ميرضيش ربنا والشغل ذات نفسه اصلا بتاع التحكيم هي متعلقة بيه وعندها طموح ومش عارف اي وعايزة توصل الشارة الدولية ودماغها مش هنا خالص عارفه أن انا لو اتكلمت معاها مش هتعرف ترد عليا أو هتبقي محرجه وعارفة أن هي بتعمل حاجه غلط بس أنا مش عارفه اكلمها ازاي بصراحة حاسة مهمتي صعبة اووي بصراحة انا أزهرية ف الحمدلله ملتزمة الي حد ما بس أنا متضايقة جداا علشانها يمكن هي شاغلة تفكيري ديماا انا بحبها جداا وعايزة اخليها تبقي احسن حد في الدنيا وعايزة ربنا يرضي عنها وعايزة حياتها تتغير للأحين وتبقي أسعد واحدة ف الدنيا بس مش عارفه ابدألها الحوار ازاي ولا منين عايزاه يبقي خطوة خطوة متجيش مرة واحدة كدا عندي استعداد افضل احاول معاها لحد آخر لحظة بس عايزة مساعدة اكلمها ازاي واقولها اي وجزاكم الله خيرااا مقدما ♥️♥️♥️♥️
نيتك طيبة وان شاء الله ربنا يبارك فى اى خطوة بنيتك الطيبة انا بس عاوزاكى تركزى انك توصليلها معنى صحيح ..اكتر من انك تكونى بتوجهيها لحاجة محدده مثال : ان الجسم امانه وواجب نحافظ عليها زى ما امرنا ربنا ...مش لازم اقول ان ده مش حجاب صح وعليكى ترك التحكيم عشان توصلى للحجاب الصحيح. استخدام الطريقة دى لانك مش قريبه منها انك تقولى بالشكل الصريح لانك متعرفيش تقبلها اصلا . كررى عليها بس ..انك بتحبيها فى الله وبتتمنى يجمعكم سوا فى الجنه لو تقدرى هاديها بحاجات تشجعها ..زى طرحه طويله وقوليلها نفسى اشوفها عليكى وحاسه هتليق على وشك زى بنطلون واسع مثلا او جيبه او فستان وهكذا بالنسبه ليكى انتى : عاوزاكى تعرفى ان محدش فينا حتى لو ملتزم ضامن الجنه ...دخولنا ليها مشروط برحمة ربنا علينا ...احنا بنجتهد عشان نطيعه ونرضيه ونحمده على النعم الكتير اللى احنا فيها . الانشغال بالاخره يتحقق بانك تساهمى فى امور الدنيا بس بمنظور ونيه للاخره ....والله اعلم بنوايا البنت وكل واحد ...لعلها عند الله افضل منا جميعا ربنا يتقبل منك نيتك وسعيك ويجمعكم صحبه طيبة فى الجنه
تم النشر السبت، ٢٨ أكتوبر ٢٠٢٣
فعلا هي يتخاف عليها جدا هي للاسف فاكرة انها طالما ازهرية واهلها محافظين يبقى كدا اهلها المفروض يثقو فيها وان هي مش بتعمل حاجة غلط مع ان بالعكس دول اكتر ناس يتخاف عليهم ومنهم اللي بيعملو كل شيء زي سفر بدون محرم ودراسة بحجة ان اخلاقهم كويسة دا حرام واهلها هيتحاسبو عليها وحتى مهما بلغت من التدين عيب تروح مجتمعات مش مسلمة لوحدها لانهم بيستهدفو العربيات عشان يخرجو عن دينهم ويعملو اعمال لا اخلاقية اين مراقبة الاهل هنا
تم النشر الجمعة، ٢٧ أكتوبر ٢٠٢٣
مازل الخير يجري في قلبك وينبض به فحب الخير للآخرين هو دليل علي قوة ايمانك بالله فقال رسول صل الله عليه وسلم "لا يؤمن احدكم حتى يحب لأخيه ما يحب لنفسه" ولكن هل انشغالك بغيرك صح بمعنى من المفروض أن الإنسان منا عليه العمل علي نفسه ويسعى الي تقرب إلي الله فلا استطيع ان اقول لغيري صلي وانا غير منتظم في صلاة ولذلك عليك بنفسك فهي تعرف ما تحب وتعرف الخطأ وتعرف العقاب على هذا الخطأ في الدنيا والآخرة لذلك انشغالك بأمرها أمر محمود ولكن قد يشغلك هذا عن نفسك بل قد يكون فتنه لك ولنفترض انك قولتي لها سيبي الكورة أو بلاش لبسك غلط هي هيكون ردها عليك انا عارفة انو غلط بس ربنا غفور رحيم يعني موش محتاج نصيحه منك ركزي على نفسك "ليس عليك هداهم" هكذا قال الله عز وجل ، عليك بنفسك اولا اهتمي بنفسك ، قوي علاقتك مع ربنا ، انتظمي في صلاتك ،تفوقي في دراستك ، كني صاحبة مبدأ ، ولا غيرنك حياة غيرك من الناس.🌸
تم النشر الجمعة، ٢٧ أكتوبر ٢٠٢٣
لعرض السؤال في فدني اضغط هنا