يا جماعه بجد أنا تايهه و كل حاجه في حياتي بايظه مش عارفه ابدأ منين بس أنا دراسيا بدأت أكره التعليم و المذاكرة و احس بملل و احباط سريع و ببقى عاوزة انام مع ان دي تالتة ثانوي و مع اني كنت شاطرة جدا السنين الي فاتت
و نظام يومي متشقلب جدا بقاله شهور و روتيني عبارة عن نوم و اكل و موبايل و تضييع وقت و من جوايا حاسه بعبثيه الحياة و مش قادرة أبدأ احلم او اتخيل اي حاجه حلوة للمستقبل..
و كمان أنا كنت على علاقة بشخص و حبيته جدا و اتعلقت بيه و نفسيتي اتدمرت لما سيبنا بعض و مش قادره أتخطى أبدا
و كمان أنا بقالي سنة بعمل العادة و كل المؤشرات بتقول اني بقيت مدمنه عليها و انها بوظت حياتي بس أنا من جوايا مش حاسة نفسي مدمنه و حاسة من جوايا انها خرجتني من الاكتئاب الي كنت فيه قبلها ..
كل حاجه بايظه و اوضتي مهما حاولت اغير نظامها و اروقها مبحسش بتغيير جوايا و بترجع تبوظ تاني بسبب اني بقطع ورق و أنا قاعدة بدون سبب ...و حاسة نفسي مش عارفه اصلي بسبب اني طول الوقت على جنابه... حاسة نفسي كرهت البيت جدا و ببقى احسن طول مانا برة ..
أتمنى حد يساعدني بجد لاني بتدمر جداا و من جوايا كارهه نفسي و الحياه و حاسة اني هضيع مستقبلي و حاسه ان اللي بمر بيه اكتر بكتير من اني اكتبه و مش جوايا اي طاقة لأي تغيير بس نفسي اتغير
أختي حبيبتي، أولًا أحب أقول لك إن كلامك مؤلم ومهم، وأنت مش لوحدك في المشاعر دي. اللي بتحسيه حقيقي ومشروع، وممكن يتغير بخطوات صغيرة متكررة وبمساعدة مناسبة. هحاول أديك خطة عملية ومحبة تمشي معاكي خطوة بخطوة، مع مراعاة الجانب الديني والنفسي. قبل أي حاجة — لو حسيتِ بنفسك مرة إنك هتؤذي نفسك أو خطر عليكِ، لازم تطلبي مساعدة طوارئ فورًا أو تتواصلي مع جهة طبية فورية. حياتك غالية ومهم تحميها. نقاط سريعة تبقى في بالكِ الآن - مش عيب أن الواحد يقع أو يحس بضياع، العيب في الاستسلام. أنتِ بتوصفين حالة شائعة بعد ضغوط/فقد/روتين متهالك، وفيها حلول. - لا تحكمي على نفسك بقسوة. كل تغيير حقيقي يبدأ بقرار صغير وثابت. - لو الحالة مترافقة بكآبة شديدة، نوم غير طبيعي، فقدان شهية أو أفكار إيذاء — الاستشارة الطبية مهمة (طبيب نفسي أو أخصائية نفسية). خطوات عملية وممكن تبدأي فيها من بكرة (خطوة بخطوة) 1) ابدئي بصغير ثابت كل يوم - اختاري فعل بسيط واحد يومي يكون لكِ «نجاح صغير»: مثال، تصحِّي الساعة معينة وتعملي وضوء أو صلاة أو قراءة آية قصيرة. الهدف: تثبيت نجاح صغير يومي يبني ثقة. 2) ترتيب يومك بطريقة واقعية - حددي 3 أشياء فقط لليوم: شيء للصحة (مشى 15-30 دقيقة)، شيء للعقل (20-30 دقيقة مذاكرة أو قراءة)، شيء للترتيب (تنظيم 10 دقائق لغرفتك). - استخدمي مؤقت: 25 دقيقة تركيز ثم 10 دقائق استراحة (تقنية تشبه بومودورو). لا تضعي توقعات ضخمة. 3) ضبط النوم والهواتف - خليه هدف إنك تنامي وتصحى تقريبًا نفس المواعيد. حطي الموبايل بعيد عن السرير قبل النوم، وموقفي الإشعارات في وقت معين. - إذا بتنامي كثير خلال اليوم، حاولي تقصري القيلولة أو تجعليها قبل العصر وبمدة 20-30 دقيقة. 4) تحكم تدريجي في العادة السرية - كوني رحيمة بنفسك. حطي خطة لتقليل المشغلات: حجب المحتوى، تغيير روتينك عند الشعور بالإغراء (اطلعي برة، امشي، اقرأي صفحة قرآنية، اشغلي نشاط بسيط). - البديل العملي أفضل من اللوم: سجلي متى بتحسي بالرغبة (الوقت، المشاعر، المكان) عشان تعرفي المحفزات وتتعاملي معاها. - لو بتحسي إدمان حقيقي وصعوبة بالتحكم، العلاج المعرفي السلوكي مع مختصة يفيد جدًا. 5) رتبْي مكانك خطوة بخطوة - اجعلي تنظيف الغرفة عادة صغيرة: 10 دقائق ترتيب كل يوم. النتيجة النفسية كبيرة حتى لو بسيطة. 6) استثمري وقت الخروج — لأنك بتحسي أفضل خارج البيت - اطلعي للمشي، مكتبة، كافيه أو حديقة. الحركة والهواء يغيروا المزاج. 7) الجانب الروحي (بهدوء ومحبة) - لا تلومي نفسك بسبب تقصير في العبادة. إبدئي صغيرًا وتدرجي لكن حافظي على الصلوات في أوقاتها وقراءة الأذكار. النية الصالحة قيمة (إنما الأعمال بالنيات). - الاستغفار، السجود، ودعاء الله بصدق ممكن يخفف حملك النفسي ويعطيك أمل. متى تحتاجين مساعدة متخصصة؟ - لو الشعور بالإحباط مستمر أكثر من أسابيع، أو أثر على نومك، أكلِك، قدراتك اليومية. - لو تحسي إن العادة خارجة عن السيطرة. - في الحالتين يفضل استشارة أخصائية نفسية أو طبيبة نفسية للنقاش عن علاج سلوكي أو دوائي إن لزم. موارد عملية على فدني - لو حابة مساعدة متخصصة، تفضلي شوفي صفحة الخبراء على فدني: https://www.fedni.net/experts هناك تلاقي مختصات نفسيات ومدربات حياة ممكن يكلموكي ويعملوا خطة متابعة. - ممكن كمان تفتحي أسئلة مشابهة على فدني واقرأي تجارب البنات التانية عشان تاخذي أفكار وحلول عملية. أنتِ مش معطوبة للآخر ولا محكوم عليكٍ بالفشل. أنتِ نجمة صغيرة محتاجة ضوء ثابت وبطيء. خدي نفس واحد خطوة بخطوة، وأنا هنا معاكِ — ذكية.
تم النشر الأحد، ٩ نوفمبر ٢٠٢٥
اولا يا حبيبتى متزعليش من اى حاجه مفيش حاجه فى الدنيا مستاهله زعلك تانيا كس هقولك مش طبيعى تحسى بكده فى تالته ثانوى لان كلنا فى تالته ثانوى حسينا بكده أنا فاهمة إحساسك ومش كل سنة لازم تكوني زي اللي قبلها كل مرحلة فيها تحديات جديدة ومش معنى إنك حاسة بصعوبة دلوقتي إنك مش قدها أو مش شاطرة ركزي على اللي تقدري تعمليه دلوقتي خطوة خطوة حتى لو صغيرة ومع الوقت هتحسي بالفرق وثقي في نفسك لأنك فعلًا قادرة
تم النشر الاثنين، ١٠ نوفمبر ٢٠٢٥
ان شاء الله 🤍
تم النشر الأحد، ٩ نوفمبر ٢٠٢٥
ربنا يعيني و اقدر ابطل و مبقاش محبطه من فشلي
تم النشر الأحد، ٩ نوفمبر ٢٠٢٥
مفيش حد هيعرف غير لما يحاول مره واتنين وعشره ومليون
تم النشر الأحد، ٩ نوفمبر ٢٠٢٥
مش عارفه ابطل
تم النشر الأحد، ٩ نوفمبر ٢٠٢٥
أنا بقالي سنه بعمل هو أنا كده المفروض دخلت في الخطر صح ؟😓
تم النشر الأحد، ٩ نوفمبر ٢٠٢٥
وبالنسبه للعاده نصيحه مني هتبقا في الاول زي الشخص الي بيطبطب عليكي من هموم الدنيا وبعد كدا هيدمرلك حياتك بلاش تتخدعي وحاولي تبطلي دلوقتي قبل ما يكون ادمانك جزء من حياتك والخطوة الاولى انك تعترفي انك مدمنه حاجه وغلطانه عشان تعرفي تصلحي غلطك
تم النشر الأحد، ٩ نوفمبر ٢٠٢٥
في مراجعات كتير هتكون في اخر السنه متقلقيش يعني لو في دروس معرفتيش تلميها كويس كله هيتلم متقلقيش بس حطي دلوقتي في دماغك انك هتلتزمي حتى في اصعب الظروف
تم النشر الأحد، ٩ نوفمبر ٢٠٢٥
بس أنا بردوا كل محاولة بتفشل بتحسسني بالاحباط و حاسة اني مش عارفه اتكيف مع فكرة عدم المثاليه
تم النشر الأحد، ٩ نوفمبر ٢٠٢٥
شكرا جدا ليك كلامك شجعني 💗
تم النشر الأحد، ٩ نوفمبر ٢٠٢٥
لو في اي حاجه معينه عايزه تستفسري فيها انا مستعد اجاوبك على قد معرفتي
تم النشر الأحد، ٩ نوفمبر ٢٠٢٥
وشيلي من دماغك فكرة المثاليه الي هو انا مش هعمل حاجه غير لما تكون مظبوطه 100٪ لا حاولي تكملي في الحاجه الي بتعمليها للاخر وبعدين الوضع هيتظبط متقلقيش
تم النشر الأحد، ٩ نوفمبر ٢٠٢٥
انا كمان زيك تالته ثانوي والموضوع هو هو مع كل الناس كدا لازم تعرفي ان الي بيفرق ما بين الطلبه هو اللحظات دي اللحظه الي بتكون فيها متدمر ومش قادر تكمل بس اختارت تكمل ساعتها انت اتفوقت على طلبه كتير زيك مفيش مشكله لو مراكمه عادي تقدري تبدأي من دلوقتي لسه قدامك وقت ابدأي بالجديد وخلي للقديم المتراكم وقت معين تذاكريه فيه شويه بشويه
تم النشر الأحد، ٩ نوفمبر ٢٠٢٥
انتي دلوقتي في مرحلة الاستدراج لسه مش هتكون اثرت عليكي كتير بس حاولي تتخلصي منها
تم النشر الأحد، ٩ نوفمبر ٢٠٢٥
لعرض السؤال في فدني اضغط هنا