عندي الم في اسفل الظهر جدا خصوصا لما بقف لفترات طويلة و بحس بتنميل في جزء ده و تنميل في رجلي الاتنين و ساعات بيبقا في دراعتي ده ايه؟ و اكشف ايه حد قالي مخي و اعصاب و حد قالي عظام
انا كشفت قبل كده اعصاب و كان نفس الوجع خد علاج شهرين و دكتور قالي وقفي و اتحسنت الحمدلله و كان دكتور عظام اكرره تاني ولا اعمل ايه؟
التنميل بيكون علامه واضحة على تعب الاعصاب وبما انه متزامن مع وجع ظهرك فغالبا قد يكون عندك ضغط على اعصاب العمود الفقري او على الفقرات وده مؤثر على اعصاب الرجلين روحي اكشفي افضل ويستحسن تاخدي فيتامين ب ١٢ بيساهم في تحسين صحه الاعصاب شفاك الله وعافاك
تم النشر الجمعة، ٤ أغسطس ٢٠٢٣
آلام أسفل الظهر مع تنميل في الساقين والذراعين قد يكون سببها عدة أمور: - مشاكل في العمود الفقري مثل التهاب الفقار القطني أو انزلاق غضروفي - ضغط على الأعصاب المنطلقة من العمود الفقري - مشاكل في الأوعية الدموية المغذية للعمود الفقري إذا كنت قد فحصت سابقا وكانت النتيجة طبيعية، فمن المستحسن إعادة الفحص مرة أخرى لدى طبيب أعصاب أو جراح عظام لتحديد السبب بدقة، وقد يطلب منك عمل أشعة أو رنين مغناطيسي. من المهم أيضا مراجعة طريقة الجلوس والنوم ورفع الأشياء الثقيلة، وقد يوصي الطبيب ببعض التمارين الرياضية الخفيفة لتقوية عضلات الظهر. العلاج الطبيعي أيضا مفيد في التخفيف من الآلام. أتمنى أن تتحسن حالتك قريبا. إذا استمرت الأعراض رغم العلاج، ينصح بمراجعة الطبيب مرة أخرى لإعادة التقييم.
تم النشر الخميس، ٣ أغسطس ٢٠٢٣
متكرريش علاج من دماغك روحي اكشفي تاني عشان ممكن يكون سبب الأعراض مختلف و العلاج المطلوب يكون مختلف و الف سلامه عليكي
تم النشر الخميس، ٣ أغسطس ٢٠٢٣
الكلام دا حصل مع والدتي من فترة راحت لدكتور عظام ومشت ع العلاج وخفت بس الدكتور اكد عليها انها تاخد الجرعة زي م هوا قايل ولا اقل ولا اكتر وانها متبطلش العلاج غير اما هوا يقولها خلاص كدا انتي مش محتاجة علاج تاني،الموضوع داخل ف عصب اه بس دكتور العظام هتلاقيه فاهم فيها وعارف دا كله يعني
تم النشر الخميس، ٣ أغسطس ٢٠٢٣
لعرض السؤال في فدني اضغط هنا