السلام عليكم
أنا بنت في سنة تالتة طب
لما بدأت ابحث في سوق العمل اتصدمت أن المهارات المطلوب كثير جدا لكن مش دي المشكلة
المشكلة أن عشان يكون عندي مهارات لازم أدخل كورسات مدفوعة حتى اللغة
والشغل مع الكلية صعب جداّ
أغلب الكورسات المجانية على النت قشور
حتى علشان أكون فريلانسر
الشغل الموجود أغلبه خدمي بالتمن والعشر ساعات وبراتب غير مكفي
والتطوّع أغلبه في محافظات بعيدة أو شروطه غير مناسبة
ابدأ من فين ..
السلام عليكم ورحمه الله وبركاته. يعني ربنا يكون معك يعني بداية دراسه الطب محتاجه تركيز خاص بها اوكي مساله بقى المهارات او شغل ريلانس انا الحياه مش قادره افهم انت بالنسبه لك ايه اللي انتي هتكوني محتاجه تشتغلي كفريلانس وانت بتدرسي طب لان دراسة الطب ومجالات الطب حاجه وشغل الفريلانس اللي هو بيكون معتمد على مهارات شغل من على الانترنت ده حاجة تانية فأنت هدفك ايه اللي انت عايزه توصلي له ايه الهدف اللي انت حاطاه في دماغك؟ علشان نشوف الخطوات اللي انت تاخذيها بشكل صح لانه الموضوع ما بيمشيش بالشكل العشوائي ده مش كل محتاج نفس المهارات يعني الطبيب هيكون محتاج مهارات هتنفعه في الاهداف اللي هو حاططها في حياته سواء كهدف تعليمي او كهدف اكاديمي او كهدف اجتماعي كهدف مهني فالهدف بتاعك عامل ازاي علشان تقدري تحصري المهارات اللي انت محتاجه تتعلميها وحتى نسبه اللغه اللي انت محتاجه توصلي لها هتعتمد على الهدف بتاعك مثلا في حد هيكون الهدف بتاعه ان هو عاوز يشتغل برا عاوز يشتغل في المانيا فده شخص اكيد مش هيركز خالص مع الكورسات بتاعه اللغه الانجليزيه قد ما هيركز ان هو هيتعلم الماني عشان يكون معاه لغه المانيه وتكون دي اضافه له وهو بيقدم على شغل في المانيا تمام هيشوف ايه متطلبات الحياه في المانيا وان هو ازاي يتعمل اجتماعيا مثلا مع الناس اللي في المانيا فهيبدأ ياخذ المهارات او يتعلم المهارات اللي هتفيده في الحياه هناك مثلا حد ثاني لا ده هيروح لصين فهو انا محتاج مهارات تكنولوجيه عشان التكنولوجيا هناك مثلا عاليه اماكن كثير فهو هيقول لا انا محتاج مهارات تكنولوجيه هزود عن نفس المهارات التكنولوجيه اكثر من الاجتماعيه عشان هناك التكنولوجيا اكثر من الاجتماعيه فالموضوع متوقف على هدفك ما تخليش الموضوع عشوائي وما تاخديش مهارات زيك زي اي حد علشان المهارات مرتبطة بهدفك ده مهم جدا جدا حاجه مهمه حابه اضيفهالك عشان تبقي عارفه كل شيء احنا بندفع قصاده شيء حتى التدريب المجاني يعني مثلا انا دلوقتي فهيتقدم لي تدريب مجاني انا هدفع هنا جهد ووقت أنا هقدمه انا هروح وهلتزم بالوقت اللي انا هروحه وهساعدهم في اداء مهمات معينه فانا بذلت هنا دفعت جهد بس ما دفعتش فلوس عشان التدريب وبرضو المكان اخذ مني جهد واخده حاجه ودفعوا لي ايه دفعولي حاله من التجربه وفرولي مكان اجرب فيه ان انا متواجد في المكان وبجرب وبكتسب خبره ما دفعتش فيها فلوس هم دفعولي بانهم يوفروا لي المساحه اللي انا اتعلم فيها واخذ خبره فمفيش حاجه هنا بدون ما هدفع قصادها حاجه المكان بعيد انت هتدفعي بدل الفلوس هتدفعي وقت ومجهود ومساحه الحاجات التطوعيه هتدفعي جوه وقت الحاجات الكورسات المدفوعه هتدفعي فلوس فدائما دائما اعرفي ان كل شيء احنا بندفع فيه مقابله شيء لكن انت اختاري ايه اللي انت عندك استعداد تدفعيه اكثر من الثاني ولكن مفيش حاجه هتبقى بدون شيء في المقابل يعني.
تم النشر السبت، ٢ أغسطس ٢٠٢٥
وعليكم السلام يا فاطمة، الله يعينك ويوفقك في طريقك، وأتفهم جدًا التحديات اللي بتواجهيها في بداية دخولك لسوق العمل، خصوصًا في مجال الطب اللي بيتطلب مهارات عديدة ومتنوعة. صدمة الواقع دي شيء طبيعي تواجهه كثير من البنات والشباب بعد التخرج أو حتى قبلها. خليني أساعدك بنصائح عملية وخطوات ممكن تبدأي منها، لتخفيف الضغط وتحسين فرصك بشكل تدريجي: تحديد أولويات المهارات: مش بالضرورة تكتسحي كل المهارات دفعة واحدة، اختاري أهم وأبرز المهارات المطلوبة في مجالك وابدئي في تطويرها تدريجيًا. مثلاً مهارات التواصل مع المريض، أو البرمجة الطبية الأساسية، أو حتى تحسين اللغة بطريقة عملية مناسبة لمجالك. استغلال الموارد المجانية بكفاءة: صحيح أن أغلب الكورسات المجانية سطحية، لكن لو بحثتِ بعمق على منصات مشهورة مثل Coursera أو edX، ممكن تلاقي كورسات جيدة جدًا تُأهلك، خاصة لو اجتهدتِ في إنهاء المشاريع أو التمارين المرافقة. ممكن تبدأي بكورسات قصيرة مركزة بدل الدخول في كورسات طويلة مكلفة. الانضمام لمجموعات طلابية أو مهنية: كثير من الجامعات أو الكليات في الطب أو نقابات الطب لديها برامج تدريب أو ورش عمل مجانية أو منخفضة التكلفة، حاولي التواصل مع هذه الجهات. وجودك وسط شبكة من الزملاء أو الأطباء الممارسين يساعدك تبني علاقات مهنية مفيدة وتتعلمي من تجاربهم. التطوع بشكل ذكي: رغم أن التطوع أغلبه في محافظات بعيدة أو شروطه صعبة، ممكن تبحثي عن فرص تطوع مباشرة في المستشفيات أو العيادات الخاصة في منطقتك، ولو كانت بدوام جزئي أو ساعات قليلة. التطوع مهم جدًا لأنه يجعلك تكتسبي خبرة و"كلمة توصية" قوية. العمل الحر (الفريلانسر): لو حابة تشتغلي فريلانسر، ركزي في تخصصات طبية متعلقة بالترجمة الطبية، الكتابة الطبية، إعداد البحوث أو المحتوى الصحي، أو إدخال البيانات الطبية، هذه المجالات غالبًا تطلب مهارات أقل تعقيدًا في البداية ويمكنك التدرج فيها. إدارة الوقت بذكاء مع الدراسة: بما أنك في السنة الثالثة ودرجتك مش سهلة، حاولي تخصصي وقت معين يوميًا أو أسبوعيًا لتعلم مهارة جديدة أو البحث عن فرصة عمل أو تطوع وليس بشكل إرهاق كامل، لأن الصحة النفسية مهمة جدًا ونجاحك في الدراسة أساس لمستقبلك. استشارة خبراء في فدني: ممكن تزوري صفحة "الخبراء" في فدني وتبحثي عن خبراء في تطوير الذات أو المهارات المهنية والتطوير الوظيفي، لأنهم يقدمون استشارات مفصلة تناسب حالتك وتساعدك تخطي الصعوبات بشكل أكثر تخصص. في النهاية، لا تنسي أن لكل بداية تحدياتها، والمهم هو المثابرة وعدم الاستسلام للشعور بالإحباط. ربنا معك ومع كل من يسعى بجد وصبر، وإن شاء الله يفتحها عليك ويوفقك في مشوارك الطبي والمهني. لو حابة تسألي عن مهارات محددة أو فرص معينة أو نصائح أكثر تخص دراستك أو تخصصك، أنا معاكِ هنا دائمًا. فلا تترددي تسألي :)
تم النشر السبت، ٢ أغسطس ٢٠٢٥
شوفي لا تياسي حاولي تكتفي بالمتاح و المجاني حاليا لحد ما ربنا ييسر الامور ... ابداي بالتعلم من المصادر المجانية و هي مش وحشة والله هتلاقي حاجات كتير كويسة و انتي من خبرتك في الشغل هتتعلمي اكتر ... ثانيا انتي مينفعش تشتغلي كموظفة لان وقتك مش كفاية و مش هينفع تشتغلي 8 او 9 ساعات ف انا اقترح انك تشوفي نفسك كويسة ف اي في الفريلنس و تبدئي انتي تستقلي بنفسك و تسوقي لمهاراتك و تعرضي شغلك وانجازاتك و تعملي بورتيفوليو يعني البزنس بتاعك انتي مش تبع شركة اعرضي خدماتك للناس كده هيبقي اسهل عليكي بكتيييير و مش هياخد وقت من يومك 4 او 3 ساعات بس لو انتي مستقلة لوحدك و بتسوقي لنفسك لكن كشغل عند حد لا انصحك واهتمي جدا بالتسويق لنفسك لان ده اللي بيجذب الناس يعني انتي مثلا شاطرة في المونتاج فهتعرضي صورة مصغرة ليوتيوبر مشهور تعليها من شغلك و تعرضي قبل و بعد و هكذا تصوري فيديو وانتي بتعدلي فيديو قبل و بعد او اوا او و هكذا بقي مهم جدا جدا البورتيفوليو تكتبي فيه شغلك وانجازاتك لان ده اللي بيتعرض علي العملاء و ده اللي بيجيبهم ليكي واعملي حساب علي لينكد ان هيجيلك عليه شغل كتييير جدا في مجالك وظايف ب 4 ساعات ووظايف ب 8 انتي واللي يناسبكك المهم اقراي عن الحاجات دي قبل ما تعمليها عشان دي هتفيدك حرفيا ده لو انتي حابة تشتغلي مع حد و علي فكرة الكورسات المدفوعة كلها متوفرة علي coursera و udemy متوفر المحتوي كله لتعلم مهارات مختلفة هتتعلمي و تكتسبي المهارة لكن مش هتاخدي شهادة مش مهم المهم انك اتعلمتي و بداتي تطبقي ده علي شغلك و ده وحده كفاية و بالتوفيق
تم النشر الأحد، ٣ أغسطس ٢٠٢٥
بصي لو الهدف هو انك تصرفي ع نفسك ف معظم طلبة طب (وانا منهم بصراحة) بتتجه ناحية الشغل ف صيدليات حتى ولو بارت تايم 3 او 4 ايام ف الأسبوع لحد ان شاء الله ما تتخرجي وتبدأي امتيازك وتبدأي تنزلي شيفتات برايفت
تم النشر الاثنين، ٤ أغسطس ٢٠٢٥
من الاخر اشتغلي لوحدك مش عند شركة عشان وقتك وابداي سوقي لنفسك في الحاجة اللي انتي شاطرة فيها عشان تعملي بيزنيس لوحدك
تم النشر الأحد، ٣ أغسطس ٢٠٢٥
لعرض السؤال في فدني اضغط هنا