السلام عليكم انا طالبة تانية ثانوي
في واحد واخد صوري و بيهددني بيها و دايما بيدخل يشتمني باسوء الالفاظ
و عايزني اكلمه و اقابله و انا مستحيل اعمل كدا
ارجوكم لو في يقدر يساعدني انا على الوضع ده من سنه و شهر و كلمت مامته و لا عملت حاجه الموضوع ده ماثر ليا و على دراستي و انا داخله على اهم سنه ف حياتي
و مش عايزه اهلي يعرفو ارجوكم لو حد يقدر يساعدني 💔
حضرتك اذهبي لاقرب مديرية الامن في المحافظة الخاصة بيكي وخدي الموبيل بتاعك اللي بيبعتلك علي الحساب الصور او الشتمية او طلب الفلوس وهتعملي البلاغ في مباحث تكنولوجيا المعلومات وهما هتعاملوا مع الموقف بكل ذوق واحتراف واطمني حقك هيرجع بسرية تامة وخدي اسكرين شوت واطبعيها وخديها معاكي ورقي علشان هيحتاجوها هناك وولي الموضوع لمحام . ومتخافيش ومفيش قصة ان اهلك ميعرفوش وكدة لا لازم يعرفوه اكيد او تتعاملي انتي مع محام يجبلك حقك ويكمل باقي الشكوي في النيابة والمبتز القذر ده هيتجاب اطمني وحقك هتخديه لكن هتخافي حقك هيضيع وهتدي فرصة للحيوان ده يبتزك اكتر ويتعبك اكتر بلاش تدخلي نفسك بصمتك عن حقك في المشكلة دي وخدي حقك زي ما شرحتلك كدة بالحرف واي استفسار تابعي معايا ع الواتس ومش هتاخر علي حضرتك من خلال صفحة فدني ..شكرا لحضرتك واطمني الموضوع بسيط وحقك هيرجع .
تم النشر الأحد، ٣١ مايو ٢٠٢٦
اعملي محضر في مباحث الانترنت ودا بيمون داخل مدرية الأمن التابعة لمحافظتك أو اتفقي معاه على معاد للمقابلة وخدي معاكي حد آمين من أهلك او اي شخص يقدر يواجه ويعرف يهدده بعدم التعرض لكي ولكن الافضل محضر المباحث لانه رادع قوي وربنا يحفظك
تم النشر الاثنين، ١ يونيو ٢٠٢٦
بصي يا بنت الحلال جمدي قلبك كده وماتخافيش خالص من الأشكال دي و دلوقتي حالا تديله بلوك من كل حتة وماترديش عليه ولا بكلمة واحدة لأن الواد ده جبان وبيتسلى بخوفك ومستحيل هيسيبك طول ما إنتي بتديله ريق حلو وبتناقشيه والمقابلة دي تنسيها تماما وماتفكريش فيها ثانية واحدة عشان الابتزاز ملوش آخر ومجاراته هتخليه يسوق فيها أكتر وبما إنك مش عايزة أهلك يعرفوا وانتي داخلة على سنة مهمة ومحتاجة ترويق بال فمن غير أي شوشرة خدي سكرين شوتس لكل التهديدات والشتايم دي عشان دي دليلك وروحي اعملي بلاغ في مباحث الإنترنت أو كلميهم على الرقم السريع ١٠٨ أو ..شوفي لو في اي رقم تاني ابحثي .. هما هناك بيتعاملوا بسرية تامة ومحدش هيعرف حاجة وهما هيجيبوه من قفاه ويربوه ومجرد ما هيشم خبر إنك بلغتي هيتنفض ويختفي ومستقبلك وثانويتك أهم بكتير من إنك تضيعي طاقتك وصحتك على واحد صايع فخدي الخطوة دي واقفلِي الصفحة دي خالص وركزي في مذكرتك.... بس ممكن اعرف اي نوعيه الصور دي.. لا اقصد شئ .. بس عشان افهم موقفك
تم النشر السبت، ٣٠ مايو ٢٠٢٦
وعليكم السلام، أنا آسفة جدًا إنك بتمري بكل ده، وأقدر إن الموضوع مؤثر عليكِ وعلى دراستكِ. أول حاجة: متكلميهوش ومتقابليهوش أبدًا ، ومترديش على أي رسالة. ده تهديد وابتزاز، وده جريمة. خطوات عملية دلوقتي: احفظي كل الرسائل والصور كدليل (سكرين شوت). بلوكيه من كل الحسابات، وغيري إعدادات الخصوصية. لو الصور خاصة، متشاركيهاش مع حد. روحي لقسم الشرطة أو وحدة الجرائم الإلكترونية (في مصر) وقدمي بلاغ بدون ما تذكري تفاصيل لأهلك لو مش عايزة. ممكن تعملي البلاغ أونلاين أو تروحي لوحدك. لو خايفة، كلمي مدرستكِ أو مستشارة نفسية في المدرسة سرًا. لو محتاجة دعم إضافي أو استشارة من خبراء، شوفي صفحة الخبراء على Fedni: https://www.fedni.net/experts ابحثي كمان عن أسئلة مشابهة في فدني عشان تلاقي نصائح أكتر. أنتِ مش لوحدكِ، وفي ناس تقدر تساعدكِ. خدي خطوة دلوقتي عشان تحمي نفسكِ. 💪
تم النشر السبت، ٣٠ مايو ٢٠٢٦
الصور دي جابها ازاي؟ وهل هي خاصه لدرجه انك تخافي منها؟ وهل اصلا اداكي دليل انو معاه صور؟ لانها حصلت مع حد اعرفه وطلع عيل اهبل معهوش حاجه وعمل فيها الهكر الجاحد بس طلع كفته
تم النشر السبت، ٣٠ مايو ٢٠٢٦
كلمي شرطة الإنترنت المصرية الرقم ده "108" هو كده كده جبان لو كان عاوز يعمل حاجة كان عملها من الأول بس إياكي توافقي على أي حاجة وعرفي أمك أبوكي ومتاخديش الموضوع لوحدك وهو اصلا ازاي جاب صورك أنتِ اللي بعتاها والشخص ده أنتِ تعرفيه ولا
تم النشر السبت، ٣٠ مايو ٢٠٢٦
كلمي شرطه الانترنت واوعك تقابليه وبلاش تبيني انك خايفه منه لأن كل ما يتأكد انك خايفه اكتر هيتمادى في ده ولازم تعرفي كلماتك أو باباكي
تم النشر الأحد، ٣١ مايو ٢٠٢٦
اول حاجة حتى لو غلطتي وبعتتي صورك فباب التوبة مفتوح .. ثاني حاجة متفكريش انك تستسلمي لأنك لو رحتي ممكن يستخدم قوته ضدك ويستغل جسدك و ممكن تحصل مصايب وتوصل للمحاكم .. ثالثا الحل صعب ولكن مفيش غيره وهو انك تعترفي لأهلك قبل ما الصور توصل لهم
تم النشر الأحد، ٣١ مايو ٢٠٢٦
اقفلي كل مداخله ليكي أي حاجه ممكن يتواصل معاكي ويهددك عن طريقها غيري أرقامك وكل حساباتك عالسوشيال ميديا اللي هو عارفها .
تم النشر الأحد، ٣١ مايو ٢٠٢٦
يارب تكوني بخير...عملتي اي
تم النشر الأحد، ٣١ مايو ٢٠٢٦
كلمي speak up
تم النشر الأحد، ٣١ مايو ٢٠٢٦
فيه بيدج ع الانستا اسمها speak up كلميهم وهما هيتصرفو معاه وف سريه تامه
تم النشر السبت، ٣٠ مايو ٢٠٢٦
لعرض السؤال في فدني اضغط هنا