السلام عليكم ورحمة الله وبركاته
أنا دلوقتي من ساعت ما دخلت أولى. ثانوي و أنا اتغيرت خالص ومبقتش أذاكر وكرهت إني أقعد وأفتح الكتاب وأذاكر ولو ذاكرت بذاكر عدد ساعات قليله جدا وبعد كدا بضيع وقتي في أي حاجه مش مفيده ومش عارفه أعمل إيه وحاسه المواد كلها بايظه معايا ومستوايا نزلللل خاااالص
رجاء حد يساعدني ونفسي أعمل جدول أذاكر عليه مش عارفه
نظمي وقتك بحيث تحطي كم مذاكره كل يوم بس يكون يعني مش اوڨر اوي ولا تافه اوي يكون كم معقول و متناميش غير لما تخلصيه حتى لو مش هتنامي خالص شرط اساسي تخلصيه و اعملي جدول يكون منسق و زي م فيه وقت مذاكره يكون فيه وقت راحه برضو انا في تانيه ثانوي و ماشي ب النظام دا و الحمدلله يعني و قبل كدا كله تصلي دا اساسي و بس كدا و الله المستان و ربنا يوفقك
تم النشر الأحد، ٣٠ نوفمبر ٢٠٢٥
دا هروب من المسؤليه وهى مستقبلك ساعات لما بنبقى مضغوطين وخايفين بنكسل وبنهرب حطى مستقبلك قدامه وعايزا تكونى ايه وعمرك ما هتوصلى للى انتى عايزاه الا بالسعى وتعملى اللى عليكى وسيبى الباقى على ربنا بس اعملى اللى عليكى لمستقبلك اللى هيحدد مستواكى الاجتماعى اللى هيحدد العريس لما يجى هنقوله الدكتوره ولا المهندسه ولا المدرسه ولا الاستاذه ولا ايه ولادك فالمدرسه هيقولوا ماما ايه اعملى اللى عليكى ووربنا صدقينى وكونى على يقين مش هيضيع مجهودك ربنا يوفقك ويكتبلك الخير كله
تم النشر الأحد، ٣٠ نوفمبر ٢٠٢٥
السلام عليكم ورحمه الله وبركاته حضرتك أنا بردو نفس المشكلة وعندي الحل وهو الجدول بصي بقى خطير أنا في تانية ثانوي أزهر أدبي بجد امتحانتنا قربت خالص يوم 20 / 12 ادعيلي بالله عليكي أنا على فكرة حاولت أنشره والجدول ده علشان ألم المتراكم اللي عليا.... والجدول كالتالي 1 هتجيبي ورقة 2 هتكتبي المواد اللي عندك 3 هتكتبي عدد الدروس لكل مادة عدد دروسها كلها وأو عدد الدروس اللي عايزة تخلصيها بس أنا عند نفسي حطيت عدد الدروس كلها 4 هتكتبي الأيابم المتبقية ليكي 5 هتقسمي عدد الدروس على عدد الأيام المتبقية مثال عشان أنا حاسة إن شرحي محتاج شرح 🥲 مادة النحو عدد الدروس 60 الأيام المتبقية 20. ..... 60÷20= 3. يعني 3 دروس نحو يومياً وهكذا مع كل المواد اللي عندك وتدعيلي بالله عليكي وربنا يوفقنا ويوفقكم جميعاً يارب العالمين 🤲💖🌷
تم النشر الجمعة، ٢٨ نوفمبر ٢٠٢٥
وعليكم السلام ورحمة الله وبركاته، أولًا طمّني قلبك: التغيير ده طبيعي جدًا لما تبدأي مرحلة جديدة. مش عيب إنك حاسة بالإحباط — المهم تشتغلي على خطوات صغيرة وثابتة. هقولك خطة عملية وسهلة تقدري تبدأي بيها وتطوريها مع الوقت. قبل أي حاجة — نوية وصبر - اجعلي نيتك أن طلب العلم عبادة ونية التحسين خطوة محببة لله ولمستقبلك. دا هيديك دافع داخلي متين. - كوني رقيقة مع نفسك: التقدّم بيبدأ بخطوات صغيرة مش قفزات كبيرة. أول خطوات عملية للبدء 1. ابدئي صغيرًا: حددي 10–15 دقيقة يوميًا أول أسبوع. لو انتهيتِ من الوقت وفاهمه كويس، زودي 5–10 دقايق. النجاح بييجي بالتدرج. 2. جهزي مكان ثابت للمذاكرة: طاولة منظمة، إضاءة كويسة، كل اللي تحتاجيه جنبك، والهاتف بعيد أو على وضعية عدم الإزعاج. 3. حطي قائمة بسيطة قبل كل جلسة: (مذاكرة درس محدد – حل مثالين – مراجعة 5 بطاقات). الهدف واضح ومحدود. طريقة تنظيم الوقت (نموذج يومي عملي) - بعد المدرسة: راحة قصيرة 20–30 دقيقة (أكل خفيف وشرب ماء). - 1st block (45–60 دقيقة): مادة صعبة أو اللي محتاجة تركيز + 10 دقائق مراجعة/تلخيص. - استراحة 10–15 دقيقة (مشي بسيط بالبيت، شرب ماء). - 2nd block (45 دقيقة): مادة تانية + حل تمارين عملية إن وُجدت. - واجبات المدرسة و مراجعة سريعة قبل النوم (15–20 دقيقة). نصايح تقسيم المواد (أولى ثانوي) - خصصي وقت أطول للمواد اللي فاتتك أو اللي محسوسه صعب. - كل أسبوع راجعي مادة لكل المواد حتى لو ساعة واحدة لكل مادة (مبدأ التكرار). - ركزي على الفهم العملي: حل أمثلة وتمارين، لأن الحفظ بس مش كفاية. طرق مذاكرة فعّالة - أسئلة واختبار ذاتي: اسألي نفسك أسئلة بعد كل جزء. الاختبار أفضل من إعادة القراءة. - كتابة ملخصات قصيرة وبطاقات (Flashcards) للمفاهيم والمصطلحات. - علّمي شخص تخيّلي أو فسري المعلومة بصوت عالي — الطريقة دي بتأكد فهمك. - حل امتحانات سابقة وإن شاء الله تراجعي الأخطاء وتعلمي منها. التعامل مع الكسل وفقدان الحماس - حددي هدف صغير يومي (مثلاً: "أفهم درس واحد وأحل أسئلة") وكافئي نفسك بعده (حاجة بسيطة تحبيها). - استخدمي مبدأ الالتزام الصغير: إنك تقولي لنفسك "هفتح الكتاب 10 دقايق" وغالبًا هتكمي بعد كده. - تابعي تقدمك: سجلي الأيام اللي ذاكرتي فيها — رؤية السجل بتعطي دافع للاستمرار. نظام النوم والأكل - خلي عندك نوم كافٍ (7–9 ساعات لو ممكن). العقل المرتاح يتعلم أسرع. - كلّي وجبات متوازنة واشربي ماء بانتظام — العقل محتاج طاقة. أنصحك أيضًا بالبحث عن أسئلة مشابهة على فدني لقراءة تجارب ونصائح بنات تانية. أنا معاكِ خطوة بخطوة، وما تقلقيش — التغيير محتاج وقت ومثابرة صغيرة كل يوم. بالتوفيق يا غالية، وادعي ربنا دايمًا ويكفيكِ التعب. — ذكية
تم النشر الجمعة، ٢٨ نوفمبر ٢٠٢٥
أولا وقبل اي حاجه طالما ده حصل معاكي يبي فيه ذنب لازم تتوبي منه فاولا لان كما قال الإمام الشافعي شكوت إلي وكيعا سوء حفظي فارشدني الي ترك المعاصي واخبرني بأن العلم نور ونور الله لا يهدي لعاصي. فتوبي الاول وحسني علاقتك بربنا وحفظه علي الصلاة وادعي وذاكري بعدها وربنا هيفتح عليكي من فضله ان شاءالله
تم النشر الأحد، ٣٠ نوفمبر ٢٠٢٥
نظمي وقتك مثلا الي خدتيه تعالي ذاكريه مثلا ذاكري ساعه وبريك نص ساعه ومتمسكيش الموبايل خاالص ف النص ساعه دي اعملي اي حاجه مشروب اي حاجه ومع كل مره مذاكره غ فترات بدل م تذاكري ساعه تبقي ساعه ونص وهكذا بقا وربنا يوفقنا جميعا
تم النشر الأحد، ٣٠ نوفمبر ٢٠٢٥
@Khaled Elsharif وازاي حضرتك اتوب من الذنب
تم النشر الاثنين، ١ ديسمبر ٢٠٢٥
لعرض السؤال في فدني اضغط هنا