بحس احيانا أن مشكلتي ملهاش حل .. انا بنت وبابا صعب اوي ف التعامل ديما شتيمة وزعيق مع ماما وديما كل حاجة لا ورأي هو اللي يمشي ومفيش تفاوض خالص واي احلام نفسي احققها مش بعرف خالص دافن كل احلامي ودافني انا شخصيا ف بيت زي السجن ديما مش بيحترم خصوصيتي وممكن ابقي قاعدة ف الاوضة ويدخل يرزع الباب فجاه يشوفني بعمل اي من غير مايخبط حتي وفاصل النت عليا ومانع النزول والكلام ف التليفون مع اني بعمل كل دة من وراه مع اني مش حابة كدة بس هو بيضطرني .. بقت توصل أن بتخنق لما بيكون ف البيت ومش بحب اعد معاه خالص ولغي حوار المناقشة بينا ف اي حاجة ولغي حبي من ناحيته بقسوتو علينا وبجد نفسيتي كل يوم ف النازل وبتعب جامد وحقيقي مش لاقية حل غير أن أمشي من البيت دة عشان اقدر اشوف حياتي صح
هو انا باجي لحد مشاكل الأهل و مبعرفش اقول ايه ،، بصي ي حبيبتي كل انسان مبتلى ف دنيته ب حاجة لو اتحملها يبقى عدى اختبار كبير من ربنا قادر يدخله الجنة بإذن الله قربي من ربنا دي اول حاجة مع الاقتناع ده و ادعيه كتير يفك البلاء ده اقري كتب دكتور محمد طه هو اتكلم عن الموضوع ده و هيديكي شوية شجاعة تواجهي جربي تتكلمي مرة و اتنين و تلاتة و اختاري الوقت ال يكون فيه أهدى شوية و فكريه بأوامر الله و إن ال بيعمله ده ميرضيش ربنا و لو في مجال تكلمي مامتك تديها الشجاعة تكلمه برضو و لو ينفع حد من قرايبكو يتدخل فالموضوع يعني اتشجعي و شوفي حل متسكتيش و حتى لو كل ده فشل كملي و إلى جانب ده خلي عندك برود و استقبلي كل ده باقتناع أنه بلاء و هيزول انتي معملتيش حاجة غلط هو ال غلطان و ربنا عالم ب ده دي اهم حاجة و بالنسبة لاحلامك ف انتي حقك تختاري طريقك لازم تعرفي ده و تواجهيه ع قد م تقدري عارفة أن ال بقوله صعب عليكي بس ان شاء الله تقدري و ربنا يهديه يارب و يرفع عنك البلاء ده
تم النشر الاثنين، ٢٤ يوليو ٢٠٢٣
كل الابهات والامهات كدا حاليا هما سبب عقد نفسية لعيالهم
تم النشر الاثنين، ٢٤ يوليو ٢٠٢٣
عندك كام سنة ؟ وايه الحاجات اللى بابا بيوفرهالك تعتبر حياة كريمة ليكى ؟ وايه الحاجات اللى نفسك تحققيها ومنعها؟
تم النشر الاثنين، ٢٤ يوليو ٢٠٢٣
• أنت شاب أم بنت ؟
تم النشر الخميس، ٢٥ يناير ٢٠٢٤
ايوا فعلا انت بحاول والله وكلها فترة وانزل ل دراستي تاني وكل حاجة تكون احسن أن شاء الله
تم النشر الاثنين، ٢٤ يوليو ٢٠٢٣
المشكله دي قعدت معايا فتره طويله كان والدي كده ودايما تحكم ف كل حاجه لحد واحده واحده بعدت عن البيت بس كان بسبب الدراسه وبعدها الامتياز والشغل قدرت اعتمد ع نفسي واقلل فترة وجودي ف البيت واحده واحده بدا هو يحس بان انسان مسئول م نفسه بالاضافه ان بقيت اقول لا ع حاجات كتير مش عجباني بغض النظر عن النتيجه ودلوقتي الوضع اتغير كمان والدي للاسف صحته اتدهورت كل اللي اقدر اقوله وممكن يفيدك اولا هو الصبرر والتحمل كل اللي انتي فيه مصيره ينتهي ثانيا فكرة انك تبعدي فكره كويسه سواء بدراسه او شغل الاهم تعرفي تعتمدي ع نفسك
تم النشر الاثنين، ٢٤ يوليو ٢٠٢٣
لعرض السؤال في فدني اضغط هنا