ازاي اقدر اكون العلاج والوقاية لطفل من كل المؤثرات اللي في حياته
ازاي امنع الكلمات السيئة في حقه انها تأثر عليه
زي ان والدته تقوله انها مش بتحبه او انها مش عايزاه او انها هتعمل فيه حاجه
حتى لو الكلام مش صح لكن هو صدقه وبقى خايف
ازاي احسسه بالامان حتى وانا مش معاه
ازاي اقويه نفسيا واخرج كل حاجه ليها تأثير سئ جواه
ازاي اقدر اعلمه يتعامل مع كل المؤثرات دي ويطرد الافكار الوحشة من دماغه وميتأثرش بيها
ازاي اساعده انه يكون بنفسية كويسة ومرتاحة
ويكون قوي بيا او من غيري
مع العلم ان لسه في الحضانة
وعلاقتي بيه قوية وبيحكيلي على اللي بيضايقه ومخاوفه حتى لو حد منعه انه يتكلم وبيلجأ ليا لما بيخاف وبيطلب مساعدتي
واوقات بيخاف يتكلم
ازاي اقدر اعمل كل ده في حدود علاقتي بيه
طبعا كل اللي بتقدميه من دعم للطفل ده كويس اوي، بس لو انتي بتقدمي الدعم من ناحيه ويروح البيت يلاقي اشياء ممكن تضايقه او تخوفه. يبقى كده كأننا مش بنعمل غير 20%. حاولي تعملي استعداء للاب والام وتتكلمي معاهم وترشحي لهم حالة الطفل كويس. وتفهميهم ان ايا ما كانت اللي بتعمله الام غلط، حتى لو كان مش حقيقي ومجرد تخويف علشان اي حاجه. الحل الجذري هناك في البيت وطبعا مع الدعم اللي انتي بتقدميه له.
تم النشر الأحد، ١٥ أكتوبر ٢٠٢٣
السلام عليكم ورحمة الله وبركاته شكرا لحضرتك ع المشاركة انك تكوني الأمان اللي ناقصه فدايرته الصغيره بحيث تديله مساحة الكلام والحوار والفضفضة بدون تشويه او تجريح فالطرف الآخر وتفهميه ان اكيد والدته لاتقصد اهانته بقصدقد يكون اسلوبها خاطئ او ده الاسلوب اللي اتربت بيه واتعودت عليه او تكون مريضه وتحت ضغط ولا تقدر التحكم في تربيتها للولد عقل الطفل وعاء للي عايشه ويسمعه ويشوفه زودي الكلام الحلو بمدح صفاته احساسه بالمسؤليه بأمور بسيطه علي قدر سنه العبوا لعب مفيده تزود ثقته بنفسه وازاي يعبر عن اللي جواه وازاي يقدر يوصف مشاعره واحساسه لاحظي بيتفرج علي ايه ووجيه بحيث يتفرج علي كرتون مفرح يعلمه خصال حسنه واخلاق وتعاملات في قصص مصورة متاحة فالمكتبات تعليميه وادعي ربنا يعينك تكوني أثر طيب في نفس هذا الطفل خليه يلاحظ الجمال من حوله في كل شيئ بيفرق فنفسية الاطفال الجري والخروج للطبيعه عموما ربنا يعينك ويرشدك للصالح
تم النشر الأحد، ١٥ أكتوبر ٢٠٢٣
لعرض السؤال في فدني اضغط هنا