بقيت اخاف من اى حد يدخل حياتى او يقرب منى مبقتش اصدق ان فى حد كويس وبيحب الخير لغيره لانى لقيت ان كل الناس اللى حوليا مصالح وكل واحد ليه غرض ولما بيحقق غرضه بيبعد ،البعد والفراق صعبين اوى و كفيلين انهم يدمرو الإنسان نفسياً وجسدياً ... هل كده انا غلط وشايفه اللى حوليا بمنظور خاطئ ولا الناس كده فعلاً 👈👉🖤.
والله المستعان
أكيد فيه ناس كل همهم المصلحة وأكيد كمان فيه ناس لسة عندهم إنسانية .. حاولي تعملي صداقات مع بنات في سنك تجتمعوا معا على هدف سامي أو نشاط خيري وهتلاقي إن شاء الله (الحب في الله) اللي رسولنا العظيم ﷺ أخب...
اكيد سبب الاحساس ده هى مواقف وحشة شوفتيها من ناس كنتى شايفاهم كويسين. انا كنت بحس زيك كده لما يحصلى موقف وحش من حد. الحقيقة ان اكتر حاجة بقت تلغى فكرة ان كل الناس وحشة دى ...هو حديث للرسول عليه افضل ا...
يحببتي كل ما فكرتي في ربنا وشفتيه في خطواتك وسعيتي وخدتي بالاسباب مش هيفرق معاكي مين فارق ومين باقي وعاملي دائما الي قدامك من باب التقرب لله والإحسان وسيبي بتاع مصلحته لمصلحته
ازيك، أتمنى تكوني بخير. إحنا رسائل ممكن نكون الاسوء وممكن نكون الأحسن. ولكن الأكيد أن مش الكل كده، ممكن نكون أشخاص كويسة عند الشخص ده، وممكن نكون أشخاص سيئة عند شخص تاني، ولكن مازلنا نفس الشخص. والأكي...
الناس منها الحلو والوحش اتعملي بضميرك انتي وشخصيتك انتي ملكيش دعوة بيهم لو باعوا متوقفيش حياتك وعلطول قولي (واصرف عني شر ما قضيت )ونصيحة مني ما تندميش علي اي حاجة قدمتيها لأي انسان مهما كان خبيث ❤
تابعى اجابات اكتر على جروب الفيس بوك https://www.facebook.com/groups/fedni.group/permalink/836506094290929/?mibextid=Nif5oz
كده و مش كده في نفس الوقت ، كل اللي انت محتاجه انك تغير الدائرة بتاعة أصدقائك او معارفك او زمايلك لازم تبقي انسان انتقائي يعني ليك معايير في الشخصية اللي هتعتبرها صديق ثانيا مهم جدا أن اي انسان يحافظ علي حدود مع أي طرف اخر و في نفس الوقت بلاش تتعري نفسيا قدام اي حد و تحكي له أدق تفاصيل حياتك .
عندك حق اغلب الناس بقو كدا مع مصلحتهم وانت باين عليك عاطفيه وتتعلق باللى حواليك وهى دى مشكله الناس العاطفيه زى اناوانت لكن المفروض نعامل ناس على انهم ف اى وقت ممكن يمشو لاى سبب وخاصه الموت ...مع الوقت هتلاقى صديقه او صديق يتمسك بيكى ويخاف تسيبه انت
في الحقيقة المعارف عبارة عن مصالح خصوصا في هذه المرحلة من حياتك انتي بس حساسة شوية وبتتعشمي زيادة عن اللزوم ومش عيب ان الناس بتدور علي مصلحتها وانتي برضو تعملي كده
لا يا بنتى الناس كلها مش زى بعضها لسه الدنيا بخير بس متديش ثقه لحد وخلى إيمانك فى ربنا كبير
نسبة كبيرة من الناس بقت كدة للاسف لذلك بنصادف منهم كتير في حياتنا لكن الكويسين موجودين وهتلاقيهم بس متفقدش الامل في ربنا ومتتعقدش بسبب النماذج السيئة اللي قابلتك وخليك حذر
لعرض السؤال في فدني اضغط هنا