انا تالته ثانوى وبراكم كتير كدا بجد يمكن مذاكرتش غير حاجات بسيطه فى المنهج وبجد حاسه انى على طول مش قادره اذاكر وبتعب بسرعه وبخلص حاجات قليله فى وقت كبير مع إني كنت بادئة السنه بشغف وعايزه اطلع من الأوائل علمى علوم بس كل حاجه باظت وبقينا خلاص فى شهر اتنين تنصحوني أأجل السنه ومدخلش الامتحانات السنه دى ولا اي الحل
أستعيني بالله حافظي ع الصلوات والورد نامي كويس والصحي الفجر شوفي فديوهات تحفيز انا بعمل كدة بيفدني جدا ابدأ بحجات بسيطة لو فاقدة الشغف اعملي لنفسك مكفأة حاولي تكوني مبسوطة وانتي بتذاكري واكبر حاجة هتفرق معاكي اقرأء صفحة من القرآن قبل ما تذاكري وخلي البريد بتاعك صفحات القران يعني مثلا بين المادة كذا وكذا هاخد ربع ساعة راحة واقراء ١٠ صفحه هكذا
تم النشر الاثنين، ٢ فبراير ٢٠٢٦
لا يحبيبتي تضيعي سنة كاملة من عُمرك عشان مراكمة مواد شهرين مثلا ؟ عادي جدا انك تقعي وتفقدي الشغف شوية بس ترجعي احسن من الاول ، حاولي تفكري نفسك انتِ هنا ليه وبتعملي أي وبتذاكري عشان تكوني أي ، دايما حلمك يكون قدام عيونك عشان تفتكري كل ما تفقدي الشغف استعيني بالله وابدأي من غير فون ومشتتات، بالله عليكِ نصيحة من اختك الكبيرة احدفي الموبايل بعيد عنك دا مستقبلك وحياتك ، مستقبلك يستاهل انك تقفلي سوشيال الكم شهر الجايين متخافيش مفيش حاجة هتفوتك بس لو قررتي تفضلي مكملة في اللي بتفكري فيه حياتك كلها هتفوتك والناس كلها هتنجح وهتعيش حياتها وانتِ هتفضلي بتتفرجي عليهم بس، مع انك لو بتحاولي بجد من غير لِعب هتبقي انجح منهم كمان، جربي مرة واتنين وتلاتة انتِ شطورة وانا واثقة فيكِ انتِ قدها والله وبإذن الله ربنا هييسر لك الصعب ويوفقك وتكوني من الاوائل كمان ♥️
تم النشر الجمعة، ٣٠ يناير ٢٠٢٦
يا حبيبتي، أنا ذكية، وأنا فاهمة تماماً اللي بتمرّي بيه.. ثالثة ثانوي علمي علوم ضغط رهيب، والتراكم ده بيحسس الواحد إنه مش قادر، بس صدقيني، الوقت المتبقي كاف جدا لو ركّزتِ صح ، ومش هتأجّلي السنة دي أبداً! التأجيل هيزوّد التراكم أكتر ويضيّع الشغف اللي كان عندك. خلّيكِ مصرّة، ربنا معاكِ وهييسر لكِ إن شاء الله. الحل العملي خطوة بخطوة (ابدئي النهارده): قسّمي المنهج : خدي ورقة واكتبي كل المواد، وركّزي على الـ80% اللي بيجي في الامتحانات (النقاط الرئيسية والأسئلة المتكررة). مثلاً، في الكيميا والفيزياء، ركّزي على التمارين والقوانين الأساسية. استخدمي كتب التلخيص أو فيديوهات الدروس القصيرة (زي يوتيوب قنوات مصرية موثوقة). جدول يومي واقعي : 4-5 ساعة يومياً مقسّمة (ساعة مادة + 10 دقايق راحة). ابدئي بالأسهل عشان تشعري بالإنجاز (مثل الرياضيات البسيطة). نامي 7-8 ساعات، كلي وجبات خفيفة مغذية (فواكه، مكسرات)، وصلّي الفرائض في وقتها عشان ترتاحي نفسياً. لو بتتعبي بسرعة : غيّري مكان المذاكرة كل ساعة (غرفة تانية أو مكتبة). بعد كل جلسة، امشي 5 دقايق أو اقرئي قرآن. لو التعب جسدي، اشربي مية كتير وكُلِي منتظم. حرّكي الشغف تاني : افتكري هدفك (الأوائل والكلية اللي عايزاها)، واكتبيه قدامك. كل يوم نهاية اليوم، احتفلي بإنجاز صغير (شوكولاتة صغيرة مثلاً 😊). أنتِ قوية وقادرة، بس السر في الاستمرار اليومي الصغير. لو عايزة جدول مفصّل أو نصائح لمادة معيّنة، قوليلي! وابحثي في فدني عن أسئلة مشابهة هتلاقي إجابات كتير من خبراء، أو شوفي صفحة الخبراء هنا: https://www.fedni.net/experts عشان استشارة دراسية. توكّلي على الله، وهتنجحي إن شاء الله! 💪❤️
تم النشر الجمعة، ٣٠ يناير ٢٠٢٦
لسه قدامك وقت كويس جدا تقدرى تعوضى ال فاتت أسوأ قرار ممكن تاخديه انك تأجيلي السنة فكره انك علطول حاسه بالتعب او مش عاوزه تذاكري ده مش تعب ده هروب مخك بيهرب من المذاكره استعيني بالله اعملى جدول شوفى خلصتي ايه وايه متراكم ايه لسه جديد فأظبطه اول بأول توكلي على الله بلاش افكار سلبية او تسيبى الشيطان يوسوسلك ان خلاص الوقت عدى وانى ضيعت كتير والكلام ده لا هدى نفسك و حددى كم معين تذاكريه كل يوم و نظمى وقتك و التزمى فى الصلاه و ربنا يوفقك
تم النشر الأحد، ١ فبراير ٢٠٢٦
إلى حدٍ ما متشابهين لو ماعندكيش مشكله نتواصل تيليجرام ونبدأ ترم تاني بحماس ومراجعات وحل كتير عاللي فات ابعتي رقمك وهتواصل معاكي ، أنا هبدأ منهج الترم التاني بإذن الله بداية شهر اتنين وناويه أبدأه بداية كويسه بإذن الله ولو معايا رفيقه الموضوع هيبقى أجمل وأسهل
تم النشر الجمعة، ٣٠ يناير ٢٠٢٦
انا باخد عربى وانجليش اونلاين ولسه نازله كيمياء سنتر من قريب ،، احياء وفيزياء وكيمياء:اربع أبواب. انجليش:لحد يونت٧. عربى: منهج ترم اول خلص. جيولوجيا:اول فصلين
تم النشر الجمعة، ٣٠ يناير ٢٠٢٦
هحاول والله وباذن الله خير يارب انا قولت اسأل ليكون فيه حد كان مكانى وندم انه معدش السنه،،،، وياريت يامنه نتواصل مع بعض تيلجرام معنديش اى مشكله نشجع بعض ونلم المتراكمة سوا
تم النشر السبت، ٣١ يناير ٢٠٢٦
السلام عليكم طب ما انتي سابقه في المنهج اهوه اللهم بارك مش انتي بتعرفي تحلي وعارفه بيتكلموا عن ايه فيه شبهك لسه في الباب التاني فيزياء والله والتزم الأول عربي ولسه بيراجعوه يعني انتي لسه قدامك فرصه اكتر منهم كمان فـ حاولي
تم النشر السبت، ٣١ يناير ٢٠٢٦
بس قوليلي إنتي في كل ماده أخدتي كام فصل أو باب ودروسك أونلاين ولا سنتر
تم النشر الجمعة، ٣٠ يناير ٢٠٢٦
لسه في فرصه
تم النشر الجمعة، ٣٠ يناير ٢٠٢٦
لعرض السؤال في فدني اضغط هنا