كيف أنجح في المذاكرة بجدية وانتظام للثانوية العامة؟

حد يقولي نصيحه من خبرته

دلوقتي انا ف ثانويه عامه من ساعة ما دخلتها وانا اكتشفت ان الموضوع صعب جدا الدروس كبيره اوي ولو فهمتها مبعرفش احل بحاول احل كتير واصحح بالذات ف المواد العلميه وبذاكر و ف الاخر بجيب درجات وحشه

جابتلي احباط فبقيت بذاكر يا دوبك عشان انجح و خلاص ودلوقتي عدى شهرين يعتبر وانا مراكمه حاجات كتير اوي ومش عارفه المها ازاي ولا حتى عارفه انظم وقتي مذاكرتي كلها بتبقي بمنتهى العشوائيه وكمان بضيع الوقت جدا وخايفه ف الاخر بعد كل المصاريف دي أخذل اهلي و فنفس الوقت حاسه اني معنديش الطاقه الكافيه يا ريت لو حد عنده اي نصيحه ليا يقولها هكون شاكره جدا ليه

سؤال من احد أعضاء فدني

تم النشر الأحد، ١٤ سبتمبر ٢٠٢٥

2 إجابة

شوفي هو طبيعي إنك تلاقي نفسك بتاخدي وقت طويل فِ حل المسائل مثلا،او إنك تكوني بتغلطي ده طبيعي المهم إنك تتعلمِي من الغلط ده وأنا غلطت فِ السؤال ده بسبب الفكرة دي لازم أخد بالي منها بعدين وهتلاقي الحل الكتير بيفتحلك دماغِك تمام كده دي حاجة. الحاجة التانية وهي بخصوص نُقطة التراكمات شوفي إنتي مش هينفع تفضلي تقولي انا ضيعب وقت والمنهج جري و الكلام ده، لاء لازم تاخدي فعل علطول إنك تغيري الوضع ده،حتى لو بالقُليل ومتقلقيش انا عايزه اطمنك إن المُدرسين هتلاقيهم بيراجعو المنهج مرة كمان زياده عشان المعلومات تتثبت وهكذا خلاص. كُل اللّي أقدر اقولهولك حاولي إنك تعملي وتشدي وده فِ أي حاجة بنعملها عموما عشـان نفسك دي أمانة ربنا مأمنك عليها و كون إن ربنا حطك فِ مكان فَ هو عالم إنك قد مسؤلية المكان ده مثال كونك طالبة هو عالم انك قد إنك تقومي بمسؤلياتك كـ طالبة فهماني، وده عموما ف أي حاجة فِ حياتك،وهكذا فهماني ربّ يصلحلك حالك و بالتوفيق.

تم النشر الأربعاء، ١٧ سبتمبر ٢٠٢٥


مرحبًا بكِ، أنا ذكية، وأفهم تمامًا ما تمرين به الآن. الثانوية العامة مرحلة ضخمة وتحتاج صبر وتنظيم، والمشاعر اللي بتحسي بيها طبيعية جداً، خاصة مع كمية المواد وصعوبتها والضغط اللي بتحسي بيه. خليني أساعدك بنصائح عملية تساعدك تستعيدي طاقتك وتنظمي وقتك بشكل أفضل: قسمي المواد والمهام ما تحاوليش تذاكري كل حاجة مرة واحدة. قسمي يومك أو أسبوعك لمواد مختلفة بحيث تذاكري كل يوم مادة بشكل مركز. دا بيساعد دماغك يرتاح ويستوعب أكتر. اعملي جدول مذاكرة منظم اكتب جدول صغير بسيط في ورقة أو على موبايلك يتضمن أوقات محددة لكل مادة، ومهم جداً تلتزمي به على قد ما تقدرِ. التنظيم هنا هو المفتاح لتقليل التشتت. التركيز على الفهم وليس الحفظ فقط بدل ما تكرري تحللي مسائل كتير بدون فهم، حاولي تركزين على الفهم الحقيقي للدروس. اسألي نفسك: "ليه اتعملت كده؟" و"كيف أقدر أطبق ده؟" خلي عندك وقت للراحة والنشاطات البسيطة خدي استراحات قصيرة بين فترات المذاكرة (5-10 دقايق) عشان دماغك ما يتعبش، وممكن تمشي شوية في البيت أو تشربي ميّة، الحركة البسيطة تنشط الدم. ثقي في نفسك وحاولي تذكري إن الجميع بيواجهوا صعوبات مش لازم تكوني مثال للكمال، النجاح مش بس درجات، النجاح في المرحلة دي إنك تبذلي مجهود وتنتهي منها بصحة نفسية جيدة. تعاملي مع الضغط بخطوات صغيرة لما تحسي بالإحباط، ذكري نفسك دايمًا بالأهداف اللي بتسعي لها، واهتمي بنقاط قوتك بدل ما تركزي على الفشل أو الدرجات. اطلبي المساعدة من معلمين أو خبراء لو فيه نقاط مش واضحة، ممكن تستفيدي من خبراء في المواد العلمية، وممكن تلاقي كذا مدرس ممتاز على منصة فدني يساعدوكي بفهم المادة بطريقة أسهل. أنا هنا معك، وممكن تسألي أي أسئلة أو تطلبي مساعدة في تنظيم جدول المذاكرة أو طرق المذاكرة. ودايمًا افتكري إنك مش لوحدك في دا المشوار وأن الله مع الصابرين والمجتهدين. هل تحبي أساعدك أجهزلك جدول بسيط للمذاكرة؟ أو يكون عندك خطوات توضيحية أكثر لكيفية حل مسائل المواد العلمية؟

تم النشر الأحد، ١٤ سبتمبر ٢٠٢٥

5 تعليق

مهم جدا ان شاء الله هايفيدك

تم النشر الاثنين، ١٥ سبتمبر ٢٠٢٥


ادخلي ع صفحتي كنت مجاوب على موضوع الثانوية دا بالتفصيل الممل

تم النشر الاثنين، ١٥ سبتمبر ٢٠٢٥


+حاجه فرقت معايا جدا اني كنت بسمع نصايح الاكبر مني زي بلاي لست ابو زيد عن الثانوية ،سمعت معظمها في اول شهر وفرغتها في كشكول وطبقت معظمها حتي البرومودور😁 وفيديوهات الاكبر مني بسنه وازاي نجحوا ،كانت اي حاجه بتعطل قدامي اكتب علي اليوتيوب واشوف واحد والتاني متكلمين عنها وربك بيفرجها ،+لازم يكون معاك تطبيقات بتحد من استخدامك للتيلفون هتفرق معاك جدا وربنا يصلح حالك ويوفقك

تم النشر الجمعة، ١٩ سبتمبر ٢٠٢٥


تجربه شخصيه ... بدات دروس في شهر ٨ وكنت بروح من الساعة ٧ الصبح اخلص علي ١ او ٢ واروح البيت كنت بنام بصحي احيانا بذاكر واحيانا لا وعدي شهر كامل وانا بحل الواجب مره وافوته مره فقلت طب ما اسمع دروس ع النت ،جربت مدرس ع اليوتيوب ولقيت نفس فاهم وميه الميه وجربت في معظم المواد لحد ما شفت بديل لكل مدرس كنت برحله علي الارض كملت شهر كمان اوفلاين لحد شهر ١٠ في اوله ، خد قرار مش هنزل معظم الدروس وهكمل اونلاين قابلت رفض من الاهل لحد ما اقنعتهم واقتنعوا الحمد لله ،كملت اونلاين في معظم الدروس كنت محدد لنفسي مواعيد زي مواعيد السنتر كدا ٣ حصص في الاسبوع لكل ماده وعامل منبه وملتزم بنسبة حلوه بس مش اوي علشان اكون صريح😅 ، الموضوع دا وفر علي وقت وجهد والاهم منهم اني كنت بفهم الي بسمعه ولو مفهمتش بسمع غيره يعني كنت متذكر بسمع فيزيا مدرسين لاي درس والرياضه بردو ومعظم الدروس وهتلاقي وقت تسمع واحد و ٢ واكتر كمان بس اهم حاجه تجرب قبل ما تسيب الاوف لاين شهر كامل تعرف هتمشي دنيتك ازاي وربنا يوفقك ويصلح حالك

تم النشر الجمعة، ١٩ سبتمبر ٢٠٢٥


https://youtu.be/D7vJZxfWYFo?si=_SBgNkheKABYy6c5

تم النشر الاثنين، ١٥ سبتمبر ٢٠٢٥

لعرض السؤال في فدني اضغط هنا

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك