سلام عليكم
منتظمه الحمدلله ف الصلاه بس بقالي فتره بصلي و بسجد من غير خشوع و لا بصلي بقلبي بصلي كأنه روتين يومي و حاجه حفظاها و بعملها علشان فرض في حل للموضوع ده و اني ارجع اصلي بقلبي و بخشوع؟ مش عارفه السن هيفرق ولا لا بس انا 22 سنه
اكيد في حل يا جميله وبالمناسبه احيانا دا بيكون اختبار من ربنا هل بتصلي لمجرد الروحانيه الجميله ولا في سبيل إرضاء اللّه بل ولما تجاهدي في الطاعه انك تعمليها بأحسن شكل برغم ثقلها عليكي بتاخدي اجر كبير بإذن اللّه . بصي اول حاجه التركيز والبعد شويه عن الفون لانه بيشتت عن كل حاجه وكمان استشعار عظمة الموقف من اول وانتي رايحه تتوضي تقولي انا دلوقت هقابل ملك الملوك وتحسني وضوئك بتمهل ، اول م تقولي اللّه أكبر تقولي جواكي بااااس الله اكبر من اى حاجه هفكر فيها بل كل حاجه عيزاها اطلب دلوقتي فرصه كبيره اوي لان الدعاء والإلحاح فيه بيحسسك بلذه وانك عايزه تصلي تاني وتستشعري وتحاولي تفهمي معنى كل كلمه بتقوليها وتبحثي عن معنى الحركات ، وبرضو تغيير السور دا بيساعد في التركيز ولو مش حافظه كتير وبتصلي نافله امسكي المصحف واقرأي منه . واعملي تحدي لطيف وانتي داخله تصلي تقولي بعد الصلاة هذكر نفسي صليت بسورة اي ودعيت بإيه دا هيخليكي تنتبهي اكتر . ولو في زلات ومعاصي ودا طبيعي عندنا كلنا تستغفري علطول وتتوبي وتذكري اللّه . ربنا يرزقك لذة طاعته يارب .🥀
تم النشر الثلاثاء، ٣٠ يونيو ٢٠٢٦
وعليكم السلام ورحمة الله وبركاته احفظي سور جديده واقرأيها وانتي بتصلي هيزيد معاكي الخشوع واول م تبداي تصلي اقفي دقيقتين كدا شوفي انتي بتصلي لمين انتي بتصلي لربنا ينفع تصلي لربنا وانتي بالك مشوش اكيد لا فحاولي تجاهدي نفسي وتتدبري القران وانتي بتصلي وادعي دايما ربنا يرزقك الخشوع
تم النشر الخميس، ٢ يوليو ٢٠٢٦
وعليكم السلام ورحمة الله وبركاته يا مريم 🌸 اللي بتمرّي بيه ده شائع جدًا، ومش معناه إن صلاتك باطلة أو إنك مش ملتزمة. الصلاة المنتظمة نفسها نعمة كبيرة، والشعور إنها بقت روتين يعني إن قلبك لسه بيطلب أكتر، وده أمر إيجابي. الخشوع مش هيجي فجأة، لكنه بيُبنى تدريجيًا بخطوات عملية. جربي الخطوات دي: قبل ما تقومي للصلاة، خذي ١٠ ثواني تقولي فيها: "اللهم إني أقوم بين يديك". هذه النية البسيطة بتغير الجو النفسي. ركزي على معنى الآيات والأذكار اللي بتقوليها، حتى لو آية واحدة في كل ركعة. مثلاً لما تقولي "الحمد لله رب العالمين"، توقفي لحظة وتخيلي معناها. أبطئي الحركات شوية، وخلّي بين كل تسبيحة وتانية مسافة قصيرة. السرعة بتقلل التركيز. ادعي الله قبل الصلاة وبعدها إنه يرزقك الخشوع، قولي مثلًا: "اللهم أعني على ذكرك وشكرك وحسن عبادتك". لو فيه أفكار بتشتتك، ما تحاربيهاش، بس لما تيجي قولي لنفسك "مش دلوقتي" وارجعي للصلاة. ابدئي بخطوة واحدة بس كل أسبوع عشان ما تحسيش بالضغط. الخشوع بيرجع لما القلب يحس إن الصلاة لقاء مع الله مش مجرد واجب. أنتِ قادرة ترجعي تصلي بقلبك، وكل ما تحاولي هتتحسني تدريجيًا. لو عايزة تتكلمي أكتر عن اللي بيحصل معاكِ، أنا هنا.
تم النشر الأحد، ٢٨ يونيو ٢٠٢٦
ربنا يوفقك يا جميله 🥰 بس متقلقيش فتره فتور وتخلص ولما تحسي بكدا اسمعي بودكاست عن حب الصلاه وازاي تبقي قره عينك في الصلاه هتحسي انك عندك طاقه وهمه وهتستني الصلاه الجايه عشان تطبقي اللي سمعتيه وهيبقي شعور جميل اوي حتي لو هتسمعي فيديو قبل كل صلاه
تم النشر الثلاثاء، ٣٠ يونيو ٢٠٢٦
مستنى ردك بعد ما تسمعيه ان شاء الله
تم النشر الاثنين، ٢٩ يونيو ٢٠٢٦
ممكن تسمعى للدكتور احمد عربى سلسلة العبادات خصوصا الكلام عن الصلاة مهم جدا ومفيد
تم النشر الاثنين، ٢٩ يونيو ٢٠٢٦
ليس بيدك شيء صلي واستعن بالله وافعل الطاعات ولا تستجيب لوساوس الشيطان الخبيثة هذه.
تم النشر الاثنين، ٢٩ يونيو ٢٠٢٦
مممكن تسمعي شيخ محمد الغليظ او امجد سمير ودا ممكن يكون مثلا من الشيطان ف انتي اتفلي علي يسارك تلات مرات وفولي أعوذ بالله من الشيطان الرجيم قبل الصلاه وحاولي متفكريش في حاجة وركزي انك قدام ربنا
تم النشر الخميس، ٢ يوليو ٢٠٢٦
مش كل صلاه نفس الايه او نفس السورة غيري السورة او الايه في كل صلاه عشان هيكون شيء جديد علي العقل فبالتالي هتركزي في الصلاه
تم النشر الخميس، ٢ يوليو ٢٠٢٦
ممكن تحفظي سور اكتر
تم النشر الأربعاء، ١ يوليو ٢٠٢٦
انا وقتي كله شغل و دراسه اصلا حرفيا معنديش وقت اكل حتي و بحمد ربنا ع كل حاجه طبعا لان ربنا معيشنا في نعم لا حدود لها اقلها الستر و الصحه و كل حاجه
تم النشر الثلاثاء، ٣٠ يونيو ٢٠٢٦
بصي هي تعقيب علي كومنت ليكي... نقطه لا يوجد معاصي وبقرأ قرآن الحمدلله يوميا ... طبعا ربنا يكرمك ويثبتك بس متحسبيش أن مفيش معاصي لان كلنا عندنا ذنوب فلازم يوميا نستغفر عنها .. منها اقل حاجه ضياع الوقت وقله الحمد عالنعم وذكرها دي حاجات للاسف بتأثر علي يومنا وحياتنا .... بالنسبه للصلاه غيري السور اللي بتصلي بيها .. احفظي جزء جديد من القرآن حتي لو نص صفحه وانتي بتصلي هتلاقي نفسك ركزتي جدا عشان تقرايه صح وحاولي وانتي بتحفظي وتصلي تفهمي معني الكلام اللي بتقوليه هتلاقي أن روتين الصلاه اتكسر وبقا في حاجه جديده
تم النشر الثلاثاء، ٣٠ يونيو ٢٠٢٦
مش لازم الخشوع في الصلاة ! يكفي انك بتقضيها و محافظ عليها ، ربنا مكلفناش نخشع في الصلاة ، امرنا بس نحافظ عليها .
تم النشر الثلاثاء، ٣٠ يونيو ٢٠٢٦
هسمعه
تم النشر الاثنين، ٢٩ يونيو ٢٠٢٦
بقرأ من سوره البقره
تم النشر الأحد، ٢٨ يونيو ٢٠٢٦
بلاش قراءة قصار السور اللى متعودة عليها وحفظاها .. خليكى فى السور والآيات الحفظ الجديد هتلاقيكى بتركزى عشان تقرأى صح هيقلل مشكلتك دى جداً ..
تم النشر الأحد، ٢٨ يونيو ٢٠٢٦
لا يوجد معاصي و بقرأ قرآن الحمدلله يومياً
تم النشر الأحد، ٢٨ يونيو ٢٠٢٦
البعد عن المعاصي
تم النشر الأحد، ٢٨ يونيو ٢٠٢٦
لعرض السؤال في فدني اضغط هنا