اهلاً يا جماعة (:
هندخل في الموضوع على طول، انا دفعة ثانوية عامة 2024
خلصت و دخلت كلية مش بحبها و مجموعي كان 67٪، المهم اني عايزة حل يخليني اعيد ثانوية عامة تاني او أي شهادة تعادلها عشان يبقى متاح ليا كليات كويسة مرة تانية. و يكون مش شرط فيها السن لاني من مواليد 2006 ف هبقى اكبر من أي دفعة ادخلها اكيد. ف لو حد عنده أي معلومة يقدر يفيدني بيها اكون شاكرة جداً ليه.
السلام عليكم، كنت قرأت إن ممكن بس بيبقى منازل. ممكن تشوفي السؤالين دول على فدني عن نفس الموضوع إن شاء الله يفيدوك وانتظري برضه إن شاء الله الأعضاء يجاوبوا بنصائح أو معلومات تانية. بالتوفيق. https://www.fedni.net/q/10864658/هل-أعيد-الثانوية-العامة-لأحقق-حلمي https://www.fedni.net/q/96288047/هل-يمكن-إعادة-الثانوية-العامة-بعد
تم النشر الخميس، ٩ أبريل ٢٠٢٦
انا زيك برضو بس جبت 50% معهد تمريض دا بياخد من كام اصلا انا في معهد علوم ادريه شعبة نظم بس حاسه مافيش مستقبل
تم النشر الأحد، ١٢ أبريل ٢٠٢٦
يعنى انتى معهدك كويس يعنى مجال كويس جدا كتير جدا بيتمنوه وفيه مستقبل كويس بس اللى فهمته منك انك عايزه حاجة تبذلى فيها مجهود وتحبيها لو انتى قصدك ك مجال تحبيه وتشتغلى فيه وكدا ف مفيش حد فى المجتمع بتاعنا بيحب مجاله لكن انتى ممكن تعملى حاجة كويسة جدا طالما مفييش مجهود والمذاكرة قبل الإمتحان بس ممكن تتعلمى حاجة تانية ممكن ثقافيه دينيه أو حتى مجال مثلا تشوفى نفسك لو تحبى فكرتك الجرافيك ديزاين محتاجة مجهوده وتنفع ك مجال ... أو مثلا كاتبة محتوى محتاجة مجهود و مجال عمل برضة .. برمجة بقى مونتير كل الحاجات ديه محتاجة مجهود وممكن تنفع مجال شغل .... أو ممكن توجهى طاقتك ومجهودك فى كورس ثقافى مثلا علم النفس وليكن وتدوسى فى المجال أو مثلا تسعى انك تاخدى إجازة فى القرآن مثلا حاجات كتير فاهمانى
تم النشر السبت، ١١ أبريل ٢٠٢٦
معهد تمريض و مش بذاكر حاجة، اه تقديراتي كويسة بجيب جيد جداً كل ترم بس انا مبفتحش كتاب غير ليلة الامتحان ببصمج يعني. ف انا مش حابة افضل كدا و عايزة حاجة احبها و ابذل فيها مجهود بدل ما انا حاسة ان اخر تعليمي كان ثانوية عامة.
تم النشر السبت، ١١ أبريل ٢٠٢٦
طب انتى عاملة إيه فى الكلية اللى انتى فيها دلوقتى ؟.... هو بصى الثانوية ديه حلم ل ناس كتير ولو كانت ينفع تتعاد كان الدنيا بحالها عادتها فاهمانى بس هى أرزاق ونصيب وكان فيه زمان حاجة اسمها تحسين كان والدى ربى يبارك فيه عاملها بس اتلغت دلوقتى وأى شهادة مكافئه بتبقى بالدولار يعنى أرقام مرعبة .... بس أنا ممكن أقولك فيه مجالات كتير أووى مش مرتبطة ب ثانوية ولا شهايد خصوصا فى العصر اللى احنا فيه دلوقتى بس انتى لية كارهة كليتك ؟
تم النشر الجمعة، ١٠ أبريل ٢٠٢٦
كلهم
تم النشر الجمعة، ١٠ أبريل ٢٠٢٦
أيا كان مش فكرة معهد أو كلية قوليلى طيب إيه هيا وعاملة فيها إيه
تم النشر الجمعة، ١٠ أبريل ٢٠٢٦
قولي ايه المجالات اللي بتتكلم عنها
تم النشر الجمعة، ١٠ أبريل ٢٠٢٦
هي معهد مش كلية
تم النشر الجمعة، ١٠ أبريل ٢٠٢٦
هل الكليات كل الكليات اللى كانت متاحة ل مجموعك مكانتش عاجباكى ولا الكلية اللى انتى دخلتيها
تم النشر الجمعة، ١٠ أبريل ٢٠٢٦
لعرض السؤال في فدني اضغط هنا