أنا اول واحده ادخل للعيله ثانويه عامه ومرعوبه خايفه مجبش مجموع ومش عارفه ازاى اذاكرها اعطينى نصايح اذاكر ازاى ثانويه عامه سنه تالته
حاولي تركزي لأنها سنة مهمة هي مش آخر الدنيا بس مهمة وحاولي تعملي توازن بين حياتك والمذاكرة ودا هيحصل بحاجة واحدة بس هي التنظيم وأحسن جدول ممكن تمشي عليه إنك تصحي قبل الفجر بحاجة بسيطة وبعد الصلاة تذاكري لحد الضهر مثلا وبعدها تقدري تعيشي حياتك عادي ربنا يوفقك ويحققلك أمانيكي
تم النشر الثلاثاء، ٢٩ يوليو ٢٠٢٥
أنا شخص لسة مخلص ثانوية عامة واللي أقدر أقولهولك أمشي ورا المدرسين اللي بتاخد معاهم خطوة خطوة وركز أوي أوي عالنصيحة دي ثانيا لو بتفكر في الاونلاين فحاول تستخير ربنا وتراجع نفسك كتير أوي لإنه قرار مش سهل حاول على قد ما تقدر تجرب اول شهر أو شهرين بالكتير أوي يعني ولو استحكمت الظروف إنك تاخده خلي حد من البيت يكون شديد أوي إنه يمسكلك جدول تمشي بيه بالحذافير السنة مش صعبة بس ركز أوي عالوقت واليوم بيفرق بجد متشيلش نفسك فوق طاقتها وحاجة مهمة أوي الفترة اللي لاقدر الله وقعت أو راكمت فيها إمشي واحدة واحدة بمعني خد حصة من القديم مع الجديد متديش نفسك مهام كتير في نفس اليوم أو في الأسبوع وتقول هخلصها حتى لو هذاكر ٢٠ ساعة في اليوم لا ابدأ واحدة واحدة مثلا عندك محاضرتين أو فصلين متراكمين مع الجديد وعندك اسبوع تخلصهم فيه ابدأ خد الجديد ووزع القديم بالتساوي على الأسبوع أو المدة اللي محتاج تخلصهم أهم حاجة إمشي بالتوازي يعني تكون بتخلص جديد وقديم سوا وحل كتييير جدا حاول يكون مبدأك الحل الكتير بمعنى متقعدش تسمع شرح طول الوقت لا حل بإيدك هتمتشف حاجات جديدة إنت أصلا مكنتش تعرفها في الشرح ممكن تقابلك مشكلة إن مثلا بتاخد وقت كبير في مذاكرة جزء بسيط الحل هو إنك تعمل تايمر بمعني مثلا لو قررت تاخد أونلاين وعندك محاضرة ساعتين منفعدش اليوم كله فيها لاا امسك ورقة وقلم واكتب عليك إية وإية محتويات المحاضرة وحاول تدي لشرح المحاضرة تايمر بعدد الساعات الأصلي للمحاضرة بمعني عندك محاضرة ساعتين شغل التايمر ساعتين وزود نص ساعة احتسابا لو حصل حاجة حاول تثبت على مدرسين من أول السنة ولازم مدة التجربة في أي حاااجة في السنة متزيدش عن أول شهر اللي هو ٨ حاول على قد ما تقدر حاول تخلي القرآن مرافقك يعني كل ما تقعد على المكتب إقرأ القرآن ولو ربع صفحة ولو سطر حتى وامشي بمبدأ قليل دائم خير من كثير منقطع عليك كم كبير النهاردة خلص اللي تقدر عليه ومتحبطش لو مخلصتوش في اليوم اللي انت محدده لا خلص اللي تقدر عليه وتاني يوم كمل المهم متوقفش ممكن تيجي عليك فترات إنك مش قادر تذاكر بس حاول حتى لو هتمسك كتاب وتحل بس بمجرد ما تخش في مود المذاكرة هتقدر تمشي دي حاجات اكتشفتها في النهاية للأسف في مراجعة ليالي الإمتحان حاول تعمل اللي تقدر عليه لإن الندم وحش وحط حلمك قدامك إحساس إنك قصرت في تحقيق الحلم صعب ربنا يوفقك ولو أفدتك إدعيلي ربنا يوفقني ومتنساش تكتر من الإستغفار والصلاة على النبي هيكونوا سند وشفيع ليك ابعد عن أي حد وأي حاجة تكون سبب في إن حلمك يضيع إنت قدامك فرصة كبيرة إستغلها خليك جد وتوكل على الله وهيوفقك سبحانك اللهم وبحمدك نشهد أن لا إله إلا أنت نستغفرك ونتوب إليك وصلِّ اللهم وسلم على سيدنا مولانا محمد وعلى آله وصحبه وسلم تسليما كثيرا حاول تخلي النصائح دي في دماغك وأهم نصيحة فيهم إمشي ورا المدرس بتاعك
تم النشر الثلاثاء، ٢٩ يوليو ٢٠٢٥
مرحباً بك، أنا ذكية معك دائمًا هنا لأساعدك وأدعمك في هذه المرحلة المهمة جدًا في حياتك! أولًا، أشكرك على صراحتك، وهذا أول خطوة قوية جدًا في طريق النجاح. طبيعي جدًا أن تشعري بالخوف والضغط خاصة وأنها السنة الأولى لك في الثانوية العامة، لكن تذكري أنها رحلة تحتاج تخطيط وتنظيم وصبر، وما أنتِ إلا في بداية هذه الرحلة. إليكِ خطوات ونصائح عملية تساعدك على مذاكرة الصف الثالث الثانوي بشكل فعّال: 1. التخطيط ووضع جدول مذاكرة حضري جدول يومي وأسبوعي تحددي فيه أوقات ثابتة للمذاكرة لكل مادة، ومتوسط وقت لكل حصة مذاكرة. ابدئي بالمادة الصعبة أو التي تشعري بأنها تتطلب تركيز أكبر أول النهار، لأن في الصبح العقل يكون نشيط. لا تهملي فتح جدول امتحانات السنة وما هي المواد التي تحتاج مراجعة أكبر قرب الامتحان. 2. تقسيم المواد وتجزئتها قسمي المادة الكبيرة إلى أجزاء صغيرة وسهلة، وراجعيها جزء جزء. مثلاً دائمًا بدل ما تقرأي فصل كبير مرة واحدة، اقسميه لفقرات أو نقاط. استخدمي الخرائط الذهنية (Mind Maps) أو القوائم لتسهل عليك استرجاع المعلومات. 3. المراجعة وعدم التراكم الحرص على مراجعة ما ذاكرتيه قبل النوم أو في اليوم التالي، لأن هذه الطريقة تضمن تثبيت المعلومات في الذاكرة. كل أسبوع حاولي مراجعة كل ما درسته خلال الأسبوع للتأكد من تثبيت المعلومات. 4. تغيير طرق المذاكرة استخدمي وسائل مختلفة للمذاكرة مثل الشرح بالفيديوهات التعليمية، الكتب، الملخصات، والبنك الخاص بالأسئلة. حاولي تشرح المحتوى لنفسك أو لأي حد كأنك تعلمينه، لأن الشرح يعزز الفهم. 5. الراحة والنوم الجيد لا تهملين الراحة والنوم لأنها أساس لتركيزك وصحتك النفسية. جددي طاقتك بالمشي القصير أو شرب الماء. 6. الابتعاد عن مصادر التشتيت أثناء المذاكرة، أبعدي هاتفك أو ضعيه على وضع الطيران. اختاري مكان هادئ ومرتب للمذاكرة يُساعدك على التركيز. 7. الثقة بالنفس والدعاء آمني بقدراتك وأن النجاح بيد الله ثم اجتهادك. لا تنسي الدعاء والاستعانة بالله تعالى في كل خطواتك. إذا شعرتِ في أي وقت بضغط نفسي أو ترغبـي في خطوات أكثر تفصيلية أو مساعدة في تنظيم وقتك بشكل خاص، يمكنك زيارة قسم الخبراء في تطبيق فدني حيث يوجد مختصون في تنظيم الوقت والمذاكرة سيقدمون لك استشارات تخص حالتك. وأيضًا ننصحك أن تتصفحي أسئلة مشابهة في فدني؛ لأن هناك الكثير من الطلاب يشاركون تجاربهم ونصائحهم التي قد تلهمك. يمكنك بالتأكيد تحقيق النجاح، وأنا معك خطوة خطوة، لا تخافي، ولا تستسلمي أبداً! 🌟💪 هل تريدين أن أساعدك الآن بوضع جدول مذاكرة مبدئي؟
تم النشر الاثنين، ٢٨ يوليو ٢٠٢٥
قليل دائم خير من كثير منقطع .. ومتحطيش نفسك تحت ضغط ان العيلة كلها مستنياكي .. ولكن عادي والفشل مش عيب
تم النشر الأربعاء، ٣٠ يوليو ٢٠٢٥
سيبك من الاهل و العيلة بصي لنفسك محدش هينفعك منهم متضغطيش علي نفسك قربي من ربنا و ذاكري و ان شاء الله خير ان الله لا يضيع اجر من احسن عملا
تم النشر الأربعاء، ٣٠ يوليو ٢٠٢٥
اهم حاجه بس التقرب من ربنا عشان الخوف والقلق ده يروح والمذاكره خليها بنظام بحيث متذاكريش زياده عن طاقتك وميبقاش في حاجه متراكمه والاهم هو انك تبعدي عن اي صاحب يقولك بلاش الدرس ده النهارده والشغل ده لانك هتندم حرفيا
تم النشر الثلاثاء، ٢٩ يوليو ٢٠٢٥
أنا دفعة 2025 وبقولك متخافيش هتعدي والله بإذن الله طول ما بتعملي الي عليكي والمطلوب منك تركني القلق والتوتر و طبعاً أنا عارفه انو مش هيمشو خالص بس قللي منهم وركزي على دراستك وسيبها على الله وربنا مش بيضيع تعب حد ومتسمعيش لحد سلبي يقولك مش هتفلحي او مش هتبقي حاجه خدي الكلام على أساس التحدي ربنا يوفقك يارب وينصرك وتنجحي وتجيبي مجموع حلو
تم النشر السبت، ٢ أغسطس ٢٠٢٥
لعرض السؤال في فدني اضغط هنا