السلام عليكم
انا اديلي يومين حاسه ان مزاجي مش ثابت ودايما متقلب يعني ساعات ابقي مبسوطه قوي وساعات متضايقه الخ.. ولما بدعي وبطلب حاجه من ربنا الحمد لله الحاجه دي بتحصل بس لما بتحصل بحس اني خلاص مش عيزاها يعني مثلا كنت عايزه اشوف شخص واول ما اشوفه احس اني خلاص مش عايزه اشوفه وراسي مشوشه قوي ونومي مش مظبوط وانا تعبانه نفسيا ومش عارفه اعمل ايه
لما بعاني من ارق، ومبعرفش أنام، بقرا سورة الفاتحة ٧ مرات، ومن ثم آية الكرسي، ومن ثم خواتيم البقرة، ومن ثم سورة الملك، ومن ثم الإخلاص ثلاث مرات، وبعدين تقرأ تاني الإخلاص والمعوذتين ثلاث مرات وكل مرة تقرأهم حط أيدك الإتنين على بوقك وقرأهم وبعدين امسح بإيدك على جسمك كله، وبعدين تتشاهد وبعدين تصلي على النبي وبعدين تقرأ سبحان الله ٣٣ والله أكبر ٣٣ والحمدلله ٣٣ وتختمها ب لا إلاه إلا الله وحده لا شريك لك له النلك وله الحمد وهو على كل شئ قدير مش هيخدو منك ١٠ دقايق على بعض بجد سحر بقرأهم وبنام على طول مهما كنت مش عاوزه أنام
تم النشر الثلاثاء، ٢٥ يونيو ٢٠٢٤
وعليكم السلام حبيبتي، أول حاجة حابة أقولك إن شعورك ده طبيعي وكلنا بنمر بأوقات زي دي. أحياناً الضغوط والأحداث اللي حولينا بتأثر على مزاجنا بشكل كبير. فيه كام خطوة ممكن تساعدك في تحسين حالتك: الرياضة اليومية : حتى لو تمارسين رياضة خفيفة زي المشي، هتلاقي إن حالتك النفسية بتحسن. النوم الجيد : حاولي تنامي عدد ساعات كافي في الليلة، وهذا ممكن يساعدك كتير. التأمل أو الاسترخاء : حاولي تعملي تمارين تنفس عميق أو جلسات تأمل ولو لخمس دقائق يومياً. الاهتمام بالغذاء الصحي : أكلي فواكه وخضروات وشربي مياه بانتظام. التواصل مع الأصدقاء أو العائلة : قعدة لطيفة مع حد بتحبيه ممكن تخفف عنك وتغير مزاجك. كتابة مشاعرك : أحياناً لما نكتب اللي حاسين بيه على ورق بنحس براحة نفسية أكبر. استشارة مختص : لو لقيتي نفسك متضايقة بشكل متواصل وده مأثر على حياتك النفسية، ممكن تستشيري معالج نفسي يساعدك. إفتكري دايماً إن التقلبات المزاجية دي جزء من حياتنا وكلنا بنعدي بيها. خدي وقتك وكوني لطيفة مع نفسك. وأي مشكلة تانية إحنا هنا ونقدر نسعدك دايماً.
تم النشر السبت، ٢٢ يونيو ٢٠٢٤
كلنا بنمر من لحظات مزاج متقلب بسبب ما نعيشه في حياتنا اليومية ممكن تغير مرحلة حياتك لحاجات أكبر من عقلك أنه يستوعبها فا مبيقدرش يقاوم زي كذا حاجة يعني دة عادي و طبيعي أوي شوفي إيه إللي بيخليكي مبسوطة و اعمليه و شوفي إيه إللي ييخليكي مضايقة أوي كدة و مخنوقة خالص و تجنبيه كليًا و أنا عارفة أنه مش بسهولة و لو الزعل من غير سبب قربي من ربنا و اتكلمي مع حد قريب منك بتحبيه يمكن دة يريح من نفسيتك شوية و لما تعوزي حاجة و بتحصل و أول ما تحصل متعوزهاش دة بيكون بسبب العقل أخد إللي كان عاوزه فا مبيعملش أي تأثير ولا أي رد فعل لكدة .. حاولي تهتمي بصحتك و حاولي تظبطي نومك لو بتفكري في حاجة حاولي متخلهاش تأثر عليكي متفكريش فيها و لو عندك أرق دة يمكن بسبب التفكير و فكري في حاجة حلوة و خدي شاور دافئ لريح اعصابك اقري عن حاجة بتحبيها لأن القراية بتريح الأعصاب كمان و بتخليكي رايقة و صلي قبل ما تنامي و أي حاجة بتتعبك نفسيّا خليها زي الرياح بتاع الجو يعدي من حياتك من غير ما يغير مودك أو يأثر فيكي لأن صدقيني بجد مفيش حاجة مستهلة أصلا .
تم النشر السبت، ٢٩ يونيو ٢٠٢٤
وعليكم السلام ورحمه الله وبركاته طيب بما انهم يومين فهما ممكن يكونوا يومين تقلبات مزاجيه بسبب الجو بسبب موقف حصل بسبب تغيرات هرمونيه بسبب عاده غذائيه مش مضبوطه نقص فيتامينات يعني ممكن اسباب كتير جدا بما انه الموضوع يعني في خلال يومين يعني. محتاجه بس يعني تبعدي نفسك شويه عن الشاشات عموما سواء تليفزيون او موبايل او اي حاجه وتقعدي في اجواء هاديه تحاولي تاخدي وقت مناسب من النوم ما تتكلميش مع ناس كثير بيحكوا مشاكل او بيحكوا مواضيع كثير خدي كده يعني اعتبريهم يومين هدنه يومين ترويق مزاج. وهترجعي تحسي تاني بالهدوء ان شاء الله وترجع الامور احسن.
تم النشر الثلاثاء، ٢٥ يونيو ٢٠٢٤
لعرض السؤال في فدني اضغط هنا