السلام عليكم ورحمة الله وبركاته
في فتاه مش محجبه وتابت ولبست النقاب فتقدم ليها شخص وكان ماضيه الله يعافينا بجد وهو صارحها وتقبلت الموضوع وجابو بنت بعدها شاف صورة انها مكانتش محجبه وعايز يطلقها عشان مصارحتهوش السؤال هل عقاب من الله أن سرها ينكشف وهل ذنوبي ممكن بعد التوبه تنكشف كدا
السلام عليكم، أولا، ربنا مش هيعاقب حد بعد توبته، فانكشاف السر مش معناه عقاب، ممكن ابتلاء لحكمة ربنا وحده يعلمها. بالنسبة لقصة صاحبتك، جايز الحكمة من الابتلاء ده إن فيه مشكلة في زواجها من الشخص ده ومحتاجة موقف زي ده ورد الفعل عشان تراجع نفسها وعلاقتها به. ربنا وحده العالم، بس أنا مؤمنة إن ربنا مش هيعاقب شخص تاب وأخد فعلا خطوات التغيير زي ما هي عملت. ممكن اللي يبان لنا كأنه عقاب أو محنة هو منحة فيها الخير. *** عامة هي مغلطتش. شرعا مش من حقه يعرف حاجة عن ماضيها ولا يحاسبها عليه. هو واضح إن الموضوع موقفش عنده عند نقطة الحجاب، هو ممكن فكر لأبعد من كده، مش بعيد يكون لماضيه تأثير خلاه يشك في إنها تكون مخبية أكتر من مجرد إنها مكنتش لابسة الحجاب. *** بالنسبة لك، مفيش داعي تخافي إن يحصل معك موقف شبيه أو إن ذنوبك سترها ينكشف بعد التوبة، أولا هي مش قاعدة خالص انكشاف الستر بعد التوبة ومش معناه لو حصل إنه عقاب. ثانيا، الأفكار دي بتبقى وساوس من الشيطان عشان يشككك في توبتك ويخليكِ عايشة في خوف وقلق طول الوقت وكمان يشككك في رحمة ربنا. تجاهلي الأفكار دي وادعي ربنا دايما وواظبي على ذكر (حسبي الله ونعم الوكيل) ردديه كتير وبيقين من قلبك وإن شاء الله ربنا هيكفيكِ أي حاجة خايفة منها.
تم النشر الاثنين، ١٦ فبراير ٢٠٢٦
عليكم السلام ورحمة الله اظن مفيش حد يقد يقول على حاجه عقاب او لا ربنا واحده يعلم بس اظن مش عقاب ولا حاجه بلاء نصبر عليه ده اولا اللي عملتيه صح انك ماقولتيلوش على ماضيكي من تاب تاب الله عليه ملوش لازمه نحكي لانسان ماضيكي شايف انك تكلميه بالعقل هل انت شوفت مني حاجه وحشه انا توبت واتغيرت واتودديله شويه ربنا يصلح حالكم
تم النشر الأحد، ١٥ فبراير ٢٠٢٦
هو ربنا اراد ان انت تتحجبي يعني مفيش وزر على كده ولا في ذنب على كده إن انت تقولي له على الماضي بتاعك هو ده كان شيء يعني موجب بصراحه يعني الواجب عليك ان انت تقولي على الماضي بتاعك زي ما هو صارحك والماضي بتاعه عشان انتوا الاثنين تتقبلوا عشان مجتمعنا بيفهم غلط في أوقات كثير جدا يعني.
تم النشر الاثنين، ١٦ فبراير ٢٠٢٦
وعليكم السلام ورحمة الله وبركاته يا حبيبتي 🌸 لا يا قمر، مش بالضرورة عقاب من ربنا. التوبة النصوحة تغطي الذنوب زي الغيمة السودا اللي تمطر وتروح، ربنا قال: "وَهُوَ الَّذِي يَقْبَلُ التَّوْبَةَ عَنْ عِبَادِهِ وَيَعْفُو عَنِ السَّيِّئَاتِ" (الشورى:25). هو يستر عباده اللي يتوبوا بصدق، ومش هيفضحهم إلا لو كان في حكمة إلهية زي اختبار للإيمان أو ليتقربوا منه أكتر. اللي حصل ده ممكن يكون ابتلاء ليكم الاتنين، خاصة إن ماضي الزوج كمان مش نظيف 100% زي ما قلتِ. السر اللي انكشف مش معناه إن توبتها مرفوضة، بس ربما درس عشان تتعلموا الصراحة من الأول في الزواج. نصيحة عملية يا ست الكل: اجلسوا مع بعض بهدوء ومصارحة كاملة: اتكلمي عن التوبة والتغيير الحقيقي، واسأليه عن ماضيه كمان عشان تكونوا متساويين. استشيري عالم دين موثوق أو خبير في Fedni من صفحة الخبراء (https://www.fedni.net/experts) في قسم الاستشارات الأسرية، هم هيقدروا يساعدوكِ أحسن. ابحثي في Fedni عن أسئلة مشابهة هتلاقي إجابات كتير مفيدة. ربنا يصلح بينكم ويثبت خطوتكم في الطاعة، ويبارك في بنتكم الصغيرة. أنتِ قوية وتوبة الله أكبر 💕
تم النشر السبت، ١٤ فبراير ٢٠٢٦
لاء مش عقاب مكنش ربنا عز وجل قال (ويغفر الذنوب جميعا ) يمكن امتحان ليكي من ربنا ان الله اذا احب عبدا ابتلاه
تم النشر الأحد، ١٥ فبراير ٢٠٢٦
جزاك الله خيرا
تم النشر الثلاثاء، ١٧ فبراير ٢٠٢٦
وعليكم السلام ورحمة الله وبركاته المسألة هنا ليست مجرد “صورة قديمة”، بل طريقة فهم الدين والتعامل بين الزوجين. **أولاً: الحكم الشرعي والمعنى الصحيح** الفتاة تابت والتزمت بالنقاب، والتوبة في الإسلام تمحو ما قبلها: > *«التائب من الذنب كمن لا ذنب له»* فلا يجوز شرعًا محاسبة الإنسان على ذنب تاب منه، لأن الله نفسه قد عفا عنه. ولو فتح هذا الباب فلن ينجو أحد… فكل البشر لهم ماضٍ. أما موضوع الحجاب: الحجاب فُرض في مرحلة متأخرة من التشريع، والصحابيات قبل نزول آية الحجاب لم يكنّ محجبات بالشكل المعروف اليوم، فلما نزل الأمر التزمن فورًا، ولم يُعِر النبي ﷺ أو الصحابة أي اعتبار لما قبل الحكم. إذن العبرة بالحال الحالي لا بالماضي. **ثانيًا: هل يحق له الطلاق بسبب ذلك؟** هو يعلم بالماضي قبل الزواج وقَبِل به، وبالتالي شرعًا لا يُعتبر هذا غشًا ولا تدليسًا. فالرجوع الآن للصورة القديمة ليس سببًا حقيقيًا للفسخ، بل مجرد تعلل. وغالبًا — وليس جزمًا — يظهر هنا عامل نفسي: بعض الرجال يتغير موقفهم بعد إنجاب الأنثى أو عند ضغوط عائلية، فيبحث عن مبرر شرعي ليُشعر نفسه أنه على حق. **ثالثًا: ماذا تفعل الزوجة؟ (الأهم عمليًا)** لا تُصعّد ولا تدخل في جدال فقهي معه، لأن الرجل إذا أراد الطلاق لن توقفه الحُجج بل الأسلوب. الأفضل: * تُظهر له الاحترام والتقدير * تُطمئنه أنها له وحده وأن ماضيها انتهى * تُشعره أنه رجل حياتها واختيارها * تتجنب التحدي أو المقارنة أو الدفاع الهجومي ليس لأنها مخطئة… بل لأن الحفاظ على البيت أحيانًا يحتاج حكمة لا مناظرة. **الخلاصة** * ماضيها بعد التوبة لا قيمة له شرعًا * ليس من حقه اعتباره غشًا بعد علمه به * غالبًا يبحث عن سبب لا أكثر * الحكمة واللين أنفع من الجدال لإبقاء الأسرة فالبيوت لا تُبنى فقط بالحق… بل بالرحمة.
تم النشر الثلاثاء، ١٧ فبراير ٢٠٢٦
يعني مش عقاب
تم النشر الأحد، ١٥ فبراير ٢٠٢٦
لا يُعد ما حدث عقابًا من الله على التوبة، ولا يعني أن الله رفض توبتك أو كشف سترتك بسبب ذنب سابق. التوبة النصوح تُغفر بها الذنوب وتُمحى السيئات كما قال تعالى ﴿وَهُوَ الَّذِي يَقْبَلُ التَّوْبَةَ عَنْ عِبَادِهِ وَيَعْفُو عَنِ السَّيِّئَاتِ﴾ (الشورى: 25). التوبة تغفر الذنوب ولا يُحاسَب الإنسان بعدها على ما كان منه من قبل إذا كانت التوبة صادقة.
تم النشر الأحد، ١٥ فبراير ٢٠٢٦
تابت اين المشكلة، هو نفسه يخطأ ويتوب
تم النشر الأحد، ١٥ فبراير ٢٠٢٦
من اي بالضبط الطلاق ولا انكشاف الماضي؟
تم النشر السبت، ١٤ فبراير ٢٠٢٦
المشكلة انا بقيت خايفه
تم النشر السبت، ١٤ فبراير ٢٠٢٦
طالما تابت يبقى لاء حتي الماضي هو لايحق انه يحاسبها عليه لانه مكنش فيه وغير كدا ربنا سترها فغلط انها تكشف نفسها وفي فتوى بخصوص الموضوع دا فعلشان البيت ميخربش يروحوا الاتنين لدار الافتاء ويحكوا للشيوخ هناك وهم هيقنعوه بكدا
تم النشر السبت، ١٤ فبراير ٢٠٢٦
عليكم السلام ورحمة الله وبركاته ـ لا ليست قاعدة وليس معنى انكشاف السر ان التائب قد ينكشف سره والعكس وهذا من علم الغيب والله يفعل ما يشاء و هذا قدرـ تقبل بالقدر وتثبت على التوبة وتستغفر الله لعل هذا خيرا لها.
تم النشر السبت، ١٤ فبراير ٢٠٢٦
لعرض السؤال في فدني اضغط هنا