السلام عليكم، محتاجة أعرف الحكم في موقف حصل معايا النهارده.
أنا نزلت من الفندق وأنا طاهرة تمامًا ومفيش أي أثر للدورة، وعملت العمرة كاملة: الطواف والسعي والتقصير، ومسبتش أي حاجة من المناسك. وأنا في العمرة ملاحظتش أي دم أو حسيت بأي حاجة خالص.
بعد ما خلصت العمرة ورجعت دخلت الحمام، لقيت أثر دم قليل جدًا، ومش عارفة الدم نزل إمتى بالضبط، هل أثناء العمرة ولا بعدها، لأني مكنتش حاسة بأي حاجة.
دلوقتي أنا قلقة جدًا: هل عمرتي صحيحة بما إني بدأت العمرة وأنا طاهرة ومكنتش أعرف بوجود الدم؟ وهل لازم أعيد الطواف أو العمرة؟
المشكلة إني ده آخر يوم ليا ومينفعش أعيد العمرة، فمحتاجة أعرف الحكم بدقة من حد موثوق، وجزاكم الله خيرًا. 🤍
بصي الأفضل أي حاجه في الدين تستشيري الشيوخ لإن منكم حد يعطيكي فتوة خاطئة . ولكن أنا هقولك معلومة للشيخ ابن عثيمين وبرده علي كلام كثير من الفقهاء : قالوا إن أي شك يطرأ بعد إتمام العبادة يُلغي ولا يلتفت إليه، منعاً للوسواس . الأصل بقاء الطهارة ، بما إن إنتي بدأتي المناسك بيقين علي إنك طاهرة فالأصل إن الطهارة مستمرة ، والشك الطارئ بعد العبادة لا يؤثر علي صحتها تمام . تقدري تتأكدي من أي شيخ موثوق عندك في المنطقة ، والله أعلم .
تم النشر الثلاثاء، ٢٥ أغسطس ٢٠٢٦
لعرض السؤال في فدني اضغط هنا