شجعوني ارجع البس الخمار تاني لأني بعد ما دخلت الجامعه للأسف قلعته ولبست طرحه ف عايزه ارجعله بس مش عارفه
عليكم السلام ورحمة الله و بركاتة، خليني اسألك سؤال(مش عايزك تردي عليا عايزك تقولي لنفسك)، هو أنتي كنتي لابسه الخمار ليه؟، لازم تفتكري السبب الأساسي اللي خلاكي من الأساس تلبسي الخمار و بعد ما تفتكري لازم تمسكي فيها و على طول تروحي تلبسية و تجهزي طقم و اتنين و تلاتة ينفعوا معاه و يكون في نسة أنك تلبسية في الخروج و في البيت و هكذا. -- بالنسبة لنقطة الجامعة، بصي يا بنت الناس، المكان ده مليااان من كل ما تشتهي عيونك و نفسك و أذنك و انفك و فمك، فاعرفي دائما إن في كل لحظة أنتي هتكوني فيه هناك أنتي هتكوني بتجاهدي مع نفسك، مش معناها أنك تبقي وحيدة و متختطليش بحد في الجامعة، لأ طبعاً اكيد هتقابلي زميلة او اتنين كويسين و هتحبي تفضلي معاهم إن شاء الله. -- و أخيرا عايز أقولك ربنا لطيف و بيحبك لدرجة أنو دعاكي للبس الخمار فهل هترفضي دعوه من ربنا؟ وبس اتمنى يكون في فائدة....
تم النشر الاثنين، ٢٦ أكتوبر ٢٠٢٦
في طرق كتيرة ترجعي تلبسيه تاني بالطريقة اللي ترضيكِ زي انك تلفي الطرحة بس بطريقة الخمار بيبقى شكلها شيك وفي نفس الوقت حققتي شروط الحجاب (ألا يصف وألا يشف وألا يكون زينة في نفسه) طالما طبقت الشروط دي خلاص مش لازم يبقى الخمار اللي هو شيفون أو كريب أو كده ...وكمان ده حفاظاً عليكي انتي عارفة كمية الفتن اللي بنواجهها يومياً بس افتكري أن ده فرض علينا والدنيا متستاهلش والله .. وجربي لفات كتير الخمار والطرح انك تخليها طويلة زي الخمار ونوعي بينهم وبجد في لفات بيبقى شكلها تحفه وشيك.. واهم حاجه النية اسألي نفسك انا ليه بعمل ده!! اهم حاجه تفتكري الهدف وتصاحبي صحبة تعينك على ده ..يعني لو صاحبتك شافتك لابسة طرحه تهزقك وتخليكِ تعدليها غصب عنك وهكذا ...والدعاء اهم منهم كلهم ادعي كتير أن ربنا يرجعك لطريقة تاني ويهديكِ ويحببك ف لبسه ..ربنا يردك إليه رداً جميلاً
تم النشر الجمعة، ٣٠ أكتوبر ٢٠٢٦
السلام عليكم، التشجيع أو التحفيز الخارجي مفعوله مؤقت وطالما الرغبة من جواك مش ثابتة أو مفيش حافز داخلي لأي هدف عاوزة توصلي له مش هيفيد التحفيز الخارجي. راجعي نفسك ومعتقداتك والأسباب اللي لبستِ عشانها الخمار بالأول والأسباب اللي تخليكِ عاوزة ترجعيه وإذا فيه رغبة قوية واقتناع أنتِ من نفسك هتاخدي الخطوة، والأهم طبعا الاستعانة بالله والدعاء باستمرار وربنا هيعينك ويوفقك بإذن الله.
تم النشر الاثنين، ٢٦ أكتوبر ٢٠٢٦
وعليكم السلام ورحمة الله وبركاته، يا حبيبتي. أولاً، أحيي نيتك الطيبة دي، فالرغبة في الرجوع للخمار دليل على إيمانك وقوتك الداخلية، حتى لو مررتِ بمرحلة صعبة في الجامعة. كتير من البنات بيواجهوا ضغوط الدراسة والأصدقاء والجو العام اللي بيخلي الالتزام أصعب، وده طبيعي، لكن المهم إنك دلوقتي عايزة ترجعي، وده خطوة جميلة. عشان تساعدي نفسك ترجعي للخمار بسهولة، ابدئي بخطوات صغيرة وواقعية. مثلاً، حددي يوم معين في الأسبوع تبدئي فيه، واختاري خمار مريح وأنيق يناسب ذوقك عشان ما تحسيش إنه عبء. كمان، اقرئي آيات قرآنية عن الحجاب والستر كل يوم، زي سورة النور، وتذكري إن الخمار مش بس لباس، ده حماية وكرامة ليكِ. حاولي كمان تتواصلي مع صديقات ملتزمات أو مجموعات إيجابية في الجامعة عشان تشجعو بعض، ولو لقيتِ صعوبة في البداية، تذكري إن الرجوع التدريجي أفضل من الاستسلام. أنتِ قادرة يا قمر، والله بيحب التوبة والرجوع، فاستمري وادعي ربنا يثبتك. لو عايزة نصايح إضافية أو تشاركيني تحدياتك، أنا هنا دايماً. ابحثي كمان عن أسئلة مشابهة على فدني عشان تشوفي تجارب بنات تانيين.
تم النشر الاثنين، ٢٦ أكتوبر ٢٠٢٦
البسي بطريقه جديده او مختلفة لغاية لما ترجعي تحبي شكلك بيه
تم النشر الأربعاء، ٢٨ أكتوبر ٢٠٢٦
هوا حاليا نتب اللي لازم تاخدي القرار الصح
تم النشر الثلاثاء، ٢٧ أكتوبر ٢٠٢٦
وخيرا جزاك الله ، نسأل الله تعالي الثبات والهداية
تم النشر الاثنين، ٢٦ أكتوبر ٢٠٢٦
بصي يا بسكوته اولا اي اللي خلاكي تخلعيه اصلا انتي قولتي اول ما دخلت الجامعه شوفي الجامعه بقا اي اللي حصل وخلاكي تخليه بعدها وابعدي سوء كان صحبة سواء او كفتريا او نصيحه ناس ربنا يهديهم، اما علي الخمار ف فرض وتخيلي تنزلى من بيتك كل يوم وشوفي كام ساعه بتفضلي بيها برا بالخمار دا كله عداد حسنات في حساب مستحيل تحصليها ونتي لابسه طرحه ولو فضلتي تصلي طول اليوم لان هيجي يوم وهيكون عندك امر من امور الدنيا ف هتنشغلي بيه دي نعمه كبيره جدا ارجعي لها وامسيكي فيها وابعدي عن اي حاجه تبعدك عنها
تم النشر الأحد، ١ نوفمبر ٢٠٢٦
اسمعي كتير في موضوع الحجاب من شيوخ و دعاة موثوقين زي الشيخ علاء حامد أو أمجد سمير أو محمد الغليظ و أمير منير و ياسر ممدوح و اسمعي دورات لتدبر القرآن لجزء قد سمع أو لسورة القصص أو سورة النور أو سورة الأحزاب فيهم حجات مهمة اوي لازم تسمعيها و فقهي نفسك في الدين و اعرفي هدف و أهمية الحجاب و اعرفي ان لازم يكون في جهاد للنفس و الشيطان و ارغام للنفس على الصح و قال الله عز و جل :(و الذين جاهدوا فينا لنهدينهم سبلنا و إن الله لمع المحسنين)فمتستسلميش لأي وسوسة من الشيطان و تقومي قالعاه
تم النشر الأحد، ١ نوفمبر ٢٠٢٦
لازم تبني تمسك راسخ بالخمار و النقاب و الحجاب
تم النشر الأحد، ١ نوفمبر ٢٠٢٦
السؤال هنا هو انتي بتحبي الخمار فعلا ولا كان اجبار؟
تم النشر الخميس، ٢٩ أكتوبر ٢٠٢٦
لو إنتِ حابة تلبسي الخمار تاني، شجعي نفسك وخدي القرار بهدوء، والأهم يكون نابع من اقتناعك إنتِ مش مجرد تشجيع من الناس. 🤍
تم النشر الاثنين، ٢٦ أكتوبر ٢٠٢٦
ابعدي عن اللغو، وخليكي فاكرة ديما آيه (لا تمدن عينيك)، وركزي على نفسك وبس، والصحاب اللي هتختريهم هيكون ليهم تأثير كبير عليكي، فاختاري اللي شبهك واللي هيشجعك على الصح، وفقهي نفسك في الدين على قد ما تقدري....
تم النشر الاثنين، ٢٦ أكتوبر ٢٠٢٦
معاك حق وجزاك الله خيراً، يمكن فعلاً أنا مش مقتنعة بالقدر الكافي
تم النشر الاثنين، ٢٦ أكتوبر ٢٠٢٦
اسهل حاجة اني اشجعك كلمتين في رسالة بس مين هيضمن انك هتثبتي ؟ ، هو الموضوع مش خالي تماما من التشجيع بس قبل التشجيع في اعتقاد لازم تتبنيه فلما تيجي وساوس بخلع النقاب او الخمار تصطدمي بهذا الاعتقاد الي موجود في شخصيتك دايما اما التشجيع شيء احتمالي ومش موجود علي طول ، حاولت ابسط الموضوع اعتقد الفكرة العامة وصلت
تم النشر الاثنين، ٢٦ أكتوبر ٢٠٢٦
علشان مش عارفه ارجع البسه تاني
تم النشر الاثنين، ٢٦ أكتوبر ٢٠٢٦
عليكم السلام ورحمة الله وبركاته ، لماذا تحتاج للتشجيع؟ افترضنا محدش شجعك او مثلا شجعناكي دلوقت بس كمان شوية لا ، هتخلعي الخمار! انتي كدا ورقة في مهب الريح ، والسبب هو انك مش عامله الشيء دا اعتقاد ومبدأ ، انا حابب الفت نظرك بس يمكن فعلا تلاقي حل حقيقي بدلا من إثارة العاطفة الي مش بتدوم كتير وبعدين هترجعي تحسي بفتور تاني ، اتمني ترتدي النقاب كمان دا شيء عظيم للغاية بس اتمني ايضا انه ميبقاش فترة ودا محتاج بحث سليم واقتناع علشان منفضلش نرجع الخطوة الي بنمشيها.
تم النشر الاثنين، ٢٦ أكتوبر ٢٠٢٦
لعرض السؤال في فدني اضغط هنا