كيف أعالج مشكلة فقداني لشخصيتي الحقيقية وشعوري أنني أتقمص شخصيات وتصرفات أخرى أمام الناس؟

Question

من وأنا في ابتدائي كان عندي رهاب اجتماعي وكان المستوى الدراسي بتاعي متدني فقت لنفسي في آخر سنه وعالجت نفسي من غير ما أروح لدكتور نفسي من الرهاب في خلال سنه ونص تقريبا والحمد لله بقيت شاطره جدا ومحدش يعرف الماضي بتاعي ده بس للأسف في حته مش عارفه اعالجها إني بقيت بتصنع في كل حاجة قدام الناس الغريبه بس بتصنع إني واثقه لما بشوف حد وعاوزه ألفت انتباهه بتصنع حد غيري وبعمل حركات مش من عاداتي مش حركات وحشه لا عاديه جدا بس أنا مش متعوده اعمل كده بعمل كده بس قدام الناس ولما بتعرف على حد وأعرف اهتماماته سواء قريب أو بعيد مني بحاول أبين إني مهتمه بالشيء ده حتى لو أنا معرفهوش لدرجه إني نسيت نفسي نسيت شخصيتي أو الحقيقه إني مكنتش أعرف أنا فعلا مين لما بمر بأي موقف بفكر لو فلان مكاني هيعمل إيه وبخلط الشخصيات وبتصرف بطريقه حد غيري مش في كل الأوقات لكن أنا فعلا مش عارفه شخصيتي أنا بتحب إيه وعامله إزاي وأنا حاسه إن حالتي دي بسبب الماضي أن أهلي معلمونيش إني اعتمد علي نفسي أو أثق في نفسي معلمونيش اختار إلي أنا عاوزاه كانوا بيتصرفوا بدالي فمبنيتش شخصيه خاصه بيا و حاسه أن ده يرجع للثقه مع العلم إني محبوبه الحمد لله وناس كتير شايفين شخصيتي حلوه وكلامي حلو لما بواسي حد وكده ويمكن دي الحاجة الوحيده إلي بتصرف فيها بطبيعتي توضيح أكبر أن أنا مش عارفه شخصيتي ولما فضفضت بنفس الحاجة لواحده كنت بثق فيها زمان قالت أن دي مشكله كبيره ولازم أعالجها اتمني تفيدوني

Accepted Answer

السلام عليكم ورحمه الله وبركاته جميل ان انت بنفسك تنتقلي لمرحله وهي انك تعرفي تتواصلي مع المجتمع وتعرفي تتواصلي مع الناس حواليكي فده جميل والمشكله هنا انه احنا حصل عندنا فصل ما بين الجزء القديم اللي هو الماضي وما بين الجزء الحاضر اللي احنا دلوقتي وصلنا له وبقينا نقدر نعمله كل مضر احنا عايزين نرجع نوصلهم ثاني ببعض لانه احنا مش عايزين ننفصل عن نفسنا ده جزء من نفسنا ده احنا الماضي هو احنا والحاضر هو احنا والمستقبل اللي احنا مستنيينه وبنعمل عشانه هو احنا برده فاحنا مش محتاجين ان احنا نفصل ما بينهم فلو قلنا في حاجه هنا انت محتاجه فيها مساعده هو انك ازاي توصلي الاثنين وخليني اقول لك انه اهم حاجه واللي ممكن تعمليها بنفسك. من غير يعني ما تعتمدي عن حد زي ما انت عملتي ده قبل كده لوحدك وهو انك تبداي تتقبلي الماضي بتاعك ده تتقبلي ان كان عندك مشكله تتقبلي ان عندك واقع مش الطف حاجه او مش هو احسن حاجه او مش هو الواقع اللي يساعد في انك تكوني في اللي انت تتمنيه بشكل اسرع يعني الواقع بتاع انه اهلي مش اشطر حاجه وما عرفوش يعلموني حاجات مع وانا اضطريت ان انا اتعلمها بنفسي فالموضوع ده اخد مني جهده وقت اكتر وخلى اا ممكن الحياه معايا اصعب شويه في وسط منها بتعلم فده الواقع بتاعي انا مش محتاجه اتنكر من الواقع بتاعي ده وارسمه بشكل ثاني انا محتاجه اتقبله وايه المشكله انه ده الواقع بتاعي مفيش مشكله مفيش حاجه اتكسف منها مش حاجه ااا ازعل منها لدرجه ان انا اداريه سواء اداريها جوايا واداريها عن حواليا ااا انا في جلسات الكوتشينج بتاعتي او في رسالتي في الكوتشنج ماشيه بجمله هتلاقيها حتى مكتوبه في اللوجو بتاعي الحل في الحدوته كل واحد عنده حدوته مختلف تخيل انه طريقه حكايتك لحدودتك وقصتك من بدايتها من الماضي لحد الحاضر بتاع دلوقتي هو اللي بيطلع لك الحل لكل مشكله انت بتقوليها او اكبر مشكله بتوجهيها جربي كده تحكي.

Answer

جزاكي الله خير انك تحملتي مسؤولية نفسك وغيرتي من نفسك للأفضل فالله وفقك لمواجهة الحقيقة فده شئ إنجاز في حد ذاته .. ولاحظت الوعي في كتابتك وفهمك المفصل لنفسك .. انتي سلكتي طريق التعافي ولكن زي ما قلتي مازلتي متأثرة من الماضي .. التربية الصحيحة هي ان الطفل ده شخصية مستقلة له خصوصيته وصفاته مثلا نشيط أو كسول ذكي أو غبي فأحنا كمربيين بنتقبله ونحترمه زي ما هو ونعامله على صفاته هو .. فالطفل له احترامه اصاب أو أخطأ اما الخاطئة ان الطفل ده اتخلق بدون شخصية ولا صفات واحنا اللي بنشكل شخصيته وصفاته بنخليه نشيط وذكي وممنوع يكون كسول وغبي .. فالطفل له احترامه طالما انه بيصيب وان أخطأ فالإحترام ليس من حقه .... وده سبب ان الطفل بيتصدم وبتحصل جواه مشاكل .......... ايه اللي بيحصل جواه؟ انه اتبرمج انه غير مقبول ولا محترم كما هو وأنه حقيقته غير محبوبة كما هي بل في شروط انه يصيب عشان يحترم ... فطول الوقت انا محتاج اصيب ومرعوب اني أخطئ لأني هبقا غير محترم ... فبيضتر ميكونش على طبيعته وسجيته بشكل حر وبكل جرأة وأمان ما دمت مأخطأتش ولا تعديت حدودي ... فبحس اني مذنب مع اني مغلطتش وبتوهم أن الناس بيشوفوني بأعين أهلي اللي بيرفضوني ... فيعتبر تصنع الحركات أسلوب دفاع عشان محدش يرفضني أو ينتقدني من الناس اللي انا بشوف فيهم أهلي أو أي متنمرين في ذاكرتي .... ويختلف فالبعض بيستخدم الغضب والعصبية مش قوة ولكن أسلوب دفاع عشان محدش يقرب منه .. والبعض بيستخدم تحقير الآخر مش لأن الآخر حقير ولكن كأسلوب دفاع فالحل حاليا هو الإستمرار في طريق التعافي ولكن الحل الأسرع هو علاقة صحية ايا كان صديق أو زوج يكون انسان سوي متقبل نفسه معندوش أساليب دفاع ويحترم شخصية الطرف الآخر ما دام الطرف الآخر لم يخطئ الله معك

Answer

مرحباً بكِ يا غالية، وشكراً لكِ على ثقتكِ ومشاركتكِ هذه المشاعر والأفكار المهمة. أبارك لكِ على العلاج الذاتي الذي قمتِ به للتغلب على الرهاب الاجتماعي في وقت سابق، وهذا إنجاز عظيم يدل على قوتكِ وإرادتكِ. بالنسبة لما تشعرين به الآن حول "صناعة" شخصية أمام الآخرين ومحاولتك إظهار صورة غير حقيقية لجذب الانتباه، فهذا أمر شائع جداً عند الأشخاص الذين لم يتعودوا على حضور شخصية متماسكة وواثقة من نفسها. دعيني أفكك لكِ الموضوع خطوة خطوة حتى نستطيع فهمه بشكل أفضل: 1. فقدان معرفة الهوية الحقيقية وعدم وضوح الشخصية: الشعور بأنكِ "لا تعرفين من أنتِ" أو "تنسي نفسك" ويرافقه تقليد سلوكيات الآخرين أو تقمص شخصية غيرك، هو مؤشر على أنكِ لم تتواصلي بشكل كافٍ مع ذاتكِ الداخلية، أو أنكِ لم تريحي بعد مع الصورة الحقيقية لنفسكِ. 2. أسباب محتملة: تعودك على تلبية رغبات الآخرين أو أدوار مفروضة عليكِ سواء من الاهل أو البيئة، مما حد من استقلاليتك في بناء شخصية خاصة بكِ. ضعف الثقة بالنفس بسبب عدم تمكينك من اختياراتك ومشاعرك في مراحل التطور المبكرة. محاولة تجنب الرفض أو الإحباط الاجتماعي من خلال "تجسيد" صورة مقبولة خارجيًا. 3. نصائح عملية لكِ: ابدئي رحلة التعرف على ذاتكِ ببطء : خصصي وقتًا يومياً للتأمل الذاتي، فكري في أشياء تحبينها فعلًا دون تأثير الآخرين، ما الذي يجعل قلبك يفرح؟ ماذا تفكرين عن نفسكِ في صمتك؟ سجلي مذكرات شخصية : الكتابة تساعدكِ على التعبير عن مشاعرك وأفكارك بعيدًا عن فرضية الأداء أو التظاهر للآخرين. حددي قيمك وقناعاتك : فكري ما هي المبادئ أو القيم التي تؤمنين بها؟ ما هي الأمور التي ترفضينها؟ تخيلي أنكِ صديقة نفسك: كيف تودين أن تعاملي نفسك لو كنتِ صديقة مقربة؟ هذا يساعدك على التعاطف مع ذاتك وتفهمها. تدريجياً، جربي خروج من منطقة "التصنع" أمام الناس : ابدئي مع أشخاص تشعرين بالأمان معهم، وحاولي التعبير عن رأيك وأفكارك بدون تمثيل. 4. من الناحية النفسية: وجود هذه الحالة يحتاج إلى رعاية مستمرة وصبر مع الذات، والتعامل مع هذه المسألة "بهدوء" وعدم الضغط على نفسك لتحقيق شخصية كاملة بين ليلة وضحاها. 5. الدعم داخل فدني: أنصحكِ بزيارة صفحة الخبراء على موقع فدني https://www.fedni.net/experts حيث ستجدين خبراء نفسيين ومدربين حياة يمكنهم مساعدتكِ في رحلة اكتشاف الذات وبناء الثقة. يرجى أن تتذكري أن كل إنسان يتشكل ويكتشف نفسه مع الوقت، وهذا ليس عيباً بل رحلة جميلة ومستمرة. وأهم شيء ألا تضغطي على نفسكِ لأنكِ في الغالب تبذلين قصارى جهدكِ. هل تودين أن أساعدكِ في خطوات تطبيقية محددة أو طريقة معينة للبدء في الكتابة مثلاً؟ أنا هنا دائماً لأدعميكِ يا ذكية! 🌷

كيف أعالج مشكلة فقداني لشخصيتي الحقيقية وشعوري أنني أتقمص شخصيات وتصرفات أخرى أمام الناس؟

نفسية

سؤال من احد أعضاء فدني

تم النشر الأربعاء، ٤ يونيو ٢٠٢٥

3 إجابة

7 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك