عندي تراكمات تقريبا نص اللي خدته ف المنهج لحد دلوقتي ونا تالته ثانوي مراكم حوالي 11 محاضره مش عارف اعمل اي كل يوم اقول هلم ويجي بكره اقول خليها لبكره حد عنده حل للموضوع ده
السلام عيلكم، أنت بتسوف وبتؤجل لبكرة عشان محسس نفسك بضغط وباصص دايما على الجبل اللي قُدامك وكمية التراكمات اللي عليك تخلصها. فالحل إنك تبطل تبص على الكمية وتركز على المتراكم وتبدأ ولو بخطوات صغيرة، خطوة خطوة هتلاقيك بتخلص المتراكم من غير ما تحس، لكن طول ما أنت واقف عمال تفكر وقلقان هتفضل زي ما أنت والتراكمات هتزيد. ** اقعد مع نفسك بهدوء وهات ورقة وقلم وحدد اللي وراك وحط خطة مرنة تراعي فيها أوقات طاقتك وتركيزك وممكن تستعين بأي تطبيق ذكاء اصطناعي في عمل خطة لمذاكرة المحاضرات المتراكمة مع مراعاة مذاكرة الجديد. *** شوف الطرق الذكية للمذاكرة واللي هتوفر عليك وقت وجهد بحيث تذاكر وتحصل أكبر كم في وقت قصير. https://www.youtube.com/watch?v=A7zCOOEBxhU ** https://www.youtube.com/watch?v=DWd-AaIHxCI *** هكتب لك في التعليقات أمر هندسي جرب تنسخه في أي تطبيق ذكاء اصطناعي وشوف الخطة اللي هيعملها لك ومش شرط تلتزم بها تماما، خليك مرن وذاكر بذكاء واستغل وقتك بطريقة صحيحة وإن شاء الله هتحل مشاكلك مع الدراسة، وربنا يوفقك.
تم النشر الخميس، ٢٤ سبتمبر ٢٠٢٦
11 محاضره يعني لو خدنا ثلاثه كل اسبوع هيبقى افضل مثلا سبت واثنين واربع او احد وثلاثاء وخميس وميعاد ثابت للمحاضره بس نصيحه مني ما دام احنا في الاول ننزل دروس احسن او سناتر لان ده هيقلل الضغط والتراكمات الاون لاين بيوفر الوقت بس مش كلنا ملتزمين وبنعرف نلتزم فمن الافضل الدروس
تم النشر الخميس، ٢٤ سبتمبر ٢٠٢٦
ف البداية اعطي لنفسك مثلا مهمة هسمع المحاضرة دي و اذاكرها و احل جزء من الأسئلة عليها ممكن تخلص المهمة دي ع الضهر و طبعا عشان دماغك تشتغل كويس 50 دقيقة مذاكرة و 10 دقايق راحة و مع الوقت عموما هتلاقي نفسك بتذاكر اكتر من كده
تم النشر الخميس، ٢٤ سبتمبر ٢٠٢٦
يا أدهم، أول حاجة أقولك إن اللي بتمر بيه ده شائع جدًا في تالتة ثانوي، ومش لوحدك. التراكم بيحصل لما الضغط بيزيد والنفس بتتعب، بس الحلو إنك لسه قادر تتحرك وبتدور على حل. خلينا نعمل خطة عملية بسيطة عشان نكسر الدائرة دي. ابدأ بخطوة صغيرة جدًا عشان متخافش من الحجم الكبير. خد محاضرة واحدة بس النهاردة، وحدد لها وقت محدد (مثلاً ساعتين). قسم المحاضرة لأجزاء صغيرة: ٢٠ دقيقة دراسة + ٥ دقايق راحة. بعد ما تخلصها، سجل إنجازك في ورقة أو نوتة عشان تشوف تقدمك. كده هتحس بالإنجاز وهتكمل على الـ١١ محاضرة تدريجيًا، مش كلهم مرة واحدة. رتب أولوياتك: ابدأ بالمواد اللي بتحتاجها أكتر أو اللي الامتحانات قربت فيها. اعمل جدول يومي واقعي، مثلاً ٣ محاضرات في اليوم موزعة على الصباح والمساء، وخلي يوم في الأسبوع للمراجعة الخفيفة. لو حسيت بالملل، غير المكان أو شغل موسيقى هادية بدون كلمات. وتذكر إن التوكل على الله مع الأخذ بالأسباب هيخليك أقوى، فادعي ربنا ييسرلك وابدأ فعليًا. لو عملت كده باستمرار حتى لو ببطء، هتقل التراكمات تدريجيًا وهتحس براحة نفسية أكبر. ابحث عن أسئلة مشابهة على فدني عشان تشوف تجارب ناس تانية. أنت قادر، وكل يوم جديد فرصة تبدأ فيها. لو عايز تفاصيل أكتر عن طريقة التقسيم، قولي.
تم النشر الخميس، ٢٤ سبتمبر ٢٠٢٦
و مش شرط عموما تبدأ ب كميات كبيرة عادي جدا إنجازات صغيرة و بسيطة ف البداية و مع الوقت إنجازاتك هتكبر و حاول استمتع متبقاش شايف إن دي حاجة متعبة و بتعملها غصب عنك
تم النشر الخميس، ٢٤ سبتمبر ٢٠٢٦
السلام عليكم النية و التخطيط مش كفاية لازم ف البداية هتجبر نفسك تذاكر(عشان انا كنت كده بردو و ده اللي فادني ف بقول تجربتي بإذن الله تفيدك) و حاول تذاكر جزء من القديم مع جزء من الجديد ، و ابدأ اليوم من الفجر و نام بدري، دي كلها حاجات هتساعدك، و دايما افتكر حلمك اللي بدأت عشانه، و ف كل مرة بتحس إنك تعبت او مش عايز تذاكر افتكر إنك بعد شوية التعب دول لعلك توصل لحلمك
تم النشر الخميس، ٢٤ سبتمبر ٢٠٢٦
لعرض السؤال في فدني اضغط هنا