السلام عليكم ...
انا للاسف بعاني من مشكله مأثره علي حياتي اوي بشكل عام .... و المشكله دي موجوده من و انا طفل ... و هي ان اي حاجه، حرفيا اي حاجه ممكن تزعلني.. نظره، كلمه،... الخ... مع ان يمكن مش انا الشخص المقصود اصلا ... بس للأسف الزعل دا بيبقا غصب عني ...
ممكن كلمه اتقالت تبوظ اليوم كله و هكذا بقا ... و مع كل دا كمان انا شخص مفيش لحظه بتعدي عليه الا و هو بيفكر ( over thinking) و دا ممكن يخليني معرفش انام ابدا... و تعدي ايام و مكنش نايم كويس او مش بنام اصلا.... و ضمن التفكير الزائد فـ انا كمان بعاني من الوسواس القهري... و دا طبعا هيأثر سلبيا علي الصحه و النفسيه ... و كمان انا اعتبر شخص منعزل... (يعني من البيت للمسجد عشان اصلي و من المسجد للبيت) ... و دروسي كلها اونلاين (ثانويه عامه)) ... و كمان معنديش أصحاب .... حرفيا فعلا مفيش أصحاب ... فـ دي حاجه سلبيه جدا .... فـ اتمني يكون في حل ... لأن انا حاولت كتير إني اغير من نفسي ... لكن برجع تاني لـ نقطة الصفر .
حاول تشغل وقتك عشان دا بيكون وقت فراغ زيادة ف طبيعي تكون كده وحاول كمان تتعامل مع الناس وأي حد تلاقيه سلبي ابعد عنه مش لازم تبقى صاحب الكل خليك مع اللي هتلاقيه كويس أو نفس تفكيرك ودا قصدي بيه انه يكون فاهمك مش لازم حرفياً بس يقدر يفهمك ويفهم دماغك وتفكيرك وكل ما تحس ان ال overthinking هتبدأ تشتغل ، اشغل نفسك في أي حاجه حتى لو بسيطة بس متسيبش نفسك لدماغك ابدا
تم النشر الأربعاء، ١٧ ديسمبر ٢٠٢٥
ممكن تنزل يوم في الاسبوع درس في المسجد بيعمل درس اسبوعي وبيبقا متاح لأي حد عادي ... روح اسمع وامشي حتى عادي جدا واستفاد من الدرس ومن معلوماته...
تم النشر الاثنين، ١٥ ديسمبر ٢٠٢٥
الحياه دروس يا صاحبي واهم شيء انك تتعلم من محاولاتك وانك متوقفش محاولات وتصحيح للنفس مهما كان المحاولات دي صغيره وربنا يصلح حالنا جميعاً اللهم آمين 🤲🏼
تم النشر السبت، ١٣ ديسمبر ٢٠٢٥
علاج كل دا الاختلاط بس تختار صح والمجتمع والصحبه الصح، وطالما بتروح تصلي خلي صحبتك من داخل المسجد حتى لو ناس كبيره دول حتى لو غلط هيقومك ويصححوا مفهومك ويعينوك على الطاعه ودا مع الوقت هيصلح اي مشكله عندك في العلاقات
تم النشر الخميس، ١١ ديسمبر ٢٠٢٥
حاول تقتنع بفكرة انو كل شخص لما يبصلك نظرة مش عاجباك أو حاجة يمكن ميكونش يقصد أو يمكن يكون يقصد بس دي حاجة هتكون تدل عن شخصيته هو مش شيء يخصك انت و في النهاية صدقني أنو حاول متاخدش الموضوع بجدية واحدة واحدة اكيد مش مرة واحدة لحد ما هتلاقي نفسك بقيت خلاص مش مهتم لنظرة فلان أو أياً يكن
تم النشر الخميس، ١١ ديسمبر ٢٠٢٥
لعرض السؤال في فدني اضغط هنا