حلمت انى كنت ماشيه ف الشارع وحد غريب سألنى مش فاكرة كان طفل ولا كبير ولا اي بالظبط قالى انتى ساكنه ف المكان الفلاني قولتله لأ ومشيت وكنت فاضيه مش معايا حاجة فجأة ظهروا طفلين بعجلة خطفوا مني لعبه بتنور عندي ف الحقيقه وانا اصلا كنت فاضيه معرفش اخدوها مني ازاى فقولتلهم بصوت عالي مش مهم مش عايزاها ..فرموهالي تاني
فضلت تدحرج ع الارض فمشيت وراها لحد ممسكتها وبقوم م الارض لقيت الشارع اتغير ولقيت نفسي ف مكان غريب جدا اول مرة اشوفه وف دماغي ف الحلم انه هو هو المكان اللى حد سألنى عنه وقولتله لا عليه .. فجاة لقيت نفسي مع اطفال صغيرة بتلعب لكنها مشوهه جدا وشكلها يخض فاديتلهم اللعبه وعملتلهم باي وهم كانوا طيبين ومشيت
بحاول اخرج م المكان ده وعرفت انه مش شارع ده زى ملجأ بس للمشوهين .. فضلت احاول اهرب واتسحب بهدوء جداا وكنت مرعوبة والحمدلله طلعت من باب لباب لحد باب الشارع كان مقفول بس دخلت شابه منتقبة وتقريبا لابسه ابيض وقولت ف سري ف الحلم شكل المكان ده ليه علاقه بالسحر وهى جايه تخرج العفاريت وكده المهم سابت الباب مفتوح لما دخلت
ورغم انى كنت مستخبيه ورا الباب اللى قبل الباب الخارجي خلاص وكنت قريبة جدا وجسمي ظاهر بس هى محستش بيا ولا شافتنى هى دخلت وانا خرجت بجري ومرعوبة وطلعت الشارع مش عارفة اروح من انهى اتجاة خايفة الاقى نفسي جوه تانى لحد م لقيت واحده جايه مستعجلة ولبسها شيك واكتشفت انها زميلة ليا ف ثانوي مليش علاقة بيها
سألتها اخرج من الشارع ده ازاى قالتلى معلش متأخرة وهى مستعجلة ومكشرة وكانت هتمشي وتسيبنى بس ملامحها هديت وكانت خلاص هتقولى الطريق بس صحيت ع صوت الاذان العصر قبل م تعرفنى الطريق منين علما بانى قولت هنام ساعه قبل العصر ومنمتش غير ربع وحلمت فيها الحلم ..ايه التفسير
لا طبعا. عادي يعني مش معني. عطل يكون سحر اوقات بيكون نسيان او الخلاص. لكل وقت اذان
تم النشر الاثنين، ٢٩ يناير ٢٠٢٤
ما هو التوضيح
تم النشر الجمعة، ٢٦ يناير ٢٠٢٤
فهمت ..شكرا خالص ع التوضيح الدقيق
تم النشر الثلاثاء، ٣٠ يناير ٢٠٢٤
ليه علاقه بمعاني نفسيه. هوضحلك بس افهمي. طبعا الجن كائن خفي. غير مرئ لنا وكذالك غير ملموس لنا. يبقي نحط اول معنا الخفاء... وثاني شي وده الاهم. طبعا الجن شغلته الاغواء. والتضليل. وهنا لازم يحضر رمز العقل. طبعا كل انسان. عنده فضول. يكتشف مستقبله. ازاي يحقق مشروع زواج ازاي يوصل لعمل او هدف معين. هنا حب استطلاع وفضول من النفس تكشف مستقبلها رموز العقل المبشره كتير. لكن هنا بحلمك مجرد تعبيرات نفسيه. بمعنيي. جن. هو جنون ودي معاني. ازاي!.؟ زي ما وضحنا رمز العقل. هو العلم بتكوين مناسبه او هدف. هنا بقي الجن عكس 🙃. ده جن جنون. ما ترغب النفس بمعرفته لسه مجهول عنها وخفي. حتي في حلمك نلاحظ. وجود الصاله ك رمز. طبعا الصاله. ديما معروفه انها استقبال ضيوف. لخطبه او غير ذالك الخلاصه. عقلك الباطن. يتسائل. متي يتم تحقيق لقاء مرغوب. والحلم. يعبر ان هذا. ما زال خفي حاليا. عموم دي احلام نفسيه. لا تفسر علي المستقبل بشئ. والله اعلم. ارجو ان تصلك رساله المعني
تم النشر الثلاثاء، ٣٠ يناير ٢٠٢٤
طب انا حلمت امبارح بإن فى جن ف البيت والابواب بتتفتح لوحدها وكنت بحاول اقنعهم ف البيت بس محدش مصدقنى لحد م فجأة اتشديت من رجلى وبتجرجر ع بطني ف الصالة واترميت جامد كده ..انا مشوفتهمش لكن شايفة الحاجات بتتحرك وبتحصل لوحدها .. هل ده حديث نفس من كلامنا ع السحر مثلا ولا له علاقة؟
تم النشر الثلاثاء، ٣٠ يناير ٢٠٢٤
اعطال يعني ايه ؟ .. سحر وكده؟
تم النشر الاثنين، ٢٩ يناير ٢٠٢٤
يعني تاخر موضوع الزواج. ومش شرط تعارف ممكن كلام بخطبه بس لم يكتمل ده حلم نفسي العقل الباطن يناقش. امنيات النفس في عالم الاحلام. وممكن امور عمليه بردو فيها بعض الاعطال
تم النشر الأحد، ٢٨ يناير ٢٠٢٤
استأذنك انا مش فاهمة كويس يعنى ايه تعارف من أجل خطبة؟ .. انا محصلش معايا حاحة زى كده ف الحقيقة .. ويعنى ايه اعطال الامور الزوجية؟
تم النشر الأحد، ٢٨ يناير ٢٠٢٤
الحقيقه هو حلم نفسي والواضح. منه انه كان تعارف من اجل خطبه. وكل حوار الحلم عن كيفيه تحقيقها يعني بمعني ادق. عقلك الباطن بيراجع. اعطال الامور الزوجيه بس الجزء من اول صديقه الدراسه هو مبشر لتفهم اكتر للامور. ولله العلم
تم النشر الجمعة، ٢٦ يناير ٢٠٢٤
للاسف مش فاكرة اسمها بردو
تم النشر الجمعة، ٢٦ يناير ٢٠٢٤
زميله الدراسه اسمها ياريت
تم النشر الخميس، ٢٥ يناير ٢٠٢٤
لا تمام كده. هو حلم نفس وانتظري التوضيح
تم النشر الخميس، ٢٥ يناير ٢٠٢٤
ممكن اسمي ؟ لانى معرفش اسماء اى حد ف الحلم
تم النشر الخميس، ٢٥ يناير ٢٠٢٤
عزباء ،٢٦ سنة
تم النشر الخميس، ٢٥ يناير ٢٠٢٤
حالتك الاجتماعيه والعمر +اسم اي شخص معلوم فالحلم
تم النشر الخميس، ٢٥ يناير ٢٠٢٤
لعرض السؤال في فدني اضغط هنا