السلام عليكم ورحمه الله وبركاته
انا في ثالثه ثانوي باخد دروسي في البيت والنظام ده مريحني اكثر من السناتر لكن الحاجه اللي بتضايقني هي اني باجي فجأة كده واوقف انا ماشيه يومي عادي تمام الاقي نفسي وقفت في النص يعني انا حاطه مثلا ثلاث حاجات هعملهم أساسيين ممكن اعمل حاجه منهم واجي في نص الثانيه الاقي نفسي فصلت ومش قادره اكمل
انا مش عارفه ده من ايه يعني هل المذاكره بالليل هي اللي بتعمل كده بس انا ما بعرفش اذاكر بالنهار خالص بعد الفجر يعني الصبح بفضل اني اذاكر بالليل وآخري الفجر يعني بس انا ليه بفصل في النص مع اني باخذ راحه في النص كده عادي ما بين كل حاجه وحاجه بخلي كده بريك
وعلى طول بحس ان انا اللي بعمله قليل مع اني عامله جدول وماشيه عادي زادي قليل يعني لكن بجد بحس ان لازم اكون باب المجهود اكثر علشان انا اصلا باخد في البيت علشان اعمل اكتر من بتوع السنتر يعني مثلا اصلا الغايه من ان انا آخد في البيت هي اني اوفر وقت اكثر بس انا مش بجد بتعب بسرعه مش عارفه ليه
عيزاكي متقلقيش خالص كل دا طبيعي ومش انتي لوحدك اللي بتحسي بدا كلنا والله اهم حاجة تكملي صدقيني الاستمرارية هي سر النجاح حتى لو مش متأكدة من اللي جاي حتى لو مش قادرة حتى لو مش هتنجزي كتير المهم متقفيش ومتنسيش تدعي ربنا بالحاح انه يحققلك كل اللي بتتمنيه وربنا ارب يوفقك ويوفقنا كلنا
تم النشر الأحد، ١٤ ديسمبر ٢٠٢٥
طبيعى جدا الشغف يروح او يخف من الارهاق او الزهق او زياده المجهود الذهنى .... مش هيحصل حاجه لما يوم مثلا متفتحيش اى كتاب وتتمشى شويه وتتفرجى على فيلم حلو .... مطلوب مثلا تغيرى مكان المذاكرة ... ممكن تدخلى المكتبة وجددى شغفك بشويه ادوات مكتبيه تفتح نفسك .... متركزيش وعدى الدنيا باى من الطرق من اللى بقترحها عليكى او لو عندك مقترح جديد ... عادى جدا اللى انتى بتحسى بيه... جددى الشغف... عدم مرواح سناتر على قد ميزته على قد عيبه ان حرفيا مش فى اى وسيله تقدرى تجددى نشاطك بيها او ترفهى عن نفسك ... ربنا يوفقك يارب 🌹
تم النشر الأحد، ١٤ ديسمبر ٢٠٢٥
أظن أنك لازم تتعودي تذاكري بالنهار عارف أنه صعب لكن عشان دماغك يسستم نفسه أنه وقت النهار فيه كل التركيز عشان دا الي بتمتحني فيه فا بحالتك دلوقتي لما تجي امتحاناتك هتلاقي تركيزك وأنتِ بتحلي ضعيف لأنك أصلاً متعوده يكون تركيزك بالليل والنهار هو الوقت الي بتنامي فيه فعقلك من غير وعي مش هيركز حتي لو شربتي قهوه أو أي شئ والرسول صلى الله عليه وسلم قال (بورك لأمتي في بكورها) الرسول عمره ما يقول حاجة خطأ دا فا الصحيان بدري مهم عارف أنه صعب لكن لازم تحاولي، ثانياً أنا من رأى الدراسة العميقة أفضل من الراحة كل شويه، الدراسة العميقة بتعود عقلك على التركيز لمدة طويلة وتخليكي تربطي المعلومات ببعضها بدل الراحة كل شويه الي بتعود عقلك التركيز لمدة قصيره وبعدين يرتاح ودا مش هيساعدك أبداً في الإمتحانات وحاولي تخلي المواد الي في جدولك مش كثيره عشان متتعبيش بسرعه وتذاكري لأطول فتره وقللي استخدام الفون عشان بيعود عقلك علي المعلومات السريعه ويخلي المذاكرة بالنسبالك ممله وحاولي تستمتعي بالمذاكرة عارف أنه صعب لكن الحاجة الي بتحبيها بتبدعي فيها لأقصى شئ ووفقك الله
تم النشر الجمعة، ١٢ ديسمبر ٢٠٢٥
ده طبيعي من توتر وكل ما تقربي من امتحان هتحسي كده بس انتي قومي وفكري دايما انها فترة مؤقتة عشان تحققي الهدف الي عايزاه وكل نص ساعة خدي بريك ٥ دقايق امشي حركي جسمك بس بمنبه عشان متسرحيش وكملي مذاكرة.... وربنا يوفقك وتحققي كل الي تتمنيه ❤️🌱
تم النشر السبت، ١٣ ديسمبر ٢٠٢٥
نفس النظام الواحد فاقد الشغف
تم النشر الاثنين، ١٥ ديسمبر ٢٠٢٥
لعرض السؤال في فدني اضغط هنا