السلام عليكم ورحمه الله وبركاته
النهارده حصل معايا موقف تمام هي بنوته فانا عارفاها معرفه سطحيه البنت شتمتني وقالت لي خدي بعضك وامشي قلت لها أنت قليلة الذوق ردت البنوته عليا وقالتلي انتي اللي قللت الذوق تمام ما ردتش . فاتضايقت لما رجعت البيت نزلت استوري عن قله الذوق ردت عليا دلوقتي بتقول لي انا خصيمتك يوم الدين
دلوقتي انا اصلا ما عملتلهاش حاجه ما عملتلهاش حاجه خالص كنت دايما بحاول اتجاهلها بس هي دائما بتحاول تشوف اي حاجه بحيث انها تتخانق معايا.
أنا مش عارفه اعمل ايه وانا عارفه ان انا غلطت بسبب الاستوري بس بجد انا كنت اتضايقت جدا بجد يا جماعه حركات مقرفه قوي بصراحه فلما قالتلي كده زعلت اووي وحسيت وقتها بالذنب بس انا فعلا انا بالفطره انا بطبيعتي لا عمري زعلت حد ولا ضايقت حد ولا شتمت احد ولا كان ليا دعوه بحد دايما وأسأل واسامح واتظلم واسكت.
فانا مش عارفه اعمل ايه عارفه اعمل ايه؟
كنت عايزه اعرف هل لما مثلا حد هو بيقول لنا كده ربنا بيمنع استجابه الدعاء بتاعنا المهم ان في الاول وفي الاخر انا وضحت لها وجهه نظري وهصالحها مع ان انا مش مطلوب مني اصالحها لان انا اللي اتشتمت منها انا اتشتمت منها اصلا وقدام بنات كثير وانا ما ردتش عليها قلت لها بس انت قليله الذوق. وبس كده.
السلام عليكم و رحمة الله، هي ممكن ادايقت لأنها فهمتها انك بتلقحي بالكلام ، بغض النظر إن كان ده قصدك أو لاء ، فالصح إنك تصالحيها بالطريقة اللي تشوفيها مناسبة ، و بعدها أبعدي طالما أنتِ شايفه إن الموقف كان مؤذي بالنسبالك و إنك مش متقبلة التعامل بالشكل ده ، بس الفكرة هنا إنك تبعدي بإحترام من غير خصام او غيره لقوله تعالى [وَاصْبِرْ عَلَىٰ مَا يَقُولُونَ وَاهْجُرْهُمْ هَجْرًا جَمِيلًا] ، حتى لو أنتِ الصح في الموقف ده قال رسول الله ﷺ: «أنا زعيم ببيت في ربض الجنة لمن ترك المراء وإن كان محقا» فالصح إنك تسيبي الجدال في أمر مين الصح فيكم ، و تبادري بالصلح قال رسول الله ﷺ: "لَا يَحِلُّ لِرَجُلٍ أَنْ يَهْجُرَ أَخَاهُ فَوْقَ ثَلَاثِ لَيَالٍ، يَلْتَقِيَانِ فَيُعْرِضُ هَذَا وَيُعْرِضُ هَذَا، وَخَيْرُهُمَا الَّذِي يَبْدَأُ بِالسَّلَامِ"
تم النشر الأربعاء، ٢٤ ديسمبر ٢٠٢٥
وعليكم السلام ورحمة الله وبركاته يا عزيزتي 🌸 أولاً، أشعر بضيقك تمامًا، وده شعور طبيعي لما حد يعاملنا بقسوة ويحاول يجرنا للخصام. أنتِ بنت طيبة بفطرتك زي ما وصفتِ نفسك – دايمًا تسامحي وتسكتي وتتجاهلي – وده خلق كويس جدًا في الإسلام، زي قوله تعالى: "ادْفَعْ بِالَّتِي هِيَ أَحْسَنُ" (سورة فصلت:34). ردك الأول كان هادئ وما رديتِ بالشتم، وده صح. الستوري كان رد فعل عاطفي من الضيق، بس أنتِ صلحتِها ووضحتِ وجهة نظرك – برافو عليكِ، ده خطوة كبيرة ومش مطلوبة أصلاً لأنك اللي اتشتمتِ قدام ناس! بالنسبة للشعور بالذنب : خليه يروح، يا قمر. أنتِ مش غلطانة في الدفاع عن نفسك بأدب، والصلح خلص الموضوع. لو لسة مضايقة، قولي لربنا "أستغفرك يا رب" وادعيله يهدي قلبك وقلبها، وخليها تتحمل مسؤولية كلامها. هل كلامها يمنع استجابة الدعاء؟ لا خالص! الدعاء يستجيب بالإخلاص والتقوى، مش بكلام ناس. قال النبي ﷺ: "الدُّعَاءُ مُخُّ الْعِبَادَةِ" ، فادعي بقلب مطمئن، ربنا أكرم وأرحم. إيه تعملي دلوقتي؟ تجاهليها نهائيًا : لو بتحب تتخانق، سيبيها في عالمها. حظر أو mute على السوشيال، وخلي حياتك أجمل بدون سموم. ركزي على نفسك : اكتبي 3 حاجات إيجابية عملتيها النهارده، واقري قرآن شوية (سورة الشرح حلوة للضيق). لو عايزة دعم أكتر : ابحثي في فدني عن "التعامل مع الناس السلبيين" أو روحي لصفحة الخبراء https://www.fedni.net/experts، فيه متخصصين نفسيين هيساعدوكِ. أنتِ قوية وطيبة، وده هيجذب ناس أحسن إن شاء الله. استمري كده، وربنا يريح قلبك يا رب 💕 إيه رأيك، حاسة براحة شوية؟
تم النشر الأربعاء، ٢٤ ديسمبر ٢٠٢٥
لعرض السؤال في فدني اضغط هنا