إزاي يقدر الإنسان يبدأ ياخد خطوه يتخطى حاجات جواه مش قادر يتخطاها؟
مرحبًا ! سؤال مهم جداً، وأنا سعيدة إنك طرحتيه. تخطي الأشياء اللي جواكي مش سهل، لكنه ممكن وبخطوات بسيطة وواقعية ممكن تساعدك تتحرري منها وحدة وحدة. خليني أساعدك بتقسيم الموضوع لخطوات عملية: الاعتراف بالمشكلة أول خطوة هي إنك تعترفي لنفسك إيه بالضبط اللي قاعد يمنعك أو يضايقك أو بيخليك مش قادرة تتخطي. سواء كان خوف، ألم، حسرة، أو حتى موقف وقع في الماضي. التعبير عن المشاعر مش لازم تبقي قوية على طول، التعبير عن مشاعرك بطريقة صحية مهم جداً. اكتبِ مشاعرك في ورقة، أو اتكلمي مع شخص تثقي فيه، أو حتى مع نفسك بصوت عالي. في الإسلام، الدعاء والاستغفار كمان بيخففوا القلب. التعامل مع المشاعر بدل القمع مش عيب إن البنت تحس بالوجع، لكن مهم تدي لنفسها فرصة تشوفه وتحاول تفهمه بدل ما تكتمه. ربنا عز وجل خلقنا مشاعر لنستخدمها، مش عشان نخاف منها. وضع أهداف صغيرة عرفي لنفسك خطوة صغيرة جداً وسهلة ممكن تعمليها لتتقدمي. مثلاً: لو خفتي من شيء قديم، جربي تعملي حاجة بسيطة بتدخلك في الموقف بشكل تدريجي ومن غير ضغط. التوجه لطلب العون مش غلط إنك تطلبي مساعدة من أهل خبرة. يمكن تحتاجي تتحدثي مع مستشار نفسي أو مدرب حياة يساعدك تنسقي مشاعرك وأفكارك بشكل أفضل. الصبر والاستمرارية الأمور تختلف في كل يوم، وممكن تحسي بتقدم ثم بتراجع، وهذا طبيعي جداً. استمري وكوني لطيفة مع نفسك. ولازم تذكري دايمًا ــ ربنا ما يضيع عبده اللي بيسعى يغير نفسه للأفضل أبداً. الدعاء والاستعانة بالله قوة عظيمة لكل خطوة. هل تحبي أساعدك أكثر في تنظيم خطة خاصة بحالتك؟ أو تحبي توصية لخبراء في مجال الدعم النفسي من خلال فدني؟ دايمًا أنا هنا معاكِ. ❤️
تم النشر الخميس، ١٢ يونيو ٢٠٢٥
السلام عليكم جميل السؤال جدا التخطى يبدأ من المواجهه واالتقبل مش محتاجين نقول ياريتها ما حصلت محتاجين نقول هى حصلت وبس محتاجين نشوف وقتها حسينا بايه واتصرفنا و لو زعلانين من نفسنا ..نعرف اننا وقتها اتصرفنا على قد ما نملك من فكر وقدرات واننا حاليا اتطورنا او قررنا نتطور عشان نساعد نفسنا افضل
تم النشر الخميس، ١٢ يونيو ٢٠٢٥
السلام عليكم و رحمه الله و بركاته من وجهه نظري الشخصيه بشوف إن التخطي بيجي لما الإنسان يوقف تفكير عن الموقف أو التجربه الفاشله و أياً كان الحاجه الي مر بيها بالأصح يملي وقت فراغه و ميديش فرصه لعقلو إن يسترجع ذكريات مؤلمه ، لإن لو الإنسان مش قادر يتخطى موقف معين و تجربه و قعد يفكر فيها هيفضل يكبر الموضوع في عقله و يتعب نفسيته و ساعتها هيبقا مُرهق إن يكمل او يدخل في تجربه تانيه و هيكون الإنسان ده ضحيه أفكاره المُهلكه و مش هيقدر يقف على رجليه من جديد ،، من رأيي المفروض الي عايز يتخطى تجربه ، في البدايه يقضي على وقت فراغه بالرياضه أو الأنشطه المختلفه التخليه ميفكرش في أي حاجه حصلت بشكل مؤقت ، بعدها لما يمر وقت إلى حد ما كويس يرجع يكون استوعب الي حصله و جمَّع نفسه ، هيلاقي إن هو كان مكبر الموضوع و إن الحياه بتستمر ، ساعتها بردو عقلو هيكون متعودش يفكر في التجربه السيئه دي كتير و هيكون مع الوقت سهل ينساها مش بس يتخطاها ،، مثال لما حد عزيز على حد بيتوفى ، بيقعد فتره كبيره الشخص ده مش مستوعب فُقدانه و لو الإنسان ده قعد لأفكاره هيفضل عقله يسترجع الذكريات الحلوه مع الشخص ده و قد إيه هو كان طيب و ازاي مش هيشوفه تاني لدرجه الموضوع ممكن يوصل للإنتحار لإن خلاص عقله سيطر عليه و اقنعه ان الحياه مش هتكمل بدون الشخص ده ، لكن لما الإنسان ده بعد شهر او حتى أسبوع يقرر يقعد مع حد تاني بيحبو و يحكي معاه او حتى ياخدو ف حته حلوه بيحب يقعد فيها وقتها هيبقا كل الي مبينهم إنهم بيذكرو المتوفي ده بالخير و بعدها بيدخلو في نقاشاتهم سوا ساعتها مش هيبقى في فُرصه لوساوس العقل تسيطر عليه و هيقدر يجمَّع نفسه و يركز فيما هو مُفيد لنفسه و للشخص الي فقده ذي إن يعمله صدقه جاريه و يدعيله ،، في الحقيقه الحياه بتستمر و كلها تجارب بعضها ناجح و بعضها فاشل و الفَقد شيء لا مفر منه ، و كل ده هيدركه الإنسان بعد ميعدي مُده كافيه عقله مفكرش فيها في الموقف او التجربه الي حصلتله ،، و اتمنى أكون أفدتك و بالتوفيق
تم النشر الأربعاء، ١٨ يونيو ٢٠٢٥
لعرض السؤال في فدني اضغط هنا