ماذا أفعل في هذه المسألة وما معنى هذه الأحلام؟

Question

السلام عليكم أنا بنت 18 سنه من أسرة محافظة والحمد لله اخويا طالب طب وأنا داخلة تالتة ثانوي واخويا الحمدلله على دين وخلق وصحابو كلهم نفس شخصيتو في يوم كان عامل شنط واكياس لرمضان وأنا ساهمت وكان جاب واحد صحبو البيت لأنه مساهم معاه والشب ده نام في بيتنا وبالغلط بليل أنا كنت في المطبخ وهو كان رايح الحمام وشايفني ومكنتش وقتها بالحجاب أو متسترة وللأمانة الشاب كان محترم وغض بصره واستغفر ودخل وقفل الحمام لغاية ما أنا روحت اوضتي وبعدها الشب رجع بيتو وأنا نسيت الموضوع وبعدها بفترة مش بعيدة رقم غريب كلمني على الواتس وقالي ان فلان ابن فلان قال له اني عايزة اكلمو أنا استغربت أولا لأن فلان ابن فلان ده نفس الشخص صديق اخويا واستغربت كمان لأن أنا رقمي مش مع حد نهائي غير كم بنت في مدرستي قلت للشخص ده اني مقولتش حاجه لحد واني زي اخته وعايزة اعرف وصل لرقمي منين كان بيتجاهل كل اسئلتي ويفضل يقول والله أنا فلان ابن فلان عطاني رقمك وأنا فكرتك معايا في الجامعة ولا حاجه ويحاول يفتح كلام معايا عملت بلوك وكلمت والدتي بهدوء وهي اتصلت بالرقم وفضلت تقولو بهدوء أنا عاقبت بنتي لمجرد انها ردت عليك اتمنى تعتبرها اختك ورقمها ميوصلش لحد والشب كان محترم واعتذر وامي قالتلي أنا عارفة صوتو كويس واسلوبو ده نفس الشب صديق اخوكي وبلاش تعملي اي حاجه حتى لو حركة صغيرة ممكن تأذي بيها اخوكي وسط صحابو وفعلاً الموضوع مر على خير وبعدها بفترة لاحظت ان نفس الشخص صديق اخويا فلان ابن فلان بيدخل اكونت التيك توك بتاعي واعتقد وصل للاكونت بتاعي علشان دايما بتفاعل على ڤيديوهات اخويا وكنت بلاحظ انه كل يوم أو اتنين أو اسبوع فلان زار ملفك الشخصي حذفت التيك توك نهائي تجنباً للمشاكل وأنا مقتنعة ان اكيد أنا بتوهم وان كل ده محض صدفة لأن ماشاء الله الشب جميل جداً وخلوق ومتدين ومحترم وابن ناس محترمين بعدها بفترة الشب جه بيتنا تاني مع اخويا وقدمتلهم كيك وعصير وقتها كان اخويا الكبير طلع برا البيت مع امي وفضل اخويا الأصغر وقفت برا اوضة الضيوف عشان مظهرش وقدمت الصينية لاخويا الاصغر وقتها سمعتو بيسأل اخويا مين عمل الكيك اخويا قال اختي لأنها بتحب تطبخ قالو ماشاءالله وسكت وبعدها بفترة اخويا الكبير جه يسألني تعرفي محلات ملابس بنات كويسة قولتلو لمين قالي فلان صحبي عايز يشتري ملابس لاختو زيك أنا قولتلو كذا اسم وسكت وبدأ يكبر جوايا احساس هو في ايه كل دي صدف وليه الرقم اللي دخل كلمني قال فلان ابن فلان بالذات وليه امي لما كلمتو وسمعت صوتو قالت ده نفسو فلان وامي قالتلي عينو منك واوعي تعملي حاجه تأذي اخوكي سكت وبقيت لو شوفت فلان ده في شارع في المدينة اغير الشارع بهدوء عدت فترة وأنا نسيت الموضوع نهائي لغاية ما حلمت كذا حلم بالشخص ده كانت احلام عادية كنت بشوفو بيضحكلي وأنا مبتسمة اخر حلم كان النهارده الصبح حلمت انه كان هنا هو واختو وأنا شوفتو نايم على سرير في اوضتي فضلت اتأمله بعدين انتبهت لاختو اللي واقفة على التسريحة بتاعتي وبتلعب في التوكة بتاعتي والدبدوب بتاعي فضلت اضحك معاها والعب أنا وهي وهي ماسكة في ايدي جامد بعدين فلان ده صحي وقام فضل يلعب معانا في الاخر انتبهت ليه بيبصلي ويضحك بصيت لنفسي وانتبهت اني مش متسترة وشعري باين قومت ادور على خماري بسرعة وهو يضحك قومت من النوم وأنا زعلانة وقررت اقعد مع نفسي واتكلم لوحدي ليه بعد الفترة دي زار احلامي تاني وبعدين قولت الحلم مش بيدي دي حاجه من عند ربي بعدين أنا حاسة ان فيه مشاعر بدأت تكبر جوايا لفلان ده وخايفة أوي ومش عارفة اتصرف ازاي لأن مفيش حاجة احكيها لأمي هقولهااي الموضوع غريب ومربك اتمنى لو حد تفرغ يقرأ الكلام ده وينصحني هكون شاكرة له والسلام عليكم ورحمه الله

Accepted Answer

في الحقيقة هو معجب مش أكتر. ولو إنسان خلوق ومتدين زي ما قولتي؛ مكنش نام عندكم في بيتكم؛ لأن دي مش صفات المتقين المحافظين على نهج الرسول - صل الله عليه وسلم- ... يعني مثلاً خليني هتعزم عند واحد صحبي والبيت بتاعهم بيت عيلة. يعني فيه أخت وأم وأخوات وعورات. يستحيل الشخص المتدين ده يقبل بدخول البيت أصلاً لسبب واحد؛ لأنه هيبقى عارف أن البيت ده فيه ما لا يجوز معاشرته... فخلينا نقول مثلاً أنه جه عندكم مرة، وبالغلط حصل اللي حصل ده. تمام؟ ايه اللي يخليه ييجي عندكم تاني مادام عرف أن هنالك حرمات الله؟ (يبقى دي أول نقطة نحطها على السطر). طب فيه ايه كمان؟ فيه أنه جاب رقمك وكلمك ودي في حد ذاتها جريمة تسمى بخيانة الأمانة. (يبقى دي تاني نقطة نحطها على السطر)... طب خلينا نقول أنه شاب ومعجب وطايش والكلام بتاع الناس ناقصين الدين دول. أيه اللي يخليه يهرب من سؤال: " منين جبت رقمي"! (ودي تالت نقطة نحطها على السطر واسمها؛ (معدوم الصراحة والصدق). طب ايه الحل؟ أنك تصلي ركعتين وتقولي: " اللهم أصرف عني كل شر أنت أعلم به مني، وقرب إلي كل خير يصلح به شأني، اللهم أرزقني الهدى والتقى والعفاف والغنى، وأرزقني الزوج الصالح الذي لا يفسد أمري، وأسالك ذرية صالحة تقر بها عيني" ودي نصيحتي ليكي لوجه الله تعالى. وقد يعلم الله أني أريد لكِ كل خير. وأن ما قولته يشهد عليه ربي، بأنه نابع من قلب أخ ناصحاً لأخته. عليكِ بتقوى الله أختاه، وتذكري أن كل كلمة ستحاسبين عليها وقد علمتِ الحق من الباطل. " اتركيه سريعاً وفري إلى الله، هو خير رشيد وخير دليل وخير حفيظ وخير قريب" سلي الله يعطيكِ ما تسألبن. (في حفظ الله).

Answer

وعليكم السلام ورحمة الله وبركاته، أختي العزيزة، شكرًا لك على صراحتك ومشاركتك هذه التفاصيل الدقيقة — وهذا دليل على وعيك وحرصك على التعامل مع مشاعرك بمسؤولية ونضج. سأحاول أن أساعدك خطوة بخطوة، فلا تقلقي. أولاً، أود أن أطمئنك وأقول لك إن الأحلام ليست بالضرورة تعبيرًا دقيقًا عن الواقع أو نوايا الأشخاص، وليس بالضرورة أن تدل على ما تشعرين به أو ما يفكر به الشخص الآخر. ثانيًا، بخصوص مشاعرك تجاه هذا الشاب: من الطبيعي جدًا أن تنمو مشاعر تجاه شخص جميل، خلوق، ومتدين، خاصة وأنه صديق لأخيك وتعرفي عنه جوانب إيجابية فيه. ولكن بما أن الأسرة محافظة، ومن المهم جدًا احترام حدود الحياء والاستعفاف، فلا تتسرعي أو تسمحي للمشاعر بأن تؤثر على قراراتك أو سلوكك. وجود مشاعر هو أمر إنساني طبيعي، وأنصحك بأن تحتفطي بسلوكك الحذر، والوعي بأن علاقتك به يجب أن تكون ضمن حدود الأدب والاحترام، خاصة في بيئة أسرية محافظة. ثالثًا، بالنسبة إلى مخاوفك من التواصل أو تضارب المواقف: ما قام به الشاب - مثل الدخول على حسابك في تيك توك أو محاولة التواصل - قد يكون مزعجًا وغير مناسب، وأنت فعلتِ التصرف الصحيح حين امتنعتِ ورددتِ على الموقف بحذر وبمشورة والدتك. الحفاظ على الخصوصية أمر مهم جدًا، واحفظي حساباتك من الزيارة غير المرغوبة كما فعلتِ. كذلك، أظن أن والدتك كانت حكيمة جدًا حين نصحتك بعدم فعل أي شيء قد يؤثر سلبًا على سمعة أخيك أو مكانته أمام أصدقائه، وهذا يدل على حرصها عليك. رابعًا، كيف تتصرفين الآن؟ في الإسلام، الحياء والعفة هما خير وقاية وأساس لبناء العلاقات السليمة. ركزي على دراستك وطموحاتك الشخصية، فمرحلة الثانوية مرحلة مهمة جدًا لبناء مستقبلك العلمي والمهني. في حال شعرتِ أن المشاعر تتزايد وتحتاج لمواءمة أو نقاش، لا تترددي في طلب استشارة من خبير نفسي أو إسلامي في هذا المجال، وبهذا يمكنك استيضاح الأمور بشكل شخصي وآمن. وأخيرًا، أفضّل ألا تبالغي في متابعة أفكارك واتخاذ قرارات مستعجلة مبنية على حلم أو حديث غير واضح. استمعي إلى قلبك واستشيري دائمًا أهلك واعملي على بناء نفسك روحيًا وعلميًا. إذا كنتِ ترغبين، يمكنك زيارة صفحة الخبراء في فدني للاطلاع على استشارات اختصاصيين في المجال النفسي أو الاجتماعي، قد يساعدوك في التعامل مع مشاعرك بهدوء وثقة. ولا تنسي، أنكِ في عمر يزخر بالفرص والطاقة، والله معكِ دائمًا. إذا أردتِ المزيد من الحديث أو النصائح، تفضلي بالسؤال، وأنا هنا لمساعدتكِ برحابة صدر. دمتِ بخير يا أختي ذكية 🌸

ماذا أفعل في هذه المسألة وما معنى هذه الأحلام؟

اجتماعية

سؤال من احد أعضاء فدني

تم النشر السبت، ٢٦ يوليو ٢٠٢٥

2 إجابة

4 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك