السلام عليكم بتمنالك حاليا ياللي بتقرا الرسالة كل الخير
انا محتار نفسي استشعر رضا ربنا عني انا كنت ملخبط اوي في حياتي وعملت حجات كتير غلط وانا حاليا رجعت اصلي بحاول اقرب من ربنا نفسي قلبي يطمئن مش عارف انا خايف قولي علي حلول اقرب بيها اكتر (وكأن الحياة بين ماضي وحاضر شئ ينتهي وشئ يبدا وانا تائه فأرجو من الله صلاح الحال لكم ولي. )
عودتك وتيسير طريق الصلاح والهداية ...رضا من ربنا انك لسه عايش وربنا بيبعتلك تنبيهات وعلامات يفوقك بيها ويرجعك للطريق الصح ...رضا من ربنا حب ربنا ليك ورضاه عنك هتشوفه فى كل حاجة حتى الحاجات الصعبة اصل ربنا ممكن يصعب عليك امر ما ..عشان الامر ده فيه شر ليك ...فيصعبه عليك عشان تبعد عنه.....عشان هو راضى عن توبتك وبيساعدك فيها رضاه عنك هتشوفه فى سلامة صدرك ...فى انك متكونش زعلان على اللى راح مهما كان مغرى لشهواتك .. رضاه فى دعوات تسمعها من ناس متعرفكش اصلا رضاه هتلاقيه فى انه يبعتلك ابواب حسنات لحد عندك عشان يعلى من درجتك . رضاه فى رزقك فى االناس الحلوه اللى حواليك من اجمل الايات بالنسبالى فى القرأن ( وَالسَّابِقُونَ الْأَوَّلُونَ مِنَ الْمُهَاجِرِينَ وَالْأَنصَارِ وَالَّذِينَ اتَّبَعُوهُم بِإِحْسَانٍ رَّضِيَ اللَّهُ عَنْهُمْ وَرَضُوا عَنْهُ وَأَعَدَّ لَهُمْ جَنَّاتٍ تَجْرِي تَحْتَهَا الْأَنْهَارُ خَالِدِينَ فِيهَا أَبَدًا ۚ ذَٰلِكَ الْفَوْزُ الْعَظِيمُ (100) ) ربنا جل جلاله ...هيكون راضى عن كل دول اللى احنا مش منهم ....بس ومعاهم والذين اتبعوهم باحسان ( نشوف كانوا بيعملوا ايه ونحسن فيه كمان )...ومش بس هيرضى عنهم ...ده كمان هيسألهم اذا كانوا راضيين عن مكافأته ليهم ولا لا . فقط احسن العمل واخلصه لله ...وباذن الله تكون من الذين رضى الله عنهم ويتقبل منك ويمحو كل سيئة لك
تم النشر الأحد، ٢٠ أغسطس ٢٠٢٣
كفايه انك رجعت لربنا وعرفت غلطك وصلحت وانت لسه بتحاول ده دلائل على الصلاح بدون رياء طبعا ولو عايز تكتر من عبادتك للله وتقوي نفسك على المعصيه اعمل حاجه كويسه فى خلوات ده هيحسسك دايما انك مابينك وبينه خفيه هو بس يعلمها ولو عملت ذنب لاقدر الله توب علطول والشيطان اعذنا الله منه يجيلك يقولى يامنافق تف عليه و اعمل طاعه زياده عن يلى كنت بتعملى عشان تحرم تعمل تانى وكل مره يجيلك فكره عمل الذنب غير وضعيتك لو فى غرفه اطلع وسبح وتوضا او العب رياضه او اخرج بره ان شاء الله تروح تلف حولين البيت هتكون نسيت انت كنت هتعمل اي اصلا ودعى ربنا "يامثبت القلوب ثبت قلبى على دينك"
تم النشر الأحد، ٢٠ أغسطس ٢٠٢٣
لعرض السؤال في فدني اضغط هنا