انا بجد زهقت من كل حاجه حواليا انا في ضغط نفسي وداخلي تعبت من كل اللي حواليا كل يوم بخسر حاجه ومحدش حاسس بيا وكل ما اتعشم في الناس برجع اتخذل ومش بتعلم ومفيش حد فهمني
بجد اليومين دول يارب يعدوا علي خير بقالي فتره باخد كل حاجه على أعصابي ومش طايقه كلمه من حد وزهقانه طول الوقت وعاوزه أعزل عن كل الناس ومش عارفه اخد خطوه في حياتي من ناحية اي حاجه جوايا كميه تعب وارهاق انا كل ما أبدأ اتغير الاقي نفسي
وصلت لنقطة الصفر تاني دماغي فيها ضجه ومش مريحاني ومبقتش اثق في أي حد وصلت لمرحله اني فقدت شغغي بجد من ناحية كل حاجه وعلى طول في اكتئاب ومش عارفه اخرج منه ومش لاقيه حد اتكلم معاه ولايسمعني ويديني طاقه ايجابيه
أنا عارف إنك تعبانه وتعبانة بزيادة، للدرجة اللي مش قادرة توصفـي فيها إنتي بتنهاري كل يوم إزاي، بس بتظهري قدام الناس عادي… ولا كأن في حاجة جواكي دوشة، صداع، همّ متكوم على قلبك ونفسك حد يسمعك، بس كل ما تفتحي قلبك، الناس تدخل بـ"سكينة" مش بكلمة طيبة إنتي مش مجنونة، ولا درامية، ولا زيادة عن اللزوم زي ما بيقولوا إنتي بس بقالك كتير مش حاسة إن في حد ماسك إيدك بجد كل ما تتعشمي، تتخدعي وكل ما تتغيري، ترجعي من الأول وكل يوم تخسري حاجة… حاجة من قلبك، من ثقتك، من شغفك وإنتي ساكتة… بس جواكي حرب وإنتي مش لوحدك أنا معاكِ مش هقولك كلام مثالي ولا "الدنيا حلوة" ولا "ربنا كبير" وخلاص أنا هاقولك تعالي نواجه الحقيقة وواحدة واحدة نخرج من الحفرة اللي وقعنا فيها خلّي جواكي مكان لنفسك… قبل الناس اللي بيكسرنا مش قلة الناس اللي بيكسرنا إننا بندّي الناس مكان مش بتاعهم إنتي مش محتاجة تبقي مفهومة من الكل إنتي محتاجة تبقي واضحة مع نفسك: "أنا ليّا رب، ونفسي، وكفاية الاتنين دول" لو في ناس خذلتك… ما تبقيش إنتي كمان بتخذلي نفسك معاهم جربي حاجة اسمها "ورقة الهموم" كل يوم بالليل، امسكي ورقة واكتبي فيها: "النهارده وجعني كذا… وعيطت عشان كذا… وخوفت من كذا" واكتبي بعدها: "بس لسه نفسي أبقى كويسة. ولسه بحاول" هتحسي إنك بتفضي دماغك وإن في حد - حتى لو هو الورقة - شايل عنك شويّة ما تعزليش نفسك تمامًا إنتي محتاجة عزلة خفيفة، مش هروب انزلي امشي لوحدك، اسمعي قرآن بصوت دافي غيري مكانك، ريّحي دماغك بس ما تسبيش نفسك للوحدة اللي بتاكل الروح تعالي نبدأ "تحدي الشغف الضايع" كل يوم الصبح، حتى لو إنتي مكتئبة اعملي حاجة واحدة بس تفتكري إنك زمان كنتي بتحبيها اكتبي نص صغير… حتى لو سخيف غيّري هدومك، مش علشان حد، علشانك مش لازم الشغف يرجع بجنون… هو بيرجع بهدوء صلي… حتى لو مش حاسة مش لازم تبقي في قمة الخشوع بس كفاية إنك تقفي وتصلي أنا مش هقولك إن بكرا هيبقى وردي بس هقولك: بكرا ممكن يبقى أهدى لو إنتي خدتي خطوة بسيطة بس وإنتي تستاهلي تبقي كويسة حاولت اساعدك بس عارف ان كلامي مفرقش... عموما اتمنى اكون ساعدتك😁✌🏻
تم النشر الاثنين، ١٦ يونيو ٢٠٢٥
استعيني بالله وصلي كتير متفوتيش فرض اشتكي واحكي لربنا واقراي قرآن هتلاقي كل الإجابات بلاش تعتمدي علي حد وابني نفسك بنفسك ده الي بيفضل موجود مش الأشخاص وصدقيني لما تدوري علي نفسك هتلاقي مليون شخص في طريقك نفسه يكون جمبك في طريقك
تم النشر الجمعة، ٢٠ يونيو ٢٠٢٥
أختي العزيزة، أشعر جدًا بمدى التعب والضغط الكبير اللي أنتي بتمرّي بيه دلوقتي، وكلامك يعكس قصة إنسانة بتحارب بكل قوتها عشان تلاقي بصيص نور وسط كل الصعوبات. أولا أحب أقولك إن مشاعرك طبيعية جدًا، وأنتِ مش لوحدك في الشعور بده، وده بداية مهمة جدا. خليني أساعدك بخطوات عملية ممكن تساعدك تعدّي المرحلة دي: الاعتراف بالمشاعر والتعبير عنها : مش لازم تكتمي كل اللي جواكي، حتى لو ما لقيتيش حد يسمعك، ممكن تكتبي مشاعرك في دفتر خاص، أو تعبري عنها بأي طريقة تحسيها تخفف عنك. تقسيم المشاكل وتحديد الأولويات : كل ما تكون المشاكل كثيرة، بنحس بأننا غرقانين. حاولي تحددي مشكلة واحدة أو هدف واحد عايزة تشتغلي عليه دلوقتي، وما تديش نفسك ضغط زيادة عن اللزوم. خذي فترة هدوء من الناس : عزلتك مش بالضرورة تكون سلبية، ده وقت تملكيه لنفسك تلاقي فيه السلام الداخلي. لكن خليه مؤقت مش دائم. ابحثي عن مصادر للطاقة الإيجابية : الكتب المفيدة، أو القيم الإسلامية، أو استماع لبعض التلاوات، أو مشاهدة شيء يرفع معنوياتك. القيام بخطوات صغيرة : ابدئي اليوم بحاجة بسيطة، حتى لو كانت خطوة واحدة تمشيها، أو تقوم بعمل تحبيه. حافظي على صلاتك بالله : الدعاء والذكر يشعروا الإنسان براحة نفسية كبيرة ويعطوك طاقة أمل كبيرة. لا تستسلمي : لما ترجع لنقطة الصفر، هي فرصة للبداية من جديد بقوة أكبر. كل نجاح بيبدأ بفشل أو تعب. وأخيرًا، لو شعرتِ بأن الأمور أثقلت عليك جدًا، أرجو أن تطلبي مساعدة مختصة. في تطبيق فدني موجودين خبراء نفسيين واجتماعيين ممكن يساعدوك بشكل أخصائي وداعم. يمكنك زيارة صفحة الخبراء على الرابط: https://www.fedni.net/experts وأدعوكي تتصفحي الأسئلة المماثلة في فدني، كثير من البنات مروا بالمراحل دي وشاركوا تجاربهم وأفكارهم، ويمكن تجدي نصائح تناسبك وتضيف لك دفعة قوية. أنا هنا معاكِ، ولو حابة تحكيلي أكثر أو تشاركي تفاصيل، أنا دايمًا جاهزة أساعدك وأكون سندك. ابتسمي لو قدرتي حتى، الدنيا لسة بخير 🌸.
تم النشر الاثنين، ١٦ يونيو ٢٠٢٥
انتظار شىء محدد من الحياه او من الاشخاص والاحساس بان الشىء ده صعب المنال او انه تأخر فى الوصول بيعمى عنينا عن كل الحاجات الحلوه اللى بالفعل موجوده فى حياتنا فحاليا انت بتدوري على الحاجه المحدده اللي نفسك فيها اللي تخليكي مرتاحه مبسوطه والاجواء اللي حواليك تبقى زي ما انت عايزه لكن خلينا نسال قبلها هو ايه الحاجات اللي موجوده بالفعل اللي تستدعي الانبساط للنعم اللي موجوده حوالينا ايه الحاجات اللي ممكن تكون حلوه بس احنا اتعودنا عليها يعني بقينا متعودين على احساس حلاوتها كاننا بنقول خلاص ما بقاش حلو من كتر ما هو بقى متكرر فكري كده في الحاجات دي الاول عشان نشوف هنعمل ايه
تم النشر الثلاثاء، ١٧ يونيو ٢٠٢٥
في طريقه واحده للعلاج من ده. بس مش عارف دي هتفهميها ولا لا العلاج الوحيد الذي اراه انا سياتي بثماره لاحقا هو هيجي على اكثر من جزء على سبيل المثال انا ممكن اقول اول شيء تعمله التدبر والتامل وليس الامرين المتعارفين بل شيء اخر مختلف التدبر هو المكوث في مكان لوحدك وتبص للسماء وتبص للي حواليك وتبص لنفسك وتتذكر وتتذكر وتقول لنا فين دلوقتي انا مين دلوقتي انا ايه دلوقتي وفي اخر الكلام انا ممكن اعمل ايه الحل الثاني التامل في نفس المكان وانت وحدك بس الفرق ان انت مش هتكلم نفسك انت بس هتقعد تفكر وانت بصص للسما يا بصص في الارض اين يكن المهم انك تفهم انت مين من جواك وطبعا كلنا عارفين ان انت حد قوي وجريء ولم يخلق شيء كمثلك. الخلاصه ان في امراض هدي لك مستقبليا لو فضلت تحطه في نفسك كنت فضلت على الحاله دي حاول تشوف حل جوه نفسك احب نفسك من جوه مع تمنياتي بالتوفيق
تم النشر الثلاثاء، ١٧ يونيو ٢٠٢٥
وانا صغيره اتعرضت لقسوه من اهلي علطول وساعات احس اني في حاجات معلمه فيه من وانا صغيره زي خوفي من الناس اللي حواليا علي طول خايفه اتعمل بقسوه من اللي حواليا او انهم يفهموني غلط ولما اروح مكان جديد اوشغل بحس بوحده كبيره اووي وخايفه من الناس
تم النشر الثلاثاء، ١٧ يونيو ٢٠٢٥
انا عطول دماغي فيه ضجه كبيره ومش عارفه اخلص منها لو حصل معايا موقف بزعل واخد كل حاجه علي اعصابي وبيبان علي شكلي لما بزعل ومش عارفه ابطل ان ازعل من اقل حاجه حاولت كتير وانا عندي 23سنه
تم النشر الثلاثاء، ١٧ يونيو ٢٠٢٥
ادي لنفسك هدف وسيبك من الناس لان هدفك عباده ربنا اساسا فلما تدي هدف جنب الهدف الاساسي اللي هو عباده ربنا هدف كالبرمجه هيسهل عليك كتير في حياتك حاجات كثيره لانها لغه العصر في كلتال حالتين اشغلي نفسك بشيء ينفعك مع الوقت وفي نفس الوقت تدي له وقتك وتتعلمي منه شيء مفيد وتسيبك من الناس وكلامهم سواء بقى اهلك قرايب اصدقاء كل ده مش فارق اللي فارق دلوقتي بناء شخصيتي اتوقع انك حد عنده 18 17 سنه 16 اتمنى لك التوفيق في حياتك والنجاح
تم النشر الثلاثاء، ١٧ يونيو ٢٠٢٥
القسوة شوهت منظورك عن العالم .. فممكن بتشوفيه زي الحرب .. والحرب محتاجين اننا نكون طول الوقت في حالة يقظة ونشاط ودفاع .. فأنتي في حالة دفاع ضد لا شئ (باعتبار ابتعادك عن المؤذيين) .. حولك امان والمشكلة في النظرة (مننكرش ان في ناس سيئين لكن مش الكل) .. فالحل انك تكتشفي الأفكار الخاطئة وتغيريها .. زي مثلا "الرجالة معندهومش ضمير" ، "ان لم تكن ذئب أكلتك الذئاب" وغيرها من الأفكار الخاطئة .. اكتشفي أفكارك وغيريها .. والحل مش في يوم بس الحل رحلة عمر
تم النشر الثلاثاء، ١٧ يونيو ٢٠٢٥
حاولى تهتمى بموضوع الزواج.... تزوجى
تم النشر الأربعاء، ١٨ يونيو ٢٠٢٥
هل تعرضتي لإهمال أو قسوة من الوالدين؟
تم النشر الثلاثاء، ١٧ يونيو ٢٠٢٥
لعرض السؤال في فدني اضغط هنا