ازاي انظم وقتي ف تالته ثانوي ؟ انا social addict و بجد بقضي ممكن ٨ ساعات علي الموبايل ، و ده مأثر اوي علي دراستي . لو حد يعرف تطبيق يقفل السوشيال ميديا من غير ما امسحها أو يخلي limit ل وقتي علي كل تطبيق و معتش التطبيق يفتح غير بعد ٢٤ ساعه مثلا هكون شاكره ليكوا جدا لو فيدتوني
١- تطبيق Keep me out : فيه خاصية يقفل الهاتف نهائياً لفترة تتراوح من دقيقة لـ ٢٤ ساعة وصعب تفتحيه أو تعيدي تشغيله خلال وقت القفل وده موجود في إعدادات البرنامج . ٢- تطبيق Digital Detox : تقدري من خلاله تقفلي برامج وتطبيقات معينة لمدة معينة على حسب اختيارك . ٣- وضع التركيز : موجود على أغلب الهواتف بتحددي البرامج اللي بتضيع وقتك وتقفليها لكن مشكلته إنك تقدري تلغي الخاصية دي بسهولة ، فالخيار الأول أو الثاني أفصل .
تم النشر الأربعاء، ٢٧ سبتمبر ٢٠٢٣
احسن حاجة تبدلى الفون ده بواحد بزراير كده وبس ...عشان موضوع السوشيال ده مش هتسيطرى عليه فجأه
تم النشر الثلاثاء، ٢٦ سبتمبر ٢٠٢٣
لما تجي تذاكري تبعدي الفون عنك او تفصلي النت منه ولو احتاجتي تسمعي محاضرة اسمعيها على أي فون غير بتاعك ولما تخلصي المذاكرة المطلوبة منك كافئي نفسك وامسكيه بقى+ونصيحة مني عايزة يومك يبقى منظم صلي صلاتك في وقتها هتلاقي كل حياتك منظمة وكمان ف حاجة غلط الاغلب بيعملها لما تصحي من النوم متمسكيش علطول التلفون لأن ده اللي بيبوظ اليوم وهيشدك ويضيع وقتك ابدأي يومك صح صلي افطري وابدأي ذاكري علطول
تم النشر الثلاثاء، ٢٦ سبتمبر ٢٠٢٣
سؤال ذات صلة هيفيدك https://fedni.net/q/38473536/ازاي-ابعد-عن-الموبايل
تم النشر الثلاثاء، ٢٦ سبتمبر ٢٠٢٣
لعرض السؤال في فدني اضغط هنا