دلوقتي انا كلمت محامي من طرف صديقتي
وبعتله اوراق قضية ما
وهو كل الي عمله انه اتصل بيا وفهمني ايه الي مكتوب في الورق
بعدين قالي انا روحت المحكمة وسألت عن القضية والقضية دي كذا كذا
مقاليش معلومة جديدة كل معلومات الي قالها كانت موجودة في الورق الي بعتهاله مع العلم انا مطلبتش منه يروح
دي كانت اول مكالمة ما بينا
تاني مكالمة قالي انه هيروح تاني المحكمة بكرة يسألني على القضية التانية فعلا متاخد فيها براءة ولا لا انا قولتله
راح تاني يوم وسأل وقالي فعلاً يا استاذة براءة ودي فعلاً يشكر عليها لانه أكدلي وراح وكده
المهم الموضوع انتهى على كده مكلمتهوش تاني علشان يعملي حاجة لانه قالي على حلول مش مناسبة معانا وكنا عايزين حلول تانية فمسكنا محامي تاني القضية
المهم بعد حوالي اسبوعين بيكلم ابو صديقتي وبيقوله انه مدايق اننا مبنردش عليه وتقريباً كده عايز فلوس
طب هل كده مفروض اديله فلوس؟
هل هو كده عمل حاجة يستحق ياخد عليها اتعاب؟
افيدوني جزاكم الله خيرا
ولو مفروض اديله فلوس اديله كام
استشارة المحامي بفلوس (وده طبيعي في مجالات مختلفة مش مقتصر على المحاميين) كمان وقته وأي مشوار للمحكمة (حتى لو في نظرنا احنا معملش حاجة) فهو بياخد منه وقت وجهد فطبيعي إن يكون مقابل لده أتعاب... أي تعامل مع محامي بعد كده يكون فيه اتفاق من الأول هل هياخد أتعاب على الاستشارة وغيرها ولا لأ وقد إيه أتعابه.
تم النشر الخميس، ١٩ يونيو ٢٠٢٥
الاستشارة القانونية اللى هى انك تروحى للمحامى وتعرضى عليه امر وهو يعرفك ايه الاجراءات القانونية المتاحه من غير ما يروح ولا يجى ...دى ليها تكلفة طبعا انه بقى اتحرك لتأكيد شىء يخصك حتى لو راح معاكى مشوار بصفته محامى فقط ...بردوا ده ليه تكلفه طبعا افضل شىء تشوفى تكلفة الاستشاره القانونيه كام عنده وتزودى عليها وبكل ذوق تعتذرى ليه عن عدم الرد وانك حابه تشكريه على الاستشاره والذهاب للمحكمه وتديله الفلوس فى ظرف بشياكه وبس كده
تم النشر الجمعة، ٢٠ يونيو ٢٠٢٥
اه لازم ياخد اتعابه حضرتك مشفتيش هو تعب ازاي او خد من وقته ومجهوده وانه قرا وراح المحكمة وسال واداكي حلول فالطبيعي ليه اتعابه وده اللي يرضي ربنا
تم النشر الجمعة، ٢٠ يونيو ٢٠٢٥
أهلاً بك وسعدت بسؤالك، سأحاول أن أساعدك بأفضل طريقة ممكنة. بالنسبة لموضوع أتعاب المحامي، هناك بعض النقاط التي يمكن أن توضح لك الصورة: هل المحامي يجب أن يأخذ أتعاب في هذه الحالة؟ عادةً، المحامي له أجر مقابل الوقت والجهد الذي يبذله، حتى لو كانت خدماته مقتصرة على الاستشارة ومتابعة بعض الاستعلامات في المحكمة، لأن هذا جزء من عمله. ولكن، يجب أن يكون واضحًا من البداية ما هي طبيعة الاتفاق بينكما: هل كان سيقوم بالعمل بالكامل، أم فقط استشارة أو استعلام؟ وهل هناك اتفاق على الأتعاب؟ إذا لم يكن بينكم اتفاق واضح من البداية، فإن المحامي يمكن أن يطلب أتعابًا مقابل ما فعله، لكنها تكون منطقية ومتناسبة مع حجم الخدمة المقدمة، وليس مبلغًا مبالغًا فيه. هل ما فعله المحامي يستحق أتعاب؟ هو ذهب للمحكمة واستعلم عن القضية رغم أنك لم تطلبي ذلك بالضرورة، وهذا يعتبر مجهودًا من جانبه. لكنه لم يقدم خدمات قانونية فعلية مثل كتابة مذكرات، أو تمثيل في المحكمة، أو التفاوض مع الطرف الآخر، وهذا قد يجعل الأتعاب أقل أو حتى عرضية حسب الاتفاق. ما المبلغ المناسب الذي يُمكن أن تعطيه؟ من الصعب تحديد مبلغ دقيق لأنه يعتمد على رسوم المحامين في بلدك وساعات العمل. بما أن خدماته كانت محدودة (استشارة واستعلام فقط)، فمن الحكمة تقدير مبلغ تقديري يعكس ذلك، ويفضل أن يكون مبلغًا بسيطًا عادلًا حتى تحافظي على العلاقة بشكل مريح. يمكن مثلاً أن تعطيه مبلغًا رمزيًا يشكرينه به، وليس بالضرورة أن يكون مبلغًا كبيرًا أو كامل أتعاب محاماة كاملة. نصائح عملية: عندما تتعاملين مع محامي في المستقبل، حاولي دائمًا أن يكون هناك اتفاق واضح ومكتوب على الأتعاب ونوعية الخدمة قبل البدء. إذا كان المحامي يصر على دفع مبلغ مبالغ فيه مقابل خدمات بسيطة، لديك حقوق في التفاوض معه أو حتى اختيار محامي آخر كما فعلتم. في النهاية، التعامل يكون مبني على الوضوح والاحترام للطرفين. إذا شعرتِ أن المبلغ الذي يطلبه غير منطقي، تستطيعين أن توضحي له وجهة نظرك بهدوء، وأيضًا يمكنكِ الإستعانة بمحام آخر كما فعلتم. إن احتجتِ مساعدة في التواصل مع محامين أو نصائح أكثر تفصيلًا يمكنكِ زيارة صفحة الخبراء في فدني والتواصل مع أحد المحامين أو المتخصصين القانونيين. هل لديكِ معلومات إضافية عن المبالغ التي طلبها المحامي، أو هل تم الاتفاق على مبلغ معين؟ هذا قد يساعدني في توجيهك بشكل أفضل. ذكية هنا دائماً للمساعدة! 🌷
تم النشر الخميس، ١٩ يونيو ٢٠٢٥
هو الصراحه هو معملش حاجه تحتاج انه ياخد فلوس بس بما انك اختارتيه في الاول خلاص لازم تدفعيله حتى لو معملش حاجه تستحق ده قانون المحامين هو كده بالنسبه ليه هو اشتغل وتعب لكن بالنسبه ليكم مفيش فرق نهائي... عموما لو عايزه تخرجي برا وجع الدماغ والمشاكل ادفعيله
تم النشر الخميس، ١٩ يونيو ٢٠٢٥
لعرض السؤال في فدني اضغط هنا