السلام عليكم ورحمة الله وبركاتة.
انا عندي سوال محيرني فيا ازاي مش عارفه 🥲😂
المهم انا من النوع اللي بحب أسأل كتير واخذ معلومات ونصايح من الناس اللي عندها خبره وكدا وانا برضو عندي مشاكل كتيره وكدا فبسأل وناس كتيره بتنصحني وبتقولي اعملي كذا وكذا تمام وانا في ساعتها بقول هعمل كدا واختار المناسب معايا واحاول اطبقه بس هو اول يوم وبعدين بنسى الحاجات دي اصلا او ببطل اعملها برغم انها بتكون حاجات كويسه ف انا نفسي افهم ليه بيحصل كدا علشان انا حابه اطبق حاجات كتيره ونفسي احل المشكلة دي ومش عارفه هتنصحوني ازاي علشان ممكن تقولو حاجات ومعملهاش برضو.
ومشكله تانية اني انا وحده طموحه اوي واحلام كتيره هي مش حاجه خياليه يعني حاجات بسيطه بس هتفرق معايا.. انا بقى بفضل اخطط في دماغي واظبط الدنيا وكدا وفي الاخر مش بعمل اي حاجة مش عارفه دا كسل ولا هروب اني احقق حاجة واتعب فيها شويه بسطين مش عارفه برضو. ممكن رد يوضحلي دا بيحصل ليه
السلام عليكم، هو عادي، مش كل معلومة أو نصيحة هتسمعيها هتثبت على طول ومش هتنسيها، نسيان المعلومات اللي بتسمعيها أمر طبيعي وإذا مفيش مراجعة منتظمة أو تطبيق يثبت المعلومة أو النصيحة اكيد هتتنسي. فمتفكريش إن عندك مشكلة في النسيان أو التركيز مثلا. *** كمان فكرة إنك تطبقي أول يوم وتوقفي أو تمشي مدة وتوقفي فده بيحصل مع كتير مننا والنفس بتمل أو بتزهق من الروتين أو أي حاجة بتحس إنها مسؤولية. أي عادة عاوزة تطوريها أو عادة سلبية عاوزة تتخلصي منها أو مهارة عاوزة تتقنيها، كل ده بيحتاج صبر واستمرارية وتذكير لنفسك بالهدف كل ما بتنسي أو بتملي وإنك كمان تكوني مرنة مع نفسك وتتفهمي إن عادي لو وقعتِ في الطريق بس المهم تقفي تاني وترجعي تكملي. *** كتير مننا بيقعد يخطط وساعات مش بنعمل بالخطط ونرميها بعد شوية أو نتشتت لخطة تانية أو نفتكر إنها أفضل، والمشكلة بتحصل أكتر لما مش بنحدد أولويات وبنبقى عاوزين نعمل كل حاجة في نفس الوقت أو نشوف تغيير بسرعة. ** فأنتِ بدل ما تفضلي تسألي وتجمعي معلومات من كل حتة وتلاقي نفسك بتنسيها عشان مفيش مراجعة أو تطبيق مستمر، ركزي على حاجة واحدة او اتنين. ممكن تقرأي كتب أو مقالات أو تسمعي بودكاست وتسجلي أهم الملاحظات أو المعلومات وتراجعيها بعد فترة، وتكوني مركزة على موضوع واحد أو اثنين بالكتير عشان ميحصلش تشتت أو تلاقي في النهاية عندك information overload بتزود ضغط على عقلك وبتشتتك أكتر. ممكن تقرأي عن فرط المعلومات وتشوفي نصائح للتعامل معه https://www.qf.org.qa/ar/stories/taking-a-mindful-approach-to-the-news-how-to-avoid-information-overload ** https://aawsat.com/صحتك/5175197-هل-تعاني-من-صعوبة-في-التركيز؟-دماغ-الفشار-قد-تكون-السبب ***** الطموح حلو أكيد، وإنك يكون عندك أهداف وأحلام شيء جميل، لكن محتاجة تحددي أولويات وتقللي تشتت وفرط معلومات وتمشي خطوة خطوة بدل ما بتحملي على نفسك حمل كبير وأهداف كتيرة وتفضلي واقفة مكانك عشان مش قادرة تبدئي من الضغط اللي حاساه. ده عن تجربة، لأني شبهك وفضلت فترة معطلة نفسي ومشتتاها بسبب تعدد الشغف وإني عاوزة أعمل حاجات كتير في نفس الوقت. فأنتِ ابدئي بتأن وخطوة خطوة وإن شاء الله هتوصلي للي عاوزاه. *** ممكن أقترح عليكِ تستخدمي نموذج عجلة الحياة المتوازنة وتراجعي جوانب حياتك وتبدئي تضعي هدف أو اثنين تشتغلي عليهم الفترة الجاية وإن شاء الله مع الوقت توصلي للتوازن والأحلام اللي عاوزة تحققيها. فيه فيديوهات كتير لشرحها وإزاي تستخدميها، إن شاء الله تنفعك. https://www.youtube.com/results?search_query=نموذج+عجلة+الحياة+المتوازنة وبالتوفيق إن شاء الله.💚💚
تم النشر الخميس، ٨ أكتوبر ٢٠٢٦
وعليكم السلام ورحمة الله وبركاته يا رقية، شكراً إنك شاركتيني مشاعرك بصراحة كده، ده بيوضح إنك فعلاً عندك رغبة حقيقية في التغيير وده أول خطوة مهمة. اللي بيحصل معاكِ شائع جداً، ومش بالضرورة كسل أو هروب، لكنه غالباً نتيجة طريقة الدماغ في التعامل مع التغيير. لما بنسمع نصايح كتير ونحاول نطبقها مرة واحدة، بنحمل نفسنا فوق طاقتها، فالدماغ بيحس إن الموضوع "ثقيل" ويبدأ ينسى أو يتجنب عشان يحمي نفسه من الضغط. كمان، بدون نظام واضح أو تذكير يومي، الأفكار الجديدة بتتلاشى بسرعة زي أي عادة جديدة مش مدعومة بخطوات صغيرة متكررة. أما بالنسبة لطموحاتكِ، فالتخطيط في الرأس بدون تنفيذ غالباً بيكون بسبب الخوف اللاواعي من الفشل أو الإرهاق المتوقع، مش كسل حقيقي، لأن الطموح موجود لكنه محتاج جسر عملي يربط بين الحلم والخطوة الأولى. علشان تتغلبي على ده، جربي تبدئي بخطوة واحدة صغيرة جداً من النصيحة اللي سمعتيها، وتكتبيها في مذكرة يومية أو تطبيق بسيط مع تذكير يومي، وتحددي وقت ثابت لتنفيذها حتى لو 5 دقايق. كمان، قسمي أحلامكِ إلى أهداف يومية أو أسبوعية ملموسة، وكل ما تنفذي خطوة احتفلي بيها حتى لو صغيرة، ده بيبني الثقة ويقلل الشعور بالإرهاق. وتذكري إن الاستمرارية في الإسلام بتكون أحب إلى الله من الكثرة، فابدئي بما تستطيعين واستعيني بالدعاء والتوكل مع العمل. لو عايزة أفكار أكتر عن كيفية بناء عادات بسيطة تناسب ظروفكِ، قوليلي تفاصيل أكتر عن نوع المشاكل اللي بتواجهيها. وممكن تبحثي عن أسئلة مشابهة على فدني لتشوفي تجارب تانية. أنتِ قادرة، وخطوتكِ دلوقتي في السؤال ده دليل على ذلك.
تم النشر الخميس، ٨ أكتوبر ٢٠٢٦
يعني واحد أبوه غني ولما يخلص تعليم هيشتغل مع أبوه، مش زي واحد أبوه دخله متوسط وعاوز يخلص تعليمه عشان يشتغل ويساعد أبوه في المصاريف، فخلي عندك دافع يساعدك للتقدم
تم النشر الخميس، ٨ أكتوبر ٢٠٢٦
المفروض يبقى عندك دافع
تم النشر الخميس، ٨ أكتوبر ٢٠٢٦
لعرض السؤال في فدني اضغط هنا