هل ينفع استخدم القصرية لولد عمره 12سنة عنده تبول لااردي اثناء الليل ام استخدمها طول اليوم افضل لمنع التشتت ام ملهاش لازمة
بصراحة استخدام القصرية في سن ١٢ سنة مش أنسب حل… لأن في العمر ده الطفل بيكون داخل مرحلة المراهقة وبيبدأ يكون عنده إحساس عالي بالكرامة والخصوصيه وأي تصرف ممكن يحسسه إنه أقل من غيره و يأثر عليه نفسيا جدا. عشان كده القصرية ممكن تخلي الموضوع يتعقد أكتر بدل ما يتحل. التبول اللاإرادي في السن ده بيكون عادة ليه أسباب عضوية أو نفسية مش مجرد عادة طفل صغير. يعني لازم الأول نستبعد الأسباب الطبية: هل الطفل بينام نوم عميق جدا؟ – هل عنده مشاكل في المثانة أو التهابات؟ – هل بيشرب سوايل كتير قبل النوم؟ لو كل ده تمام يبقى الأغلب السبب نفسي زي التوتر أو الضغط أو حتى الخوف من حاجه معينه في الحالة دي القصرية بالنهار مش هتفيده بالعكس ممكن تربكه وتخليه يحس إنه بيتراجع بدل ما بيتقدم. الأفضل تركزي على حاجات تانية زي: تنظيم مواعيد الشرب (منع السوايل قبل النوم بساعتين). يدخل الحمام قبل ما ينام علطول تشجيعيه مش توبيخيه لو حصل التبول لأن اللوم بيزود المشكلة جدا. استخدام منبه بسيط أو جهاز استيقاظ ليلي (في أجهزة مخصوصة بتصدر صوت خفيف لما يبدأ التبول). ترحوا لدكتور مسالك بوليه أو طبيب نفسي للأطفال لو فضل علي الحال ده لأن أحيانا بيكون السبب مرتبط بالقلق أو حاجة نفسية عميقة محتاجة مساعدة بسيطة القصرية ما تنفعش كحل دائم في السن ده لا بالليل ولا بالنهار. البديل هو دعم نفسي + متابعة طبية هاديه + تشجيع من غير خجل أو عقاب. المشكلة دي بتتحل بس محتاجة صبر وهدوء. ومافيش طفل يفضل كده طول عمره… بس الطفل اللي يتعاقب أو يتحرج ممكن فعلا ياخد وقت أطول. الحنان في المرحلة دي مش رفاهية… هو جزء من العلاج
تم النشر السبت، ٨ نوفمبر ٢٠٢٥
اكيد لاء في السن دا لانه هيتعب نفسيا جدا وطالما الحمد لله مفيش مشاكل عضوية فخلي بالك وشوف اذا كانت نفسية لكن هو دلوقتي داخل على سن مراهقة يعني هيبقى شايف نفسه انه كبر وهيبدأ انه ممكن تلاقيه عاطفي بزيادة فدا هيسبب ليه مشاكل نفسية كبيرة - اقعد معاه وفهمه انه دا مش بمزاجه وانه غصب عنه وطمنه انك ديما معاه وهتساعده صحيه كل يوم يدخل الحمام - وفي طريقة قرأتها من فترة فممكن تجربها انك تلف صوابعه (الوسطى والبنصر )بالبلاستر لانهم تقريبا مسئولين عن الوعي فلما يبقى عايز يعمل حمام البلاستر هيضايقه فهيصحى من النوم في يدخل الحمام جربها يمكن تنفع -أتمنى له الشفاء العاجل
تم النشر الخميس، ١٣ نوفمبر ٢٠٢٥
أهلاً بك، وشكراً على سؤالك الهام يا أخي. بالنسبة للتبول اللا إرادي (التبول الليلي) عند الأطفال في عمر 12 سنة، خصوصاً إذا كان البنت أو الولد يعاني منه مستمراً، من المهم فهم أن استخدام القصرية (الحفاضة أو الفوطة الصحية) هو حل مؤقت يساعد في إدارة المشكلة وليس علاجاً دائماً بحد ذاته. عن استخدام القصرية: استخدامها أثناء النوم فقط عادة يكون هو الأفضل، لأنه يحمي الفراش ويساعد الطفل على النوم بهدوء دون قلق من البلل. استخدامها طوال اليوم ليس ضرورياً وقد يزيد من التشتت، لأن الطفل قد يعتمد عليها ولا يكون لديه دافع لتدريب نفسه على التحكم الكامل. القصرية تساعد فقط على حماية المكان وليس على العلاج أو السيطرة الدائمة. ماذا تفعل؟ الصبر والمتابعة : التبول اللا إرادي عند عمر 12 سنة شائع نوعاً ما، وهناك حلول قد تحتاج وقت وتجربة. تشجيع الطفل على استخدام الحمام قبل النوم بشكل منتظم ، وتجنب شرب السوائل بكثرة قبل النوم. تنظيم أوقات النوم والاستيقاظ للذهاب للحمام . التقييم الطبي النفسي أو الطبي : من الأفضل استشارة طبيب مختص (مثل طبيب أطفال أو طبيب نفسي للأطفال) لفحص الطفل والتأكد من عدم وجود أسباب عضوية أو نفسية تؤدي للمشكلة. التدريب على التبول الجاف : تدريجياً يمكن مساعدة الطفل على التحكم في البول خلال الليل باستخدام برامج تدريبية خاصة أو أدوات طبية (مثل أجهزة إنذار البول الليلي التي تنبه الطفل عند بداية التبول). في الأخير: القصرية لها دور فقط في الحماية أثناء النوم وليست حلاً علاجياً. استخدام القصرية طوال اليوم قد يقلل من دافع الطفل للتحكم في التبول، لذا يُفضل استخدامها فقط أثناء النوم. (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر السبت، ٨ نوفمبر ٢٠٢٥
لا طبعا لازم تروحي لطبيب متخصص وهو هيقولك على الحل اللي يعالجه إن شاء الله
تم النشر السبت، ٨ نوفمبر ٢٠٢٥
لا مينفعش
تم النشر الجمعة، ١٤ نوفمبر ٢٠٢٥
عملت كل حاجة ومفيش حاجة عضوية وكلو قالي مسألة وقت لكن لازم اصحيه كلي يوم
تم النشر الأربعاء، ١٢ نوفمبر ٢٠٢٥
لا روحي لطبيب
تم النشر الاثنين، ١٠ نوفمبر ٢٠٢٥
لعرض السؤال في فدني اضغط هنا