عايز رأي رأيك يهمني
هو لو فى حد أنا بتعامل معاه صاحب يعنى تعامله مش كويس وهو معندوش دم أنا آسف بس هو كدا وهو مستغل ومع الأسف معايا فى السكن
سؤالي هو طلب منى حاجة عندى آلة حاسبة مثلا و سلفتها له قبل كده وقعدت عنده اسبوع فلو هو طلب حاجة عندى تانى وانا رفضت اى رأيكوا و اتعامل معاه ازاى
بسم الله الرحمن الرحيم تعلم جيداً أن ضعيف القلب قليل كل شئ الخبرة ، الرزق ، الفرص ، ، لذا عليك أن تكون عينك قويه انت شايف أنه مستغل وعيل زباله خليك بالبلدي كده بجح معاه وتعلم أنك تقول ( لا) الكل هيهيبك جدا جدا تحياتي 🌹✨
تم النشر الخميس، ٨ يناير ٢٠٢٦
أهلا بك، أنا فاهمة إحباطك تمامًا، السكن مع حد مستغل ومش كريم زي ده بيبقى تحدي كبير، خاصة لو كان "صاحب". رأيي الصريح: رفضك قرار صح 100% ، مش ملزم تديله حاجاتك تاني، خاصة إن الآلة حاسبة قعدت عنده أسبوع كامل وهو مش رد الجميل. ده مش استغلال بس، ده عدم احترام لحدودك. إزاي تتعامل معاه عمليًا: قل لا بلطف وثبات : لو طلب تاني، قول حاجة زي "مش هقدر أديلك دلوقتي، آسف"، وخلاص. متبررش كتير عشان ميفتحش باب نقاش. لو ضغط، كرر الكلام بهدوء وامشي. حدد قواعد السكن : اجمعوا واتفقوا على حاجات زي "الاستعارة لازم تكون قصيرة وترجع نظيفة"، أو "كل واحد يدبر حاجاته الخاصة". اكتبوها لو لزم الأمر عشان ميكررش. ركز على نفسك : ابحث عن بديل سكني أفضل لو ممكن، أو قلل التعامل للحد الأدنى (سلام وخلاص). الصداقة الحقيقية في الإسلام مبنية على الإحسان المتبادل مش الاستغلال. أنت قوي وقادر تحمي حدودك، وده هيخليك أقوى. لو عايز نصائح أكتر دور في فدني على أسئلة مشابهة، أو شوف الخبراء هنا: https://www.fedni.net/experts . ربنا يسهل أمرك يا رب! 💪😊
تم النشر الخميس، ٨ يناير ٢٠٢٦
بص انا عندي اعتقاد ماشي عليه في حياتي الخسيس خليك اخس منو بس في نقطة مهمة حاول تحرجو في الاول يعني مثلا قول ليه الحاسبة بتعتي مش ناوي ترجعها ولا ايه حاول تحرجو على قد ما تقدر بس بينك وبينو منفعش احرجو قدام الناس يعني في نص قعدة صحاب قول له الحاسبة ايه اخبرها انا عايزها وانتا مش راضي ترجعها منفعش معاه يبقى تبقى اوسخ منو يعني شوف ي حاجة عندو هوا بيستعملها مش لازم تكون محتجها خدها وخليها عندك شفتو بياكل مثلا خش عليه كل معاه بدون كلام كدا يعني وهوا هيبعد عنك
تم النشر الاثنين، ١٢ يناير ٢٠٢٦
ارفض بكل احترام عادي جدا هو لوحده مفروض يلاحظ إن تعامله مش كويس ولو تعرف تنصحه انصحه لان هو صديقك ولو تقبل المعلومة الحمد لله ولو لا اتركه وهو حر انت تكون عملت معاه واجب الصداقة وحاول تساعده يغير من نفسه لان مافيش شخص بيحب ينصاحب مصلحة بس ولأنه كمان رفيقة في السكن فلازم علاقتك به تكون كويسة
تم النشر الاثنين، ١٢ يناير ٢٠٢٦
السلام عليكم ـ كن واضح وارفض لا تحاول إيجاد طريقه مثاليه للرفض هذا اعتبره من الضعف احيانا ـ لكن كن واضح وارفض اذا كان من الضرر لك او من الضيق ان تعطيه ما يطلبه.
تم النشر الجمعة، ٩ يناير ٢٠٢٦
خلى عندك حدود وأرفض عادى جدا لانو انت مش حابب كده ومش مهم الشخص لانو اهم حاجه راحتك
تم النشر الاثنين، ١٢ يناير ٢٠٢٦
السلام عليكم.. شوف انت في النهاية عندك مصلحة معاه وهي السكن .. فلو مكانش عندك مصلحة كنت هقول لك أرفض ببساطة .... فلازم تتأقلم عشان ممكن يحقد ويأذيك أو يفتن عليك .. ولكن تتأقلم مش معناه انك تستسلم ولكن معناها انك تتعامل معاه بالإجبار .... يعني لو اديته الآلة تجبرة يرجعها وده مش بالقوة ولكن بإنك تكون متفق معاه انك تكون واخد منه حاجة بدالها زي ساعة الإيد مثلا لو عنده .. فبالتالي مش هرجع الساعة الا ما ترجع الآلة .. وقس عليه
تم النشر الأحد، ١١ يناير ٢٠٢٦
أرفض عادى جدا وقول معنديش الحاجه واستخدمها حاليا
تم النشر السبت، ١٠ يناير ٢٠٢٦
لعرض السؤال في فدني اضغط هنا