كنت متعلقه بشخص أكبر مني بدون وعي تعلق ذهني حتى الشخص نفسه ماكنش عارف حاجه بس وجوده بالقرب مني كان شيء مغذي للتعلق أوي،، هو جاري وعمري ماتعاملت معاه قبل كده خالص
بس بعدها اكتشفت اني في حالة من التعلق والحمد لله قدرت اتغلب على التعلق ده بتوفيق من الله
بس المشكله إن في بعض العادات اللي قلبي تعود عليها أثناء التعلق وبلاسف ماتخلصتش منها
فأنا بقيت لما ألاقي اي اهتمام بسيط أو أي ولد بمواصفات أنا بحبها بلاقي نفسي داخله في دوامة تعلق تاني بحاول أوقف التعلق من أوله لإني فاهمه ايه اللي بيحصلي فاهمه نفسي والاثر اللي في قلبي فالمهم لما أول اشغل نفسي بحاجات تانيه بحسها ممله ومفيش متعه بالعكس ببقا مخنوقه زي مثلا إني اشغل نفسي بالمذاكره بالهوايات والحاجات اللي المفروض هتشغلني
التعلق دا بيكون ناتج عن فراغ عافي قد يكون السبب هو إهمال أسري او تشدد في التعامل معك من والديك ولذلك ينشأ فراغ عاطفي يكون في احتياج للإشباع ومع الخروج للعالم الخارجي والمجتمع يتم التعلق مع اقرب شخصية تهتم وتملأ ذلك الفراغ ومع تكرار التعلق دون نتائج ايجابية يحدث خذلان والذي من بعده ندخل في انحدار الثقة بالنفس ولذلك من الضروري ان تجددي ثقتك بنفسك من خلال ان تعرفي قيمتك والتي خلقك الله بها وميزك عن سائر مخلوقاته وبما انك انسان يبقى انتي خليفة الله في الارض واصبح وجودك مهم للكون بأكمله وعليك ان تثقي في ذاتك وما تملكيه من شكل وجسم واسم ولون وامتيازات كثيرة ظاهرة وباطنة فلا ترهقي نفسك بالبحث عن امتلاء فراغ مشاعرك من الخارج مع اشخاص غير جادين او غير اسوياء ولكن عليك ان تدعمي ثقتك بذاتك برضاك عن نفسك وحسن اختيار الاشخاص في حياتك وتأكدي ان طيبين القلب مثلك يجعل الله لهم في طريقم التوفيق ولكن احسني السعي ولا تتعجلي ويارب يوفقك لكل خير ويبعد عنك كل شر
تم النشر الجمعة، ١٢ ديسمبر ٢٠٢٥
لان عقلك مش متعود ياخد احساس أنه موجود وشغال من الحتت التانيه فطبيعي تحسها ممله الموضوع محتاج وقت وانك تخلقي علاقه بينك وبين ربنا أولا تخليك متعلقه بالله فقط علشان متتعلقيش بغيره ثم علاقه بنفسك ممتعه بقا تعملي روتين يومي في حياتك يخليك كل يوم تقربي اكتر من نفسك طبيعي لم هتقربي من حد هتحبيه وتتتعلقي بيه الموضوع محتاج وقت بس
تم النشر الجمعة، ١٢ ديسمبر ٢٠٢٥
مش حكاية اهتمام ،، البنت بطبيعتها كائن عاطفي وعندها مشاعر فياضه فإحنا المفروض نصبر على المشاعر دي لحد ما ربنا يرزقنا الزوج الصالح 🙃
تم النشر الأربعاء، ١٠ ديسمبر ٢٠٢٥
اه بصي انتي هتجوزي واحد بس فالازم تكون كل حاجه ليه هو وصلي استخاره وفوضي امرك لله وخلي الموده والرحمه ما بينك وما بين الي هتكملي معاه الطريق بعد الموده والرحمه هتلاقي الحب صدقني بس لم تتجوزي وصومي مشاعر خليها بعد الجواز انا ولدي الله يرحمه محبش حد قبل الجواز والنصيحه بتاعته لم تتجوز كل المشاعر المدفنوه لمرتك مش قبل الجواز فعلا كلام صح عشان لو المشاعر جت قبل هيكون في جفاف بعد الجواز صدقني والله علي ما اقوله شهيد
تم النشر الخميس، ١١ ديسمبر ٢٠٢٥
أنا كمان كدا بتعلق اوي بالأشخاص اللي قدامي بس بحس انو دا بسبب انو نقصني اهتمام وحنية ف بتعلق بأي حد في الصفات دي لكن انتي اية سبب التعلق؟
تم النشر الأربعاء، ١٠ ديسمبر ٢٠٢٥
ممكن يكون دة سن مراهقه
تم النشر السبت، ١٣ ديسمبر ٢٠٢٥
السلام عليكم و رحمة الله ، الحقيقه ما شاء الله أنتِ اختصرتي الرد و حليتي أغلب المشكلة ، هو اه هتلاقي إنك حاسه بملل تجاه الأنشطة لإنك حسيتي إحساس مختلف مسبقاً و الإحساس ده إنساني نابع من الفطرة و بيسد جزئية عندنا كبنات ، نصيحتي ليكِ الصبر لإنك مش من اول مره هتقطعي الموضوع بسهولة و تحبي حاجه غيرة بل مع الوقت و إنك تبعدي هتنسي من الأساس الإحساس الي كنتي بتحسيه لما تتعلقي بحد و كونك ما شاء الله بتقفلي الباب من البداية ده هيساعدك اكتر إنك بسهوله تطلعي من الدائرة دي إن أردتِ بصدق ، و فعلاً أحد الإخوه جزاه الله خيراً نصحك نصيحة مفيده جدا و هي البُعد عن الأغاني و المسلسلات لإنها حقيقي سبب معظم المشاكل ، لما تتفرجي على واحد بيحب واحده او حتى تسمعي اغاني كلها غزل هيخلي تلقائي الشهوه تزيد حتى لو محسيتيش ب ده في الوقت الحالي لإنك مجربتيش تبعدي عنهم من الأساس ، لما تبعدي هتعرفي الفرق و هتفهمي إنهم فعلا بيأثروا على الشخص بشكل كبير ، طالما عندك هوايه حاولي تنمي فيها حتى لو مش حاسه ب متعة في الوقت الحالي ، و في النهاية الي فعلا هيساعدك هو التقرب من الله عز و جل و التعلم عن الدين ، جربي تسمعي بودكاست قصير مش شرط طويل كل ده هيفيدك جداً إنك تبعدي عن دائرة التعلق بالناس و هتتعلقي بالله عز و جل فقط ،و هتحسي ب تحسن كبير ، لحد ميجي نصيبك إن شاء الله وقتها هتعيشي المشاعر الي نفسك تعيشيها بس في حدود الشرع و بشكل يرضي ربنا ، و بالتوفيق إن شاء الله
تم النشر الجمعة، ١٢ ديسمبر ٢٠٢٥
أقترح التخلي التام والنهائي عن الأغاني والمسلسلات والأفلام والقصص وكل المنتجات الإعلامية التي تعرض لقصص رومانسية. كل ذلك في رأيي المتواضع عبارة عن إباحية عاطفية تدغدغ غرائز الأنثى وتدمر فطرتها تماما.
تم النشر الخميس، ١١ ديسمبر ٢٠٢٥
الموضوع كله محتاج تحكم و تفكير بالعقل ف الامور دي عن القلب خالص علشان بعد كدة هتتعبي نفسك ع الفاضي
تم النشر الأربعاء، ١٠ ديسمبر ٢٠٢٥
○ اي شيء تحسي انه هيفتنك ابعدي عنه يعني مثلا واحد فتنته الفلوس واحد فتنته النساء واحد كذا ....○ولما تلاقي فيه شخص هتتعلقي بيه متقعديش تسترسلي في الافكار دي امنعيها عشان متكبرش والتعلق يزيد ..................○ودينا حذرنا من الاختلاط المحرم وجعل له حدود معينة عشان ميحصلش مفاسد
تم النشر الاثنين، ١٥ ديسمبر ٢٠٢٥
يجازيكي اضعافه إن شاء الله💗
تم النشر الجمعة، ١٢ ديسمبر ٢٠٢٥
ربنا يجازيكي خير 💜💜
تم النشر الجمعة، ١٢ ديسمبر ٢٠٢٥
لعرض السؤال في فدني اضغط هنا