اسماعيل خليل

اعترض على فكرة تأجيل الأمر لوقت معين، لان ببساطة ده رزق واما يجيلك رزق افتحله الباب، لازم نوسع الافق شوية، عادي جدا الجمع بين الدراسة والارتباط، بل ان ايجابياته اكتر، دعم نفسي وتحفيز معنوي في حين التوافق طبعا، وما في الامر من خير كثير، وعمل بوصية النبي : اذا جاءكم من ترضون دينه وخلقه فزوجوه، العلم لن ينتهي، سيظل المرء في طريق العلم مد بصره، لا تعطلين مسار الخير بل افسحي له المجال، رضي الله عنك ووفقك في امور حياتك، كم من الشباب يتمنى التعجيل ويرتبط بالأنيس لكن المانع المادي يبقى مشترك، .. استعيني بالله واستخيري

وأين هي حب عمرك الآن، هل أخذها مريد قبلك؟ أم ما المانع بينكما... اذا كانت اختارت عليك رجل، فلا تعذب حالك بلا جدوى وامضي في طريق الخير واسع والحياة مليئة

سجائر وبنوتة؟ أين الأهل والأقارب؟ كيف بدأت العادة وهل انت طالبة أم تعملين

فكرة معاداة البشر فكرة مدمرة، وتسيطر على العقل لفترات طويلة من العمر، وتسبب الأذى والأضرار والفساد أكثر مما يسببه خذلان صديق او فقدان حبيب او سوء تفاهم ف العلاقة .. اتمنى تراجعي نفسك وتكثري من الاصدقاء والمعارف، الكسب.. كسب المعارف أمر مهم ف استمرار الحياة بشكل اسهل

بس انت بتشتغل ولا بتدرس، وايه علاقتك مع اهلك وزمايلك وصحابك، نوايه هدفك غير انه تكون أسرة وتبني بيت فتعمل على كده وتجاهد وتبني جسم وتكون علاقات، اتفائل يا رجل وربنا يكرمك وتفتح مشروع، بس انت فوق وماتقعدش مع حالك كتير عشان مهما كنت ايه، الشيطان هيتملك منك، اهرب منه روح الجامع روح عند صحابك اخرج مع حد يعني قصدي مش كويس انك تقضي وقت كتير لوحدك، ادي للناس فرصة تتأثر بيهم وتتفاعل معاهم والطبيعة كذلك، يعني خليكمع ربنا وادعيايما ف صلاتك الل لازم تحافظ عليها طبعا ان ربنا يرشدك ويدلك ويرزقك الفلاح والصحبة الصالحة ويجمعك ببنت الحلال، يعني حرك ولين العواطف هتاخد الامور بسلاسة ان شاء الله

كثرة التعاملات مع البشر هي احد عوامل اكتساب الثقة وقلة التوتر امام الناس او في مواجهة مجموعة من البشر بشكل منفرد، وهذه الصفة صفة الحضور، لا يتحلى بها كل الناس، هناك اختلاف بين قدرات الانسان، كل منا له القدرة على كذا والضعف في كذا، هذه سنة في الارض، ولكن يظل دائما الأقوى هو محور الاهتمام وهو الأقدر في مواجهة المشاكل وتجاوز التحديات .. اقرئي الكتب واستمعي لكبار العلماء والشيوخ واقتربي من المجتمع حولك، اقتربي من أهلك من جيرانك من زملائك لا تطيعي الشيطان في الابتعاد عنهم وخصوصا ف المدرسة، لا تتركيهن وتجلسين منفردة بعيدة وحيدة، اجتمعي معهن ورافقيهن وجالسيهن ستزول هذه البقعة السوداء من نفسك ولن تنتبهي لها، .. ستزيد من طلاقة لسانك واقدامك على فتح المحادثات .. والله يحققلك مرادك ويوفقك ف طريقك

يا امرأة .. هلا تقرئين القرآن، هلا تستعيذين من الشيطان، هلا ترددين الاذكار وايات الحفظ والستر، هلا تتوكلين على الله عند الخروج، تعلقي بحبل الله سينجيك ..

طيب ده راجل مثالي اهو وفيه كل الصفات الل تقوي ارتباط قلبك بيه ورغبتك فيه واصرارك عليه وتمسكك بيه، .... الله يسترها معاكي انا بتتريق .. العالم صاير رحيم قوي وقلبه فضفاض وحساس زياده كده، بستغرب كل العيوب دي واسمه حب ، حب ازاي يعني على ايه عقلاني، ايه الصفة العقلانية المنطقية الل خلاتك تقعي ف حبه او تتعلقي بيه كده.. عملك ايه ف حياتك يعني ساعدك او ساندك بيه، ايه الظروف الصعبة الل انقذك منها او ساعدك فيها، ايه المواقف الشديدة الل كان جنبك فيها وليه الحق يكون جنبك فيها، .. هو اولا رد فعلك معاه واستجابتك لكل العيوب دي والتصرفات بتاعته ده رد فعل مش منطقي الحقيقة وملوش مبرر غير الضعف .. وعلاقة مبنية على الضعف والوهن، مش هتكمل لأتفه الاسباب، ارجوكم اتحلوا بالقوة واحتكموا للعقل وموازنة الكفوف وماتظلموش نفسكم، ماتظلميش نفسك وتعلقيها التعليقة الغير متساوية دي، غير عادلة، يعني حكم غير عادل على وجدانك .. قلبك غالي ماتظلمهوش واعطيله حقه

كتابة المشكلة وتحديدها اول خطوة لحلها اولا على حد ظني انك لسه مقتنعة او مدركة من فترة قريبة مش من زمان ان مستواكي المهني تابع لمستواكي الدراسي، ... مشاكل التسويف اسبابها كتير ، اولهم في رأيي هو ان الواحد وهو رايح يذاكر المادة الل لازم يذاكرها مثلا، بيحسب الاول كتير ويتخيل كتير .. يسيب الشيطان بقى يدخل، عدم تقدير قيمة العائد من مذاكرة المادة اياها في اليوم المحدد، عدم تقدير او استسهال واستخفاف، يعني مش مهم دلوقت، دانا هجيبها ف نص ساعة، ويروح يلعب ويضيع ويستهلك الطاقة الل كانت عنده والحماس والحيوية ويستبدل بيها الارهاق بقى والتعب والعزوف والاعراض، ... الحل الجذري بتاعي كوني كنت بحب اللعب من صغري وحاليا ف الجامعة وكلية عملية جدا وبيحتاج وقت، بدأت انظم نفسي جامد من ناحية المذاكرة وما بعدها، بكتب المطلوب تسليمه ف ورقة او على الفون (تطبيق جوجل تاسك) وأهتم بقى بالوقت، يعني هذاكرها النهارده على مراحل، نصف ساعة مذاكرة وراحة لازم راحة لازم ناخد فاصل مش طويل .. ١٠ دقايق ولا حاجة يعني، ونرجع تاني قبل ما الحماس ينهار، ننظم المكتب يعني ونرتب المظاهر .. وربنا يسهل .. استعينوا بالله بس على قضاء حوائجكم، واتوكلوا على الله هيوفقكم والله .. انه مجيب الدعاء ..

كل الناس مين ، اهلك وناسك ولا الشارع والمجتمع، .... ممكن يكون احترام سنها بس لو اكبر منك، لكن مش يمكن يكون بيحبوكي من قلبهم يعني؟، وايه السبب لو بتعامليهم كويس، اسألي واعرفي منهم لو انتي مقصرة ف حاجة ... ابعدي عن المقارنة ياريت . ياريت كمان .. اتخلصي من وسواس المقارنات ده بينك وبين أي حد .. مؤذي جدا .. بيسيب أثار فتاكة ف النفس .. الله يحفظنا من شر نفسنا ..

نصيحة بعد عمر وتفنيد، امشي بمبدأ الضرورة والحتمية .. انك لازم تذاكري .. لازم ضروري .. طالما ماشية ف طريق العلم وعمرك بيتناقص يبقى بفايدة وأكبر فايدة، لازم تتشجعي بعد كده انك تحبي التحصيل والمعرفة الافضل لطبيعة البشر .. بالنسبة لنسيان المادة والمحتوى والموضوع، ده علاجه الوحيد هو حل التمارين والتدريب على الاسئلة، مش هتحفظي الدرس أبدا ولا تجمعي نقاطه كلها إلا لما تقابلي اسئلة عليه وتحليها كذا مرة في كذا نموذج.. ده ضروري التطبيق ضروري

ماشاء الله وصف شامل ومفصل جدا، انت ذكية لعلمك وقوية من الداخل ..ولست بتلك الصورة المصورة، أن التجأتي للتعبير بالكتابة، ينقصك فقط اظهار هذي القوة والثقة من خلال عدم الاكتراث لنظرات المحيطين، اصنعي ما هو جيد بالمعروف ولتقولي خيرا او لتصمتي، انتقي الصحبة الجيدة عن طريق اجتناب الصحبة السيئة ذات الاخلاق المعدومة والمظهر المنحرف والقلوب السوداء، يسهل التعرف عليهم .. لسنا سواسية.. ليس هناك نمط للبشر ولا يجب ان يكون، الاختلاف في نوعية وطباع الانسان سنة ف الارض، فلا تتشبهين ولا تقتدين الا بالنبي العدنان عليه الصلاة والسلام، .. أنسب مكان للبحث عن ردود الافعال، هو كتب السيرة النبوية، كتاب "رياض الصالحين" اذا تحبين القراءة (اخالها يسيرة) .. الزمي قراءة القرآن، الورد حافظي عليه، .. المظهر الخارجي للمسلم يحسن ان يكون بقدر المستطاع ذو طابع غير ملفت أو منفر، حاولي بمختلف الأطقم والملابس بالتجريب والتبديل ستصلين للاطلالة المتوافقة مع الشخصية القوية مثلك، .. دعاء التوكل على الله قبل الخروج يحفظ الانسان من المكاره، داومي على الاذكار والاستغفار واذكري الله اول ما تشعري بالغضب، .. عليكي بس ان ترضي بحكم الله وما يمكنك تغييره للافضل في شخصيتك فلتسعي اليه من الان .. لا تنتظري الظروف .. اسعي مع الدعاء ربنا يوفق العبد لما هو صالح .. ادعي الله بالصلاح والفلاح .. ربنا مجيب الدعاء... أحد ماهنالك مثالي ، ﴿ كل ابن آدم خطاء، وخير الخطائين التوابون﴾ حديث نبوي شريف .. والله المستعان

نسأل الله دائما ان يتقبل الصلاة والصيام والدعاء وصالح الاعمال .. هذا الامر يفضل ان يكون الفم نظيفا من بقايا الاكل، ولو صلاة مع جماعة، يفضل ان تكون رائحة طيبة ألا نؤذي جاري ف الصلاة

الواجب منك بعد الاصطدام بعقلية من هذا التفكير السطحي الأعمى أن ترفضي النقاش معه، ليس هذا الارتباط .. بل انه الميثاق، والعهد والمسؤولية وليس مجرد مشاعر فضفاضة مؤقتة، هذا استغلال وليس حب هذا استهتار واستخفاف بقلوب البشر، انها نعمة يجب الحفاظ عليها

فيزا ائتمانية من اي بنك، ياريت بنك اسلامي

اقبلي يا اختي ، انت لسه في البداية هتقعدوا وتفهموا بعض لو حسيتي بفرق كبير في التفاهم او مش هيناسبك ويناسب عقليتك عادي تقدري ترفضي، ممكن توافقي مبدأيا عادي، في قعدة الرؤية الشرعية او قراية الفاتحة تفتحوا دماغ بعض وتتكلموا في المستقبل، .. وربنا يوفقك في الاختيار

انت الله يقويك ويعينك، انا شايف انك تدور على شغل ٠جنب الدراسة وتشوف طريق تاني، لان طريق العيلة كده هيتعبك

عادي صرحي بده للجماعة ده حقك مفيهاش كسوف، قولي كل حاجة حاسة بيها، مفيش توافق مفيش نصيب مش مناسبك كل ده وارد

حبيبي والله .. احنا قدامنا مشوار طويل لسه فيه كلية وجيش وشغل ومسؤوليات ادارة وعلاقات لازم نعرفها، محتاج تستقر مع نفسك بينك وبين ربنا، وتبدا تاخد خطوة جدية في حياتك، وحاول تستغل الماضي وتعمل منه دروس بس، ربنا يوفقك كل واحد عنده مشاكل فيه الل بيظهر وفيه الل مكتوم طور انت من نفسك بس وكله هيتحل بعون الله.

شغل التفصيل والخياطة حاجة متحرمة، تحفيظ قرآن، تدريس في حضانة او مدرسة، بائع في مكتبة او ملابس حريم، مطبعة وكتب، استقبال في عيادة او سكرتيرة، مساعد صيدلية .. يارب الدنيا واسعة فعلا الحمد والشكر

لا قوة الا بالله.. بس انت فاهم غلط، العلاقات والمعارف مش بس كلام عن المشاكل هي مش جلسة تأهيل نفسي، الفكرة ان الاصل لازم يكون فيه اصدقاء، وتخرجوا مع بعض وتتقابلوا تخفف ضغط المذاكرة شوية ، لعب في النادي مثلا مشوار تمشية اي حاجة، وماتشيلس الهم كده، عادي جدا، اما تحس بضغط اطلع اتمشى شوية عادي الدنيا واسعة، واذكر ربنا بقى وانت ماشي، يفتكرك ويقف معاك، بعض المشاكل مش بيحلها الا ربنا

دلوقت ابدئي تحسني عاداتك وتسترخي واهتمي بموقفك مع ربنا، لحد ماتشوفي دكتور

فصل الخطاب هنا.. اعرضي عليه يجي يتقدم، او بلاش هو اكيد عارف الصح فين، بيبان عليه لو جاد في الارتباط هيدخل راجل لاهل البيت، والا يبقى مراهق لسه وعيل

ههههه انتو حساسين قوي سبحان الله مشاعر مرهفة خالص.. ربنا يوفقك ويكتبلك الخير هو يبدو انه استاذ مراهق ومش مراعي ربنا ومعندوش حدود وبيستغل مكانه، مايستحقش بجد حد لطيف وحنون زيك ده الله يهديه ويهدينا، ودي مواقف عابرة نهتم بيها لما يحصل احداث جادية تأكيدية .. الله المستعان

اوعي توافقي قبل مايمسك شغل. تبقي ظلمتي نفسك قوي ، ليه العجلة ، لازم يعتمد على نفسه كليا بعدها ممكن تتقربي من اهله وكده

زيارة دكتور قلب وباطنة، احتمال يكون ارتخاء في عضلة القلب، بيسبب الأعراض دي

صلي ع النبي وحدي الله كده العمر قصير اصلا، انت ليكي دور كبير في الدنيا دي ازاي مش واخدة بالك، قدامك مسؤوليات وتربية اشبال وبناء نفس وبناء بيت بالكامل وعلاقات ومعارف وجيرة طيبة الدنيا واسعة، ماتحصريهاش في بوتقة ضيقة، ارفعي السقف واستعيني دايما بالله لو صعبت خالص، اتواصلي مع شيخ كويس عندكم يكون نشيط يرشدك عمليا تساعدي نفسك وتعيدي حيوية الشباب

استعيني بالله وافتحي الموضوع مع حد كبير، قبل مااخدي قرار منفرد

يامعين يارب .. كل ابن ادم في ابتلاء، لقد خلقنا الانسان في كبد ، الآية

انا بقدر المرأة جدا وبعتز بمكانتها في الحياة وانها لا تستحق ابدا استغلال الرجل لان الراجل ضعيف قدام المرأة، وممكن يخدعها بكذا اسلوب شيطاني على انه ملاك، البنت لازم تبقى رزينة وتقيلة وماتجريش ورا الواحد، الراجل بصدق هو الل جاي يطرق الباب ده راجل مسؤول ويعتمد عليه

لازم تتحملي عقاب فتحك لباب الفتنة من الاول.. انصحك تشوفي شغل تشغلي بيه ايامك، العلاقة الل جاية من لعبة غير جدية اكيد، ومش صح ابدا الارتباط من وسائل افتراضية، معقول يعني الواقع خالي من الرجالة الحنونة

استشارة في ادارة صيدلية.؟ ممكن

السعادة نسبية لكل طبيعة شخصية، كل واحد عنده سعادة من مصدر مختلف مش شرط المال

انضمي لجمعيات تطوعية بيعملوا مشاريع اجتماعية جميلة هتغيرك اكيد للاحسن

دور على شيخ صاحب علم للرقية الشرعية

بصي اهدي وصلي ع النبي، هم زمايلك من زمان ولا ف السكن بس ولا ف الكلية بس، لان ده عادي جدا انك تلاقي شخصيات بطباع مختلفة ماشوفتهاش قبل كده، ويكون غصب عنهم اسلوبهم كده، فانت حاولي تتأقلمي مع الوضع ده اصلا وكأنك مكتفية بذاتك او اتواصلي مع الكل عادي لحد مايبان الزميل المخلص

لا هو مش صح طبعا، كل انسان فيه السيء والطيب، المتخبي والمكشوف ظاهر وباطن دي امور بتعدي وبنتعلم منها بس، مش نقف عليها، انت اتواصلتي مع شباب ماشي ده غلط حد ذاته، وقلتي تعملي بالواجب وتعزيه كأنه صديق، ماشي برضو تصرف جدع ع فكرة مش غلط، لكن الاصل ان البداية كانت ممنوعة، ع العموم هو حرام التواصل مع الشباب في غير الضرورة لدرء الفتنة، بس حطي ف بالك وخليكي عميقة وانتي بتحسبيها لما حد يكلمك من الولاد، يبقى دايما سؤالك هو عايز ايه ومباشر

من امتى يعني كده فجأة ولا ده طبعها وفين كبير البيت تحكيله

لا، اتق الله هم هيعرفوا قيمتك وانت تروحي جهنم يعني! ضحيتي بحياتك الاخرة.. بكره كلمة انتحار .. حل غبي وغير عادل.. ممكن تتكلمي مع حد كبير من القرايب يتواصل معاهم لو فيه خلاف ف نقطة معينة، وادعي بالهداية وصلاح الحال.. احيانا فيه امور حلها الوحيد عند ربنا

كام سنة على كده، السن بيفرق ناحية التجارب.. الموضوع محتاج دكتور يعني؟ اعتقد بسيط يجي بتغيير النظرة للنفس بس وانك تفكري باسلوب استغلالي ، الضيف ده زيارته قد ايه يعني! ساعة ساعتين! أستغل وجوده واتكلم معاه مواضيع برا البيت جوا البيت.. الوضع سيطرة من الثقة بالنفس

انت حاسس انك مصاب بحاجة خد حد وشوف دكتور دغري ماتتاخرش على نفسك.. انت غالي قوي وربنا خلقك لهدف ، تعمير الارض بص بعيد الدنيا واسعة، شوفلك شغل ف محل بعد المدرسة تكسب بيه الناس وتحسن صورتك .. هتبقى تمام استعن بالله

يإما بتدرس يا بتتعلم يا بتشتغل، وقت فراغك مع اهلك او قرايبك او زمايلك او صحابك

يبني انت راجل

يحبيبي

لا قوة الا بالله.. استعن بربنا ودايما اذكره، صلاتك مع الجماعة في المسجد ،لازم تشوف شغل ضروري ازاي كده، الحالة دي لازم تخرج منها، فيها ناس بتموت على ذنب وتبعث عليه، انقل السكن او رتب للجواز

الله يصلح الحال

بصي هو المفترض فترة الخطوبة طولت، بس الحمدلله طبعا على كلٍ، فترة الخطوبة ليها حدود زمنية وحدود تعاملية، مش صح انك تتعشمي في الخاطب مهما عمل، انا شايف ان التفاهم مش متصل، وهو بدأ يقلل اهتمام، على طول تفهمي انه بيفكر يفسخ الخطوبة، او شايف حد تاني، المهم انه هيبقى ف كل الحالات مش كويس، وما تستحقيش زيه اذا كان بيخاف المسؤولية او عينه بتزيغ ومتاح مع الباقي.... هي خطوبة يعني امتحانات مش قرار نهائي

كلم حد قريب منها يعرض عليها، يمكن اصلا مش ناوية للخطوة، ان شاء الله يقدم الخير

التعامل مع الناس.. المواقف كتير والاماكن اكتر، التسوق اكتر عملية فيها تعامل مع البشر، الجمعيات الخيرية التطوعية، الشغل في احد المحلات اي نشاط مع الناس زيارات القرايب الاصدقاء لو فيه.. متيسرة باذن الله

انا ماعتبرش دي مشكلة اصلا عندكم، ان دي صفة مميزة، الخجل والحياء .. لكن المحدود

لا عليك يا فتى.. استعن بالله واستمر في هذه الحياة، فالنجاح لابد من تحديات في طريقه، وهذا ابتلاء واختبار أعانك الله

ممكن فعلا كون يكون حسد او عين او البعيد يكون مس.. شيخ القرية ممكن يعمل لك رقية، الرقية مهمة هنا

اصلا الواحد يتمنى يشوف دكتور يناقش معاه مواقف حياتية بتعدي .. يحسبها من العقد وهي محلولة مش عارف... لكن لا نيأس من الدعاء والارتباط مع الله، لو بتقرئي قرآن وتدبري آياته ماكنش جالك شعور إلحادي زي ده، فيه دورة اسمها البناء المنهجي شغالة دلوقت ادخلي شوفيها كده، انا مشترك الدفعة دي .. سبيل .. جربي الناس بتاخد سبيل

زيارة الطبيب النفسي اصلا، وده لمعلوم الناس، هو أمر في أصله اعتيادي، ولازم يكون كده، هي عملية استشارة في بحر النفس المعقد، واطمئنان على السلوكيات المشكوك في صحتها وقياسها بقوانين المنطق والطبيعة من خلال التجارب الناجحة والفاشلة على مر العصور.. العقبة الوحيدة بين عامة الناس والطبيب النفسي هي ارتفاع سعر الجلسات، حقيقي..

😅انا ضحكت على موقف الدكتورة النفسية المتخيل .. اولا انت المفروض نظرك ابعد من كده، ناحية انك بتدرسي مهنة عميقة كلها تسبيح على القدرة الالهية والدقة، فده الموقف الصحيح لو حسيتي انك حدتي عن الطريق او انزاحتي بمجرفة، وسوسات شيطان نفس أمارة، ماتعطيلوش ودن، اه انت اذكى من كده طبعا بفضل الله يعني وعونه تقدري تضمي نفسك، كلنا بنتخبط بس ماسكين في حبل الله والحمدلله دائما، انا ف هندسة برضو وفترة مريت بمراحل صعبة لكن بتعدي بعون الله كله بفضل الله

الواد دهه من الاخر من الولاد الل بتتسلى، ومش هينفعك ابدا لإنه اختار السهل وسبيل الشيطان، الصح انه لو عايزك بحقيقي يطلبك من أهلك، أو انه بيستغل غياب راجل في حياتك، .. استغلالي؟ شيطان. لازم تبعدي عنه مش هيحترمك حتى لو وصل لك وارتبط بيكي، بجده معروف، بيستغلوا مشاعر البنات المرهفة دي ويزهق ويغادر.

لا طبعا دي ازمة كبيرة، بتعطي قلبك لحد مايستاهل ولا مقدر.. كمان اللهفة يجب ان تيجي منه هو المريد عادة.. العموم ادعي ربنا يبعتلك ابن الحلال وفكري لو تشتغلي في مكان فيه فرص .. فاهماني

لا عادي فيه ناس كتير كده ، بس لو تقدر تتطمن من دكتور ياريت.

من امتى كده وسنك كم يعني.. لا الاب حنون حتى لو مش بيقدر يعبر

كنتي كويسة وحصللك صدمة فجأة ولا ايه الحدث؟

ليك قرايب ولاد عم ولا خال، صحاب قديمة زمايل قديمة

بتحاول تقفلها على نفسك انت.... قول عندك ايه ماحدش يعرفك عشان لو احراج ولا كده

ايه نظرك ماله ممكن أفهم؟ ، وموضوع العلاقات ده سهل جدا ممكن تتعرف على ناس جديدة دراسة او شغل

راجعي مظهرك ف المرايا قبل الخروج يمكن ملابسك ملفتة، ضيقة او شفافة، او رقبتك بتظهر تحت الطرحة شوفي .. وفكري تنتقبي