عرفة عبد الكريم

الجامعة مش هتغيرك، انتي غيري من تفكيرك، انتي طبيعية جدا انتي لانك حاسة ان الناس الجديدة متشبهكش ومش قادرة تتعودي علي وجودهم مش مشكلة يعني، بس المهم انك تصبري وتشوفي هل احساسك دا غلط، والا فعلا عشان الاس دي مش شبهك فاحساس قلبك كان صادق، و ممكن تكوني لسة ملقتيش الناس او الاشخاص اللي يشبهوا روحك، لان ممكن انتي عندك صفات ومبادئ معينة متمسكة بيها لما بتقابلي ناس جديدة بتحسي انهم ناس تانية من حيث الاخلاق او التصرفات و نمطهم في الحياة واختلاف السلوك، بس هي الدنيا كدا كلها اختلافات لذلك اهم شي الثقة وانك تتعاملي مع الكل بس بلاش انك تتعمقي في التعامل لانك هتنصدمي في ناس كتير.

انا كنت بمر بكدة واكتشفت ان سبب دة التوتر مع تفكير زيادة، لكن مفيش شئ اسمة رهاب بالموضوع دة، لان الرهاب شئ سئ مش سهل لذلك محدش يوهمك بالشئ دة وممكن يكون من اسباب كدة معاكي انك مش بتختلطي كتير بناس خارج اطار البيت، بتحبي العزلة او الوحدة وبتلاقي نفسك فيها مش اكتر

شوفي، مع احترامي للناس اللي جاوبت، متوهميش نفسك بموضوع الرهاب الاجتماعي كل الموضوع بيتمثل في انك مش بتمري بمواقف وتجارب تخليك تتعلمي، انتي تمام، مجرد توتر لانك مش بتعيشي اللحظة اللي انتي فيها بمعني ادق انتي بتفكري في الموقف قبل ما يحصل بتفكري هتقولي اية هتعملي ايه ودا شئ عادي بس متتوتريش ولا تخططي وكل شئ هييجي بسلاسة، خليك عفوية واتصرفي بشخصيتك الطبيعية بدون تصنع او تكلف مع الثقة كلو هيكون تمااام.